ꓲ-ꓓꓲ-ꓬ ꓤꓼ ꓟꓶꓼ ꓡꓯꓸ ꓕꓲꓽ ꓣꓳ ꓠꓬ ꓡ ꓠꓹ ꓟ 2022 ꓘꓳꓼ 6 ꓦ 11 ꓠꓬꓲ ꓕꓯꓽ ꓬꓲꓸ ꓚꓲꓸ ꓛꓬ ꓡꓯ ꓒꓯꓹ ꓝꓸ ꓠꓹ ꓟ ꓙ ꓖꓶꓽ ꓔꓬ ꓡꓳ꓿
ꓬꓲꓸ ꓟꓬꓱꓺ ꓠꓬ ꓗꓯ-ꓫ-ꓟ-ꓐꓲ-ꓓꓴ (Kshama Bindu) ꓥ ꓢꓲ꓾ ꓪ-ꓓꓴ-ꓓ-ꓬ꓾ ꓖꓴ-ꓙ-ꓬ ꓐꓶꓽ ꓓꓵꓽ (Vadodara, in the western state of Gujarat) ꓗꓪ ꓙꓳˍ ꓟ ꓦꓲ-ꓓꓴ ꓪ ꓘꓴ ꓦꓲ ꓕꓲꓽ ꓟ ꓗꓪ ꓬꓲꓸ ꓚꓲꓸ ꓛꓬꓽ ꓔꓯ ꓡꓯ ꓒꓯꓹ ꓝꓸ ꓑꓮꓲꓽ ꓬꓰ ꓓꓴ ꓥ ꓡꓳ꓿
“ꓮ ꓡꓲ ꓟ ꓠꓬ ꓠꓴ ꓔꓯ ꓠꓴ ꓠꓵˍ ꓟ ꓕꓯꓽ ꓢꓲ ꓠꓲꓹ ꓠꓵ ꓐ ꓡˍ ꓡ?” ꓐꓰ 24 ꓘꓳꓼ ꓡꓳꓼˍ ꓟ Kshama Bindu ꓡꓰ ꓠꓻ ꓠꓬꓲ ꓢꓲ꓾ “ꓕꓱ ꓡꓱ ꓬꓰˍ ꓟ ꓠꓬ ꓥꓪ ꓤꓶ ꓗꓪ ꓗꓹ ꓛꓲ ꓗꓹ ꓓ ꓔꓬ ꓠꓹ ꓟ ꓙ ꓟꓳ ꓘꓶꓽ ꓬꓰˍ ꓟ ꓥꓳ” ꓐꓯˍ ꓡꓳ꓿
ꓡꓯ ꓒꓯꓹ ꓝꓸ ꓓꓳ ꓡꓰˍ ꓠꓬ ꓬꓲꓻ ꓡꓴꓽ ꓐꓱ ꓘꓶꓽ ꓗꓪ 2 ꓫꓵꓽ ꓠꓽ ꓶ ꓚꓳ ꓗꓹ ꓚꓳ ꓠꓹ ꓟ ꓥ ꓟꓲ ꓙꓽ ꓖꓶꓽ ꓔꓸ ꓡꓳ꓾ ꓐꓯ ꓡꓳ꓿
“ꓮ ꓟ ꓠꓰ ꓠꓴ ꓬꓰˍ ꓟ ꓠꓽ ꓬꓲꓸ ꓫꓵꓼ ꓕꓲꓽ ꓫꓵꓽ ꓥꓳ꓿ ꓳꓸ ꓐꓯ ꓖꓶ ꓠꓴ ꓠꓲꓹ ꓢˍ ꓠꓬ ꓥꓪ ꓠꓴ ꓔꓺ ꓙ ꓓꓴ ꓥꓳ ꓐꓯˍ ꓡꓳ꓾” ꓐꓰ ꓕꓲꓽ ꓝꓸ ꓐꓯ ꓟꓳꓸ ꓖꓶ ꓡ ꓡꓳ꓿
ꓕꓱ ꓡꓱ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓡꓯ ꓒꓯꓹ ꓝꓸ ꓟ ꓠꓬ꓾ “ꓥꓪ ꓐꓱ ꓶ ꓥꓪ ꓢꓯꓸ ꓔꓬ ꓡꓳ꓾ ꓥꓪ ꓠꓲꓹ ꓠꓵˍ ꓟ ꓥꓪ ꓥ ꓡꓳ” ꓐꓯˍ ꓟ ꓓꓵꓽ ꓙ ꓚꓱꓹ ꓪꓴꓽ ꓓꓰꓺ ꓡ ꓟ ꓥ ꓢꓲ꓾ ꓲ-ꓖꓰ-ꓡꓲꓼ ꓥꓳꓽ ꓗꓪ ꓢꓳ-ꓡꓳ-ꓖ-ꓟꓲ (Sologamy) ꓘꓴˍ ꓡꓳ꓿
2022 ꓘꓳꓼ 6 ꓦ 11 ꓠꓬꓲ ꓡꓯ ꓒꓯꓹ ꓝꓸ ꓑꓮꓲ ꓬꓰ ꓛꓱꓼ ꓬꓰˍ ꓠꓬ ꓗꓯ-ꓫ-ꓟ-ꓐꓲ-ꓓꓴ (Kshama Bindu) ꓠꓬ ꓲ-ꓓꓲ-ꓬ ꓗꓴꓷꓼ ꓗꓪ ꓐꓰ ꓚꓺ ꓟꓲꓽ ꓗꓪ Sologamy ꓬꓲꓸ ꓪꓴꓸ ꓔꓴ ꓢꓴ ꓕꓲꓽ ꓣꓳ ꓒꓬꓱꓼ ꓡ ꓥꓳ꓿