ꓮ-ꓢꓰ-ꓬ ꓝꓲ ꓓꓴ ꓟꓬ-ꓟ ꓗꓴꓷꓼ ꓗꓪ ꓡ ꓓꓴ ꓥꓳ

ꓮ-ꓢꓰ-ꓬ ꓝꓲ ꓓꓴ Prak Sokhon ꓠꓬ ꓟꓬ-ꓟ ꓗꓴꓷꓼ ꓗꓪ 3 ꓦ 20 ꓠꓬꓲ ꓗꓪ ꓐꓰ 23 ꓠꓬꓲ ꓗꓪ ꓛꓲ ꓡ ꓢꓲ꓾ ꓗꓴꓷꓼ ꓫꓵꓽ ꓪꓴ ꓖꓪ ꓙꓱ ꓙ ꓓꓴ ꓥꓳ ꓐꓰ VNA ꓓꓳꓽ ꓗꓪ ꓐꓳ ꓔˍ ꓡꓳ꓿

ꓬꓲꓸ ꓠꓬ ꓗ-ꓐꓳ-ꓓꓲ-ꓬ ꓗꓴꓷꓼ ꓐꓶ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓢꓲꓽ ꓒꓽ ꓟꓬꓱꓽ ꓬꓰ ꓔꓬ ꓢꓴ (foreign minister) ꓥ ꓡꓳ꓿ ꓬꓲꓸ ꓡꓰ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓐꓱ ꓶ ꓬꓲꓸ ꓜꓴ꓾ ꓬꓲꓸ ꓒꓳ꓾ ꓑ-ꓔꓲ ꓮ ꓙꓵꓽ ꓔꓯ ꓜꓲꓺ ꓡꓯ ꓘꓳ ꓠꓲꓹ ꓫꓵˍ ꓡꓳ꓾ ꓐꓰ ꓓꓰꓽ ꓔꓸ ꓡꓳ꓿

ꓬꓲꓸ ꓧꓶꓸ ꓕꓯꓽ ꓗꓪ ꓟ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓠꓬ꓾ ꓐꓶ-ꓬꓴ-ꓠꓮꓲꓹ ꓗꓴꓷꓼ ꓗꓪ ꓐꓰ Erywon Yusof ꓥ ꓢꓲ꓾ ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓗꓪ ꓡ ꓟꓽ ꓛꓱꓼ ꓬꓰ꓿ ꓬꓲꓸ ꓜꓲ ꓠꓲꓹ ꓫꓵ ꓢꓴ ꓐꓴ ꓔꓯ ꓟꓬ-ꓟ ꓟꓯꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓽ ꓜꓲ ꓝꓲ ꓡ ꓠꓬꓲ ꓡꓻ ꓟꓽ ꓡꓻ ꓮ ꓫꓵꓽ ꓙꓲ ꓖꓴ ꓟꓽ ꓙꓳ ꓐꓯ ꓢꓲꓸ ꓡ ꓟꓽ ꓛꓱꓼ ꓬꓰ ꓟ ꓥ ꓡꓳ꓿

ꓓꓳꓽ ꓬꓲꓸ ꓚꓰ꓾ ꓦꓠꓮ, ꓐꓬꓱꓽ꓾ ꓮꓝꓑ