ꓮ-ꓩ-ꓖ-ꓠꓯ-ꓢꓲ-ꓔ ꓟꓵꓽ ꓗꓪ ꓐꓲ-ꓡ-ꓓꓲ ꓐꓰ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓟꓯꓼ ꓐꓴ ꓔꓯ ꓧꓪ ꓢꓰꓼ ꓠꓹ ꓟ ꓐꓯ ꓢꓲ ꓮ-ꓟꓯ-ꓣꓲ-ꓗ ꓟꓯꓼ ꓐꓴ 2001 ꓘꓳꓼ ꓕꓯ ꓓꓵꓽ ꓡ ꓗꓷ ꓟ ꓥ ꓡꓳ= ꓞꓲ ꓠꓲꓹ 2021 ꓘꓳꓼ ꓗꓪ ꓠꓬ꓾ ꓮ-ꓩ-ꓖ-ꓠꓯ-ꓢꓲ-ꓔ ꓟꓵꓽ ꓗꓪ ꓮ-ꓟꓯ-ꓣꓲ-ꓗ ꓟꓯꓼ ꓗꓪꓽ ꓫꓵꓽ ꓟ 20 ꓘꓳꓼ ꓐꓲ ꓡꓰ ꓢꓲꓸ ꓬꓲꓸ ꓟꓶꓽ ꓢꓰꓼ ꓗꓷꓳ= ꓖꓳ ꓡꓱ ꓥ ꓟꓲ ꓚꓬꓴꓹ ꓣꓴ ꓠ ꓗꓹ ꓢꓴ ꓔꓯ ꓟꓶꓸ ꓕꓯ ꓚꓬꓴꓹ ꓣꓴ ꓢꓲꓸ ꓟꓯꓼ ꓐꓴ ꓠꓬ ꓗꓸ ꓠꓯꓸ ꓢꓲ ꓗꓪ ꓫꓳ ꓡꓽ ꓓꓴ ꓟꓽ ꓬꓰ ꓬꓰ꓾ ꓟꓯꓼ ꓐꓴ ꓔꓯ ꓟꓶꓸ ꓕꓯ ꓣꓴ ꓡꓽ ꓩꓴ ꓗꓷ ꓢꓲ꓾ ꓚꓬꓴꓹ ꓣꓴ ꓟꓬꓱꓽ ꓬꓰ ꓔꓬ ꓠꓬꓲ꓾ ꓞꓳ ꓫꓵ ꓪꓽ ꓫꓵ ꓗꓷ ꓡꓰꓳ= ꓮ-ꓟꓯ-ꓣꓲ-ꓗ ꓟꓯꓼ 13 ꓣꓳ ꓫꓵꓻ ꓢꓲ꓾ ꓮ ꓟꓬꓹ ꓠꓻ ꓓꓴ ꓡꓰ ꓟ ꓥ ꓡꓳ= ꓖꓳ ꓟ ꓑꓶꓸ ꓓꓴ ꓪ ꓔꓲꓸ ꓙꓳ-ꓐ-ꓓꓲ ꓡꓰ ꓧꓳꓽ ꓪꓴꓸ ꓟꓴ ꓟ ꓗꓴꓷꓼ ꓙꓵꓽ ꓜꓴ ꓔꓯ ꓓꓰꓺ ꓖꓴ ꓐꓯ ꓢꓴ ꓮ ꓟꓬꓹ ꓙꓳ ꓡ ꓡꓳ=
ꓠꓬꓲꓸ ꓠꓬꓲ ꓮ-ꓟꓯ-ꓣꓲ-ꓗ ꓟꓯꓼ ꓙꓱ ꓦꓲ ꓮ-ꓩ-ꓖ-ꓠꓯ-ꓢꓲ-ꓔ ꓗ-ꓐꓴ ꓡꓳ ꓒꓱ꓾ ꓧ-ꓟꓲꓼ-ꓗ-ꓜꓮꓲ ꓙꓱ ꓦꓲ ꓠꓽ ꓖꓴ ꓗꓪ ꓐꓰ ꓙꓱ ꓔꓴ ꓡ ꓕꓯ꓾ ꓔ-ꓡꓲ-ꓐ ꓟꓯꓼ ꓐꓴ ꓠꓬ ꓦꓴ ꓣꓴ ꓟꓶ ꓔꓸ ꓟ ꓮ-ꓟꓯ-ꓣꓲ-ꓗ ꓟꓯꓼ ꓶ ꓤ ꓐꓴ ꓖꓪꓽ ꓓꓴ ꓖꓪꓽ ꓔꓸ ꓢꓲ꓾ ꓧꓪꓸ ꓡꓰ ꓟ ꓢꓷꓸ ꓡꓰ ꓓꓴ ꓡꓽ ꓛꓴꓸ ꓐꓶ ꓠꓬꓲ ꓗꓹ ꓛꓲ ꓑꓮꓲ ꓬꓰ ꓔꓬ ꓡꓳ= ꓡ ꓠꓹ ꓟ ꓦꓬꓼ ꓠꓬꓲ ꓗꓪ ꓗꓴꓷꓼ ꓖꓳ ꓟ ꓢꓲ ꓡꓲꓹ ꓟ ꓙꓳ ꓡ ꓥꓳ/ ꓥ ꓠꓬ ꓟꓯꓼ ꓘꓶꓽ ꓙꓳ ꓡ ꓥꓳ ꓐꓯ ꓟ ꓔꓯ ꓟꓵ ꓗꓳꓹ ꓓꓵ ꓓꓵ ꓐꓴ ꓢꓰꓸ ꓮ ꓢꓸ ꓔꓬ ꓢꓰꓽ ꓡꓳ=