ꓮ-ꓢꓲ-ꓬ ꓐꓯ ꓘꓶ ꓟꓰꓹ-ꓮꓳ-ꓡꓮꓲꓽ ꓘꓳ ꓣꓴ ꓟꓽ ꓐ ꓡ

2021 ꓘꓳꓼ 10 ꓦ 26 ꓠꓬꓲ ꓗꓪ ꓐꓰ 28 ꓠꓬꓲ ꓗꓪ ꓛꓲ ꓣꓱꓽ ꓬꓰ ꓙꓰ ꓠꓹ ꓟ ꓮ-ꓢꓲ-ꓬ ꓗꓴꓷꓼ ꓢꓲꓽ ꓒꓽ ꓐꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓬ-ꓟ ꓙꓵꓽ ꓪ ꓣꓴ ꓔꓸ ꓢꓴ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓟꓽ ꓔꓺ ꓝꓲ ꓐꓯ ꓟ ꓮ-ꓢꓲ-ꓬ ꓗꓴꓷꓼ ꓜꓴ ꓓꓵꓽ ꓙ ꓞꓷꓹ ꓘꓶꓽ ꓔꓯ ꓘꓳ ꓣꓴ ꓟꓽ ꓐ ꓡ ꓐꓰ꓾ ꓟꓬ-ꓟ ꓟꓯꓼ ꓐꓴ ꓡꓰ 2021 ꓘꓳꓼ 10 ꓦ 22 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

ꓮ-ꓢꓲ-ꓬ ꓗꓴꓷꓼ ꓐꓴ ꓠꓬ ꓕꓲ ꓗꓴꓷꓼ ꓡꓲꓸ ꓕꓲ ꓗꓴꓷꓼ ꓕꓲ ꓡꓰꓹꓼ ꓙꓵꓽ ꓪ ꓙꓳ ꓟ ꓐꓰ꓾ ꓕꓲ ꓫꓵ ꓫꓵ ꓐꓯ ꓞꓷꓹ ꓟ ꓗꓪ ꓮ ꓙꓵꓽ ꓢꓴ ꓠꓲꓹ ꓧꓳꓹ ꓢꓲꓽ ꓧꓳꓹ ꓠꓹ ꓟ ꓡꓲꓽ ˍꓒꓰꓼ ꓙꓳˍ ꓠꓬꓲ꓾ ꓮ ꓟꓶ ꓐꓯ ꓞꓷꓹ ꓘꓶ ꓕꓱ ꓟ ꓔꓯ ꓘꓳ ꓣꓴ ꓟꓽ ꓐ ꓡ ꓐꓰ ꓐꓯ ꓔ ꓡꓳ꓿

ꓟꓬ-ꓟ ꓑ ꓫꓬ ꓡꓰ ꓢꓲꓻ ꓔꓸ ꓟ ꓠꓴꓖ ꓗꓴꓷꓼ ꓙꓵꓽ ꓜꓴ ꓐꓰ꓾ ꓟꓬ-ꓟ ꓐꓱ ꓶ ꓖꓪ ꓙꓱ ꓙ ꓢꓴ ꓴꓢꓮ ꓝꓲ ꓓꓴ ꓐꓴ ꓡꓰ ꓐꓯ ꓟ ꓠꓬ꓾ ꓜꓲꓼ ꓓꓴ ꓗꓪ ꓟꓬ-ꓟ ꓟꓯꓼ ꓐꓴ ꓔꓯ ꓟꓽ ꓔꓺ ꓝꓲ ꓐꓯˍ ꓟ ꓕꓱ ꓟ ꓠꓬ ꓮ-ꓢꓲ-ꓬ ꓜꓴ ꓡꓰ ꓬꓰ ꓓꓳ ꓡ ꓟ ꓜꓳꓽˍ ꓟ ꓛꓲ ꓕꓳꓼ ꓕꓲ ꓟ ꓥ ꓢꓲꓸ ꓕꓱ ꓟ ꓕꓯꓽ ꓢꓲ ꓬꓰ ꓙꓲꓽ ꓙꓳ ꓡꓳ ꓐꓰ ꓐꓯ ꓔꓸ ꓟ ꓙꓳ ꓡꓳ꓿