ꓬꓲꓼ ꓡ ꓟ ꓠꓯ ꓞꓲꓼ ꓡꓳ ꓑ ꓔꓯ ꓣꓴ ꓕꓲ ꓡꓰꓳ

ꓮ-ꓢꓲ-ꓬ ꓬꓲꓼ ꓡ ꓟ ꓠꓯ ꓞꓲꓼ ꓡꓳ ꓑ ꓢꓲ-ꓛꓲ-ꓡꓳꓼ (Tse Chi Lop) ꓔꓯ 0-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓐꓰ ꓓꓰꓽ ꓘꓶꓽ ꓡꓳ ꓚ ꓮꓟ-ꓢꓲ-ꓔ-ꓓ ꓡꓳ ꓒꓱ ꓢꓲ-ꓛꓲ-ꓒꓳ (Schiphol) ꓐꓬꓱ ꓦꓲ ꓠꓽ ꓔꓶꓸ ꓗꓪ ꓣꓴ ꓟꓶ ꓡꓰꓳ=

ꓬꓲꓸ ꓔꓯ ꓠꓬ ꓮ-ꓢꓲ-ꓬ – ꓑ-ꓢꓰ-ꓒꓲꓼ ꓕꓲ ꓟꓵꓽ ꓗꓪ ꓬꓲꓼ ꓡ ꓠꓯ ꓞꓲꓼ (methamphetamine) ꓶ ꓡꓯ ꓬꓰ ꓒꓽ ꓓꓽ ꓟ꓾ ꓪꓴꓸ ꓓꓵ ꓣꓱꓽ ꓢꓴ ꓓꓽ ꓟ ꓕꓲ ꓣꓳ ꓥ ꓡꓳ ꓐꓰ ꓛꓽ ꓒꓽ ꓐꓴ ꓡꓰ ꓛꓽ ꓟꓳ ꓔ ꓡꓳ ꓐꓯ ꓡꓳ=

ꓓ-ꓛꓲ ꓗꓴꓷꓼ ꓫꓵꓽ ꓘꓶꓽ ꓒꓽ ꓐꓴ ꓡꓰ ꓬꓲꓸ ꓔꓯ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓐꓯ ꓟꓴ ꓩꓴ ꓡꓯ ꓘꓳ ꓠꓹ ꓟ ꓕꓵꓼ ꓪ 7 ꓦ 2 ꓠꓬꓲ ꓕꓯ ꓖꓶꓽ ꓗꓷꓳ= ꓖꓳ ꓡꓱ ꓥ ꓟꓲ ꓬꓲꓸ ꓠꓬ ꓝꓴꓲꓸ ꓙꓳ ꓢꓴ ꓟꓽ ꓥ ꓐꓰ ꓐꓯ ꓧꓳꓺ ꓔꓬ ꓡꓳ= ꓬꓲꓸ ꓔꓯ ꓐꓱ ꓓꓴꓽ ꓓꓽ ꓟ ꓗꓪ ꓡꓴꓽ ꓕꓲ ꓔꓸ ꓡꓳ= ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓮ ꓕꓯ ꓙꓰ ꓝꓲ ꓠꓹ ꓟ ꓬꓲꓸ ꓙꓵꓹ ꓠꓬ ꓟꓽ ꓐꓯ ꓞꓷꓹ ꓔꓸ ꓢꓰ=