2022 ꓘꓳꓼ 10 ꓦ 1 ꓠꓬꓲ ꓕꓯꓽ꓾ ꓲ-ꓓꓴ-ꓠꓰ-ꓫ ꓗꓴꓷꓼ꓾ ꓐꓶꓽ ꓓꓳ ꓙ-ꓐꓹ ꓗꓪ Arema FC ꓐꓰ꓾ Persebaya Surabaya ꓑꓲꓹ ꓡꓴꓸ ꓑꓲꓹ ꓜꓴ ꓐꓴ ꓔꓯꓺ ꓡꓯ ꓘꓳ ꓟ ꓗꓪ ꓢꓯꓼ ꓖꓶ ꓢꓴ ꓐꓴ ꓢꓴꓺ ꓔꓴ ꓡ ꓢꓴꓸ 129 ꓣꓳ ꓫꓵꓻꓳ꓾ 180 ꓣꓳ ꓠꓻ ꓓꓴ ꓬꓰꓳ ꓐꓰ East Java ꓑꓳ-ꓡꓲ ꓟꓯꓼ ꓜꓲꓽ Nico Afinta ꓡꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
“34 ꓣꓳ ꓠꓬ ꓑꓲꓹ ꓡꓴꓸ ꓑꓲꓹ ꓓꓰ ꓗꓪ ꓫꓵꓻ ꓢꓲ꓾ ꓠꓱꓸ ꓐꓯꓼ ꓢꓴ ꓠꓬ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓛꓲ ꓕꓯꓽ ꓫꓵꓻꓳ” ꓐꓰ ꓲ-ꓓꓴ-ꓠꓰ-ꓫ ꓑꓳ-ꓡꓲ ꓟꓯꓼ ꓡꓰ ꓐꓯ ꓡꓳ꓿
ꓢꓯꓸ ꓐꓬꓱꓽ ꓗꓪ ꓡꓳꓸ ꓠꓬꓲ ꓕꓯꓽ꓾ ꓑꓲꓹ ꓡꓴꓸ ꓞꓳꓸ ꓡꓰ ꓠꓬꓹ ꓢꓴ ꓕꓲ ꓜꓴ ꓔꓯ ꓢꓯꓼ ꓖꓶ ꓢꓴ ꓐꓴ ꓑꓲꓹ ꓡꓴꓸ ꓑꓲꓹ ꓓꓰꓺ ꓗꓪ ꓓꓵꓽ ꓡ ꓢꓲ꓾ ꓟꓯꓼ ꓠꓰ ꓗꓽ ꓡꓲꓸ ꓗꓽ ꓟꓽ ꓓ꓾ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓗꓷ ꓟ ꓥ ꓡꓳ꓿