ꓮ-ꓩ-ꓖ-ꓠꓯ-ꓢꓲ-ꓔ ꓪ ꓔꓲꓸ ꓗꓴꓷꓼ ꓗꓪ ꓐꓰ ꓓꓳ ꓛꓰꓹ ꓙꓰꓳ

ꓔ-ꓡꓲ-ꓐ ꓐꓴ ꓠꓬ ꓗꓴꓷꓼ ꓙꓵꓽ ꓡꓳ ꓒꓱ ꓓꓽ ꓟ ꓗ-ꓐꓴꓸ ꓔꓯ ꓚꓳꓸ ꓡ ꓔꓬ ꓠꓬꓲ꓾ ꓮ-ꓩ-ꓖ-ꓠꓯ-ꓢꓲ-ꓔ ꓪ ꓔꓲꓸ ꓮ-ꓫ-ꓬꓼ ꓖ-ꓠꓰ (Ashraf Ghani) ꓠꓬ ꓗꓴꓷꓼ ꓗꓪ ꓐꓰ ꓛꓰꓹ ꓙꓰꓳ꓾ ꓐꓰ ꓓꓳꓽ ꓜꓳ ꓡ ꓡꓳ꓿

2001 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓮ-ꓩ-ꓖ-ꓠꓯ-ꓢꓲ-ꓔ ꓗꓴꓷꓼ ꓗꓪ ꓴꓢꓮ ꓟꓯꓼ ꓓꓵꓽ ꓡ ꓕꓲ ꓠꓬꓲ ꓗꓪ ꓐꓰ ꓮ-ꓡꓲ-ꓘ-ꓓ꓾ ꓲꓢꓲꓢ꓾ ꓔ-ꓡꓲ-ꓐ ꓕꓱ 3 ꓜꓴ ꓔꓯ ꓟꓯꓼ ꓢꓰꓼ ꓡꓯ ꓘꓳ ꓡ ꓟ ꓥ ꓡꓳ꓿

ꓟꓯꓼ ꓓꓶꓽ ꓡꓯ ꓘꓳ ꓗꓷ ꓟ 20 ꓘꓳꓼ ꓐꓲ ꓡ ꓞꓲ ꓠꓲꓹ 2021 ꓘꓳꓼ꓾ 9 ꓦ ꓟ ꓘꓴꓽ ꓗꓪ ꓴꓢꓮ ꓟꓯꓼ ꓮ ꓙꓵꓽ ꓮ-ꓩ-ꓖ-ꓠꓯ-ꓢꓲ-ꓔ ꓗꓪ ꓐꓰ ꓓꓳ ꓙꓰ ꓠꓹ ꓟ ꓴꓢꓮ ꓪ ꓔꓲ ꓙꓳ-ꓐ-ꓓꓲ ꓡꓰ ꓕꓵꓼ ꓪ ꓖꓶ ꓗꓷ ꓟꓶ ꓕꓱꓼ ꓔ-ꓡꓲ-ꓐ ꓐꓴ ꓗꓴꓷꓼ ꓕꓲ ꓐꓶꓽ ꓟꓽ ꓞꓲ ꓔꓯ ꓓꓶꓽ ꓧꓪꓸ ꓡꓰ ꓔꓬ ꓟ ꓥ ꓡꓳ꓿