ꓮ-ꓢꓰ-ꓬ ꓝꓲ ꓓꓴ ꓠꓬ ꓠꓴꓚꓚ/ꓠꓴꓖ ꓔꓯ ꓜꓲ ꓡꓯ ꓘꓳ ꓠꓹ ꓟ ꓟꓶ-ꓡꓯ-ꓫ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓢꓯꓼ ꓖꓶ

ꓟꓬ-ꓟ ꓗꓴꓷꓼ ꓔꓯ ꓟꓳꓸ ꓟꓬꓱꓽ ꓬꓰ ꓠꓹ ꓟ ꓮ-ꓢꓰ-ꓬ ꓝꓲ ꓓꓴ ꓠꓬ ꓠꓴꓚꓚ/ꓠꓴꓖ ꓔꓯ ꓜꓲ ꓡꓯ ꓘꓳ ꓠ ꓗ ꓡꓳ ꓐꓰ꓾ ꓠꓬꓲꓸ ꓠꓬꓲ 2022 ꓘꓳꓼ 2 ꓦ 17 ꓠꓬꓲ ꓮ-ꓢꓰ-ꓬ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ꓾ ꓟꓶ-ꓡꓯ-ꓫ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ Saifuddin Abdullah ꓡꓰ ꓢꓯꓼ ꓖꓶ ꓘꓶꓽ ꓕꓱ ꓩꓴ ꓡ ꓡꓳ꓿

2022 ꓘꓳꓼ 1 ꓦ 27-29 ꓠꓬꓲ ꓗꓪ ꓛꓲ ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓠꓲꓹ ꓧꓳꓹ ꓜꓴ ꓠꓴꓚꓚ ꓜꓲꓼ ꓓꓴ ꓓꓽ ꓟ ꓗꓪ ꓠꓲꓹ ꓧꓳꓹ ꓗꓷ ꓟ ꓐꓯ ꓘꓶꓽ ꓐꓰ꓾ ꓠꓴꓖ ꓗꓴꓷꓼ ꓙꓵꓽ ꓜꓴ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓟ ꓓꓽ ꓟ ꓜꓲ-ꓟ-ꓮꓳ ꓡꓰ ꓐꓳ ꓩꓴ ꓡ ꓟ ꓕꓳ ꓶ ꓐꓰ꓾ ꓮ-ꓢꓰ-ꓬ ꓗꓴꓷꓼ ꓜꓴ ꓐꓴ ꓪꓽ ꓔꓸ ꓟ (5) ꓕꓳꓼ ꓔꓯ ꓢꓳ ꓣꓴ ꓢꓲ꓾ ꓟꓬ-ꓟ ꓐꓱ ꓶ ꓠꓲꓹ ꓞ ꓟꓬꓱꓽ ꓬꓰ ꓖꓶ ꓠꓯˍ ꓡꓳ ꓐꓰ ꓐꓯ ꓡꓳ꓿

ꓗ-ꓐꓳ-ꓓꓲ-ꓬ ꓗꓴꓷꓼ ꓗꓪ ꓐꓰ Prak Sokhonn ꓥ ꓡꓳ꓿