ꓪꓴ‐ꓢ ꓗꓪ ꓐꓰ ꓒꓵꓽ ꓡ ꓝꓲˍꓟ ꓮ‐ꓡꓯ‐Cꓰ(Cardamom) ꓠꓬ꓾ ꓮ ꓟꓶ ꓣꓳ ꓲ‐Dꓲ‐ꓬ ꓗꓪ ꓟ ꓡꓲ‐ꓢꓴ ꓫꓵꓽ ꓐꓴ ꓠꓬ꓾ꓕꓲ ꓦꓲꓻ ꓡꓲ ꓕꓲ ꓦꓲꓻ ꓮ ꓘꓶ. ꓬꓰ ꓔˍꓡꓳ= ꓔꓶ.. ꓔˍꓟ ꓗꓪ ꓐꓰ ꓢ ꓘꓳꓼ ꓕꓯ꓾ ꓬꓲ ꓟ.. ꓢꓶꓽ ꓧ, D ꓡˍꓡꓳ= ꓕꓱ ꓕꓲꓽ ꓙꓵ, ꓗꓪ ꓬꓲ ꓒꓵꓽ ꓠꓬ꓾ 1ꓗꓖ ꓣs. 360 ꓗꓪ ꓐꓰ 370 ꓒꓵꓽˍꓡꓳ=
ꓮ ꓡꓲ ꓐꓰ ꓔꓶ..ˍꓡ? ꓐꓰ꓾ ꓐꓯˍꓠꓬ꓾
ꓬꓲ ꓪꓴ. ꓠꓬ꓾ ꓘꓶ, ꓟꓲ.. ꓘꓶ, ꓠ ꓗ,ˍꓡꓳ= ꓖꓳ ꓗ. ꓠꓯ. ꓠꓬ ꓧꓶ ꓕꓯ ꓔꓶ.. ꓔˍꓟ ꓗꓪ ꓐꓰ ꓬꓲ ꓡꓲ. ꓤ, (ꓬꓲ ꓫꓵ.)ꓧ ꓢꓲ Cꓵ. ꓔꓶ ꓠ ꓗ,ˍꓡꓳ= Cꓵ, ꓔꓶ ꓩꓴ ꓗꓪ ꓐꓰ 3 ꓘꓳꓼ ꓕꓯ ꓬꓲ ꓟ.. ꓢꓶꓽ ꓧ, D ꓡˍꓡꓳ= ꓬꓲ ꓟ.. ꓢꓶꓽ ꓠꓬ꓾ 8 ꓦ ꓗꓪ ꓐꓰ 11 ꓦ ꓗꓪ ꓛꓲ ꓧ,_ꓡꓳ= ꓖꓳ ꓗ ꓠꓯ. ꓬꓲ ꓙꓴꓻ ꓡꓱ. ꓢꓲ ꓠꓬꓲ꓾ ꓟꓳ ꓠꓳ ꓗꓪ ꓗꓶ ꓠ ꓗ,ˍꓡꓳ= ꓬꓲ ꓙꓴꓻ ꓠꓬ ꓮ. ꓔꓳ. ꓗꓪ ꓝꓮꓲ ꓟꓶ ꓞ, ꓗꓪ ꓡꓱ. ꓙꓵˍꓡꓳ=
ꓐꓬꓱꓽ ꓔꓯ ꓡꓳ. ꓠꓬꓲ꓾
ꓖꓳ ꓡꓱ ꓠꓬꓲ ꓕꓱ ꓕꓲ ꓙꓵ, ꓠꓬ꓾ꓕꓲ ꓦꓲ ꓡꓲ ꓕꓲ ꓦꓲꓻ ꓶ ꓟꓯ ꓢꓴ ꓝꓮꓲ Cꓲ ꓛꓬ ꓟꓯ ꓢꓲ ꓠꓬꓲ꓾ ꓟꓲ‐ꓪ(Miao town) ꓡꓳ ꓒꓱ ꓤ ꓤ, ꓗꓪ ꓪꓴꓽ ꓡˍꓡꓳ= ꓕꓱ ꓕꓲ ꓙꓵ, ꓬꓲ ꓒꓵꓽ ꓠꓬ꓾(Current Price Rs. 360/370 Per Kg) 1ꓗꓖ ꓠꓬ Rs. 360/370 ꓒꓵꓽˍꓡꓳ=
ꓣꓳ ꓡꓳꓽ ꓟꓲꓽ(Myanmar) ꓗꓪ ꓔꓬˍꓟ ꓡꓲ‐ꓢꓴ ꓫꓵꓽ ꓐꓴ ꓥ ꓟꓲ ꓔꓶ.. ꓢꓲ ꓠꓬꓲ꓾ ꓲ‐D‐ꓲ‐ꓬ ꓗꓪ ꓪꓴꓽ ꓡˍꓡꓳ= ꓮ ꓟꓶ ꓠꓬ Covid-19 ꓠꓻ ꓫꓵꓽ ꓙꓳˍꓠꓬꓲ꓾ ꓐꓶꓽ ꓟꓵꓽ꓾ꓐꓶꓽ ꓗꓴꓷꓼ ꓙꓰ Cꓳ ꓟꓽ ꓙꓵ ꓝꓮꓲ ꓶ ꓡꓯꓼ ꓥˍꓟꓲ ꓬꓰ ꓟꓽ ꓙꓵˍꓠꓬꓲ꓾ ꓡꓳꓽ ꓟꓲꓽ ꓟꓵꓽ ꓗꓪ ꓐꓰ ꓠꓬ ꓮ ꓟꓶ ꓗꓪ ꓛꓲ ꓟꓽ ꓪꓴꓽ ꓡ ꓢꓰꓽ=
ꓖꓳ ꓡꓱ ꓠꓬꓲ ꓔꓶ.. ꓜꓽ ꓔꓶ Dꓳ ꓟ. ꓟꓲꓽ ꓔꓯ ꓢꓷ. ꓠꓲ, ꓫꓵ ꓢꓴ ꓠꓬ ꓡꓯ ꓫꓵ ꓙ ꓡꓯ ꓘꓳ ꓡꓯ=
ꓧꓪ. ꓧꓪꓸꓼ= Gmail: biyolisu@gmail.com