ꓕꓮꓲ ꓟꓵꓽ ꓗꓪ 14 ꓘꓳꓼ ꓙꓳ ꓟ ꓢꓳ ꓒꓽ ꓠꓮꓳꓼ-ꓗꓮꓳꓼ ꓠꓬ ꓲꓑꓧꓳꓠꓰ ꓕꓲ ꓢꓶꓽ ꓔꓯ ꓳꓠꓡꓲꓠꓰ ꓗꓪ ꓐꓰ ꓪꓴꓻ ꓗꓷ ꓗꓸ ꓠꓯꓸ ꓲꓑꓧꓳꓠꓰ ꓟꓽ ꓦ ꓛꓲ ꓡ ꓟ ꓗꓪ ꓐꓰ ꓠꓲꓹ ꓟ ꓫꓸ ꓢꓲꓸ ꓫꓵꓻꓳ꓿
ꓠꓮꓳꓼ-ꓗꓮꓳꓼ ꓠꓬ ꓳꓠꓡꓲꓠꓰ ꓗꓪ ꓕꓳ ꓶ ꓢꓳ ꓠꓹ ꓟ ꓣꓱꓽ ꓬꓯꓼ ꓟ ꓑꓶꓸ ꓓꓴ ꓲꓑꓧꓳꓠꓰ ꓕꓲ ꓢꓶꓽ ꓔꓯ ꓬꓲ ꓠꓸ ꓜꓼ ꓔꓸ ꓟ ꓒꓴ ꓐꓰ꓾ ꓬꓲꓸ ꓟꓹ ꓟ ꓡꓰ ꓖꓶ ꓔꓺ ꓡ ꓟ ꓒꓴ ꓮ ꓙꓵꓽ 500 ꓐꓼ ꓔꓯ ꓦ ꓖꓶ ꓩꓴ ꓗꓷ ꓟ ꓥ ꓡꓳ꓿
ꓳꓠꓡꓲꓠꓰ ꓗꓪ ꓐꓰ ꓗꓶꓸ ꓒꓽ ꓠꓬ ꓔꓯ ꓳꓠꓡꓲꓠꓰ ꓮꓚꓚꓳꓴꓠꓔ ꓗꓪ ꓬꓲꓸ ꓔꓯ ꓟꓡꓙ ꓡꓯ ꓘꓳ ꓚꓱꓹ ꓑꓲꓸ ꓩꓴ ꓡ ꓠꓬꓲ ꓬꓲꓸ ꓠꓲꓹ ꓟ ꓫꓸ ꓟꓬꓽ ꓡꓰ ꓢꓲ ꓜꓽ ꓓꓴ ꓟꓽ ꓜꓽ ꓟꓽ ꓓꓳ ꓗꓷ ꓡꓰ ꓗꓸ ꓠꓯꓸ ꓕꓱ ꓡꓱ ꓫꓵꓻ ꓟ ꓥ ꓡꓳ꓿
ꓓꓳꓽ ꓕꓱ ꓟ ꓑꓶꓸ ꓓꓴ ꓕꓮꓲ ꓗꓴꓷꓼ ꓣꓯ-ꓓꓲ-ꓣꓴ꓾ ꓙꓸ ꓠꓸ ꓐꓰ ꓠꓱꓸ ꓐꓯꓼ ꓬꓲ ꓫꓵꓽ ꓬꓲ ꓙꓰ ꓓꓳꓽ ꓝꓸ ꓚꓱꓹ ꓗꓪꓽ ꓫꓵꓽ ꓜꓴ (ꓠꓐꓔꓚ) ꓡꓰ ꓳꓠꓡꓲꓠꓰ ꓗꓪ ꓗꓶꓸ ꓔꓬ ꓢꓴ꓾ ꓔꓦ ꓐꓰ꓾ ꓟꓰꓢꓢꓮꓖꓰꓣ ꓗꓪ ꓐꓰ ꓓꓳꓽ ꓚꓬꓼ ꓐꓳ ꓔꓬ ꓢꓴ꓾ ꓕꓱ ꓡꓱ ꓩꓹ ꓜꓽ ꓜꓴ ꓐꓴ ꓔꓯ ꓧꓪ ꓢꓲꓸ ꓑꓲꓸ ꓩꓴ ꓠꓹ ꓟ ꓕꓵꓼ ꓪ 2021 ꓘꓳꓼ 9 ꓦ 23 ꓠꓬꓲ ꓕꓯꓽ ꓓꓳ ꓩꓴ ꓡ ꓡꓳ꓿
ꓠꓬꓲꓸ ꓠꓬꓲ 2021 ꓘꓳꓼ 9 ꓦ 24 ꓠꓬꓲ ꓗꓪ ꓳꓠꓡꓲꓠꓰ ꓗꓪ ꓐꓰ ꓗꓶꓸ ꓜꓽ ꓜꓴ ꓗꓪ ꓐꓰ 1 ꓣꓳ ꓔꓯ ꓣꓴ ꓟꓶ ꓔꓸ ꓡꓳ꓿ ꓠꓱꓸ ꓐꓯꓼ ꓗꓶꓸ ꓜꓽ ꓢꓴ ꓐꓴ ꓔꓯ ꓟꓲ ꓟꓯꓼ ꓐꓴ ꓡꓰ ꓡꓯ ꓫꓵ ꓧꓪ ꓔꓬ ꓡꓳ꓿
ꓣꓰꓝꓽ https://www.komchadluek.net/hot-social/485032