ꓳ-ꓢꓲ-ꓔꓯ-ꓡꓲ-ꓬ ꓗꓪ ꓔꓶ ꓜ ꓔꓶ ꓓꓳ ꓚꓱꓹ ꓟꓬꓱꓽ ꓬꓰ ꓢꓴ ꓘꓴ ꓓꓴ ꓥꓳ

ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓔꓶ ꓜ ꓔꓶ ꓓꓳ ꓚꓱꓹ ꓟꓬꓱꓽ ꓬꓰ ꓢꓴ ꓮ-ꓢꓲ-ꓬ ꓟꓵꓽ ꓗꓪ ꓐꓰ ꓘꓴ ꓠꓹ ꓟ ꓙ ꓖꓶ ꓔꓬ ꓡꓳ ꓐꓰ꓾ ꓔꓶ ꓜꓽ ꓔꓶ ꓓꓳ ꓚꓱꓹ ꓢꓲꓽ ꓒꓽ ꓓ ꓟ ꓓ-ꓪꓵ ꓡꓲ-ꓔꓯ ꓑ-ꓣꓳ (David Littleproud) ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

ꓡ ꓠꓹ ꓟ 2022 ꓘꓳꓼ 2 ꓦ ꓟ ꓘꓴꓽ ꓗꓪ ꓛꓱꓼ ꓡꓱꓼ ꓢꓶꓽ ꓦ ꓟꓲ ꓗꓪ ꓟꓬꓱꓽ ꓬꓰ ꓢꓴ 30000 ꓣꓳ ꓟꓽ ꓞꓲ ꓣꓱꓽ ꓬꓯꓼ ꓔꓬ ꓡꓳ꓿ ꓠꓱꓸ ꓐꓯꓼ ꓦ ꓟꓲ ꓬꓲ ꓫꓵ ꓬꓲ ꓙꓰ ꓗꓪ ꓟꓬꓱꓽ ꓬꓰ ꓢꓴ ꓮ ꓟꓬꓹ ꓣꓱꓽ ꓬꓯꓼ ꓔꓬ ꓢꓲ꓾ ꓦ ꓟꓲ ꓢꓲ ꓒꓽ ꓐꓴ ꓡꓰ ꓗꓴꓷꓼ ꓙꓵꓽ ꓜꓴ ꓔꓯ ꓟꓬꓱꓽ ꓬꓰ ꓢꓴ ꓧꓪ ꓙ ꓡꓯ ꓐꓰ ꓓꓰꓽ ꓡ ꓠꓬꓲ꓾ ꓕꓱ ꓡꓱ ꓟꓬꓱꓽ ꓬꓰ ꓢꓴ ꓘꓴ ꓠꓹ ꓟ ꓙ ꓖꓶ ꓡ ꓟ ꓥ ꓡꓳ꓿

2021 ꓘꓳꓼ 11 ꓦ ꓗꓪ ꓐꓰ 2022 ꓘꓳꓼ 3 ꓦ ꓗꓪ ꓛꓲ ꓬꓲꓸ ꓪꓴꓸ ꓕꓲꓽ ꓩꓴꓸ ꓘꓴ ꓓꓴ ꓥ ꓢꓲ꓾ ꓕꓮꓲ꓾ ꓟꓬ-ꓟ꓾ ꓡ-ꓳ꓾ ꓗ-ꓐꓳ-ꓓꓲ-ꓬ꓾ ꓟꓶ-ꓡꓯ-ꓫ꓾ ꓒꓲ-ꓡꓲ-ꓒꓲ꓾ ꓐꓲ-ꓬꓯ-ꓠ꓾ ꓲ-ꓓꓳ-ꓠꓰ-ꓫ꓾ ꓢꓰ-ꓖ-ꓑꓴ ꓗꓴꓷꓼ ꓐꓴ ꓔꓯ ꓙ ꓡꓯ ꓘꓳ ꓢꓲ꓾ ꓙ ꓟꓳ ꓘꓶꓽ ꓡꓯꓼ ꓓꓴ ꓢꓽ ꓓꓳ ꓡꓰ ꓠꓬ ꓟꓬꓱꓽ ꓕꓱ ꓟ ꓪꓴꓸ ꓔꓴ ꓓꓴ ꓥꓳ ꓐꓰ ꓐꓯ ꓡꓳ꓿

ꓗꓴꓷꓼ ꓓꓵꓽ ꓙꓵꓽ ꓪ ꓠꓬ Ag Visa ꓥ ꓢꓲ꓾ ꓮ ꓡꓲꓳ ꓫꓵꓽ ꓡ ꓞꓳ ꓔꓯ ꓖꓶꓽ ꓠꓹ ꓟ ꓬꓲ ꓚꓱꓹ ꓜꓲ ꓜꓲ ꓟꓴ ꓟꓴ ꓠꓬ ꓟꓶ ꓤ ꓟꓽ ꓥ ꓕꓯꓽ ꓢꓷ ꓙ ꓟꓴ ꓙ ꓓꓴ ꓥꓳ ꓐꓯ ꓡꓳ꓿

Source: SBS