ꓮ ꓟꓲ 7 ꓦ 23 ꓠꓬꓲ ꓠꓯꓼ ꓝꓲꓸ ꓗꓪ ꓲ-ꓢꓰ ꓐꓱ ꓓꓴ ꓗꓪ ꓢꓴꓺ ꓔꓴ ꓒꓳꓹ ꓔꓳꓹ ꓟ ꓙꓳ ꓡ ꓟ ꓔꓯ ꓟꓯꓼ ꓐꓴ ꓡꓰ ꓤ ꓟꓶꓼ ꓪꓴꓸ ꓓꓵ ꓣꓱꓽ ꓢꓴ 5 ꓣꓳ ꓐꓰ꓾ ꓠꓱꓸ ꓐꓯꓼ ꓢꓴ ꓮ ꓙꓵ ꓠꓬ 20 ꓣꓳ ꓔꓯ ꓡꓽ ꓛꓴꓸ ꓐꓶ ꓢꓰꓼ ꓗꓷꓳ ꓐꓰ꓾ ꓓꓦꓐ ꓗꓪ ꓐꓳ ꓔꓸ ꓡꓳ꓿
ꓢꓴꓺ ꓔꓴˍ ꓟ ꓗꓪ ꓐꓱ ꓓꓴꓽ ꓡꓳꓸ ꓢꓴ ꓕꓲ ꓐꓱ ꓥ ꓟꓲ ꓔꓺ ꓞꓹ ꓠꓬꓲ ꓬꓲꓸ ꓪ ꓮ ꓙꓵ ꓢꓴ ꓔꓯ ꓟꓯꓼ ꓡꓰ ꓣꓴ ꓡꓴꓽ ꓔ ꓟ ꓡꓰꓽ ꓟꓽ ꓞꓲ꓾ ꓐꓱ ꓓꓴ ꓗꓪ ꓙꓵꓽ ꓪ ꓮ ꓙꓵꓽ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓙꓵꓽ ꓔꓬ ꓡꓳ ꓐꓯ ꓡꓳ꓿
ꓲꓚꓣꓚ (ꓟꓵ ꓗꓳ ꓓꓵ ꓓꓵ ꓗꓴꓷꓼ ꓗꓪ ꓞꓳ ꓠꓻ ꓬꓰ ꓙ ꓗꓳ-ꓟꓲ-ꓔꓲ) ꓠꓬ ꓲ-ꓢꓰ ꓐꓱ ꓓꓴꓽ ꓐꓰ ꓠꓱꓸ ꓐꓯꓼ ꓐꓱ ꓓꓴ ꓮ ꓙꓵꓽ ꓗꓪ ꓓꓵꓽ ꓪ ꓢꓲ ꓬꓰ ꓙ ꓙꓲꓽ ꓙꓳ ꓟ ꓬꓰ ꓙ ꓐ ꓡ ꓠꓹ ꓟ ꓕꓵꓼ ꓡꓵꓸ ꓡꓳꓸ ꓔꓬ ꓥ ꓟꓲ꓾ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓮ ꓟꓶ ꓗꓪ ꓛꓲ ꓮ ꓫꓵꓽ ꓟꓽ ꓓ ꓔꓳꓹ ꓡ ꓢꓰ꓿
ꓮ ꓟꓲ ꓲ-ꓢꓰ ꓐꓱ ꓓꓴꓽ ꓢꓴꓺ ꓔꓴ ꓟ ꓒꓬꓱꓼ ꓡꓰ ꓗꓸ ꓠꓯꓼ ꓗꓴꓷꓼ 15 ꓗꓴꓷꓼ ꓗꓪ ꓟ ꓟꓬ-ꓟ ꓐꓱ ꓶ ꓗꓴꓷꓼ ꓝꓲ ꓓꓴ ꓐꓴ ꓡꓯꓼ ꓓꓴ ꓐꓳ ꓢꓲ꓾ ꓢꓴ ꓔꓴ ꓔꓬ ꓟ ꓬꓲꓸ ꓑꓶꓸ ꓔꓯ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓒꓶꓻ ꓫꓬꓽ ꓠꓹ ꓟ꓾ ꓡꓴꓽ ꓔ ꓢꓴ ꓮ ꓙꓵ ꓞꓳ ꓤ ꓕꓲ ꓣꓳ ꓟꓶ ꓙꓲꓽ ꓙꓳ ꓟ ꓶꓽ ꓖꓶ ꓠꓹ ꓟ ꓢꓯꓼ ꓖꓶ ꓔꓸ ꓡꓳ꓿
ꓑ ꓫꓬ ꓙꓵ ꓪ ꓦꓴ ꓟꓯꓼ ꓐꓴ ꓠꓬ ꓑ ꓫꓬ ꓐꓰ꓾ ꓗꓴꓷꓼ ꓟꓬꓱꓽ ꓬꓰ ꓢꓴ ꓔꓯ ꓘꓰꓽꓮ ꓡꓰ ꓠꓲꓹ ꓜꓳ ꓢꓲ꓾ ꓢꓰꓼ ꓔꓬ ꓥ ꓟꓲ꓾ ꓡ ꓛꓴꓸ ꓶ ꓡꓯꓼ꓾ ꓒꓲꓸ ꓬꓯ ꓶ ꓡꓯꓼ꓾ ꓢꓴꓹ ꓘꓴꓽ ꓢꓴ ꓡꓰ ꓐꓰ ꓝꓴꓲꓸ ꓬꓰ ꓢꓴ ꓔꓯ ꓠꓬ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓖꓶ ꓔꓬ ꓡꓳ꓿