ꓮꓺ ꓡꓲ ꓬꓰ ꓢꓲ. ꓠꓬꓹ ꓡꓯ ꓐꓯꓺ:ꓮ ꓙ: ꓟꓴ ꓢꓲ. ꓙꓳꓻ ꓡꓯ ꓐꓯꓺ:=
ꓗꓴꓷ ꓫꓵ: ꓪꓴꓻ ꓟ ꓢꓴ ꓡ ꓢꓲ.ꓢꓰꓼ ꓡꓯ: ꓘꓳꓻ ꓟ ꓙꓳꓻ ꓡ ꓠꓰ꓾ ꓙꓳꓻ ꓫ ꓠꓬꓹ ꓫ ꓬꓰ ꓖꓴ ꓡˍꓳ ꓙꓴ ꓠꓰ ꓛꓶ: ꓛꓶ: ꓬꓰ ꓖꓴ ꓡˍꓳ=
ꓮꓺ ꓠꓬ ꓠꓬꓹ ꓫ ꓔˍ ꓐꓯ ꓡꓲ.ꓮꓺ ꓠꓬ ꓙꓴ ꓛꓶ: ꓫꓵꓻˍ ꓐꓯ ꓡꓲ.꓾ꓠꓬꓹ ꓫ ꓙꓴ ꓛꓶ: ꓓꓴ ꓟ ꓠꓰꓗꓴꓷ ꓫꓵ: ꓪꓴꓻ ꓟ ꓟ: ꓫꓬꓻ ꓡꓢꓰꓼ ꓡꓯ: ꓘꓳꓻ ꓟ ꓟ: ꓠ: ꓡ=
ꓠꓻ ꓓꓱ: ꓠꓻ ꓧꓶ ꓓꓳ ꓡ ꓢꓲ.ꓛꓳ: ꓒꓯꓹ ꓛꓳ: ꓤ ꓫꓵꓻ ꓖꓴꓻˍ ꓠꓰ꓾ ꓠꓲꓹ ꓫ ꓐꓯ ꓖꓴ ꓟ: ꓓˍꓳ ꓟꓻ ꓠꓲꓹ ꓥꓴꓻ ꓪꓳꓹ ꓖꓴ ꓟ: ꓖꓰꓼ ꓳ ꓟꓻ=
ꓠꓲꓹ ꓫ ꓮꓺ ꓠꓬ ꓫˍ ꓐꓯ ꓡꓲ.ꓠꓲꓹ ꓥꓴꓻ ꓮꓺ ꓠꓬ ꓥꓴꓻˍ ꓐꓯ ꓡꓲ.꓾ꓠꓲꓹ ꓫ ꓠꓲꓹ ꓥꓴꓻ ꓓꓴ ꓟ ꓠꓰꓠꓻ ꓓꓱ: ꓫꓬꓻ ꓬꓰ ꓡ ꓟꓼ ꓠꓞꓳ ꓫꓵꓻ ꓠ: ꓬꓰ ꓡ ꓟ: ꓚꓰꓼ=
ꓣꓳ: ꓠꓬꓹ ꓣꓳ: ꓕꓲ: ꓞꓲꓼ ꓟ ꓔꓯ꓿ ꓣꓳ: ꓙꓳꓻ ꓣꓳ: ꓕꓲ: ꓤꓶ ꓟ ꓔꓯ꓾ ꓮꓺ ꓡꓲ ꓬꓰ ꓢꓲ. ꓠꓬꓹ ꓡꓯ ꓐꓯꓻ: ꓮ ꓙ: ꓟꓴ ꓢꓲ. ꓙꓳꓻ ꓡꓯ ꓐꓯꓺ:=
ꓮ: ꓙꓵ: ꓟ ꓔꓯ ꓢꓷ. ꓖꓴꓻ ꓢꓴꓮ ꓫꓵ:ˍ ꓟꓲ ꓬꓰ ꓐ ꓡ ꓢꓴ꓾ ꓟꓴ: ꓗꓪ ꓐꓹ ꓐ: ꓪꓴ-ꓢ ꓠ: ꓢꓯꓼ ꓟꓬ ꓢꓲ ꓒ ꓬꓰ-ꓢꓴ ꓠ:
ꓗꓹ ꓘꓶ: ꓲ’ꓼ ꓢꓲ. ꓘꓴ ꓔꓬ ꓐꓷꓡꓯ: ꓒꓯꓹ ꓷꓹ ꓢꓲ. ꓪꓴ. ꓔꓬ ꓐꓷ꓾ꓣꓳ: ꓫ ꓬꓲ. ꓔꓯ ꓟ. ꓡꓯ ꓙꓳ:ꓣꓳ: ꓙꓴ ꓬꓲ. ꓚ.ˍ ꓘꓰꓹ ꓡꓯ ꓙꓳ:=ꓣꓲ: ꓫ ꓬꓲ. ꓔꓯ ꓐꓯ ꓖꓶ:ˍ ꓠꓬꓣꓳ: ꓙꓴ ꓬꓲ. ꓚ.ˍ ꓘꓰꓹ ꓙꓰˍ ꓠꓬ꓾ꓮ: ꓙꓵ: ꓬꓲ. ꓠꓬꓲ ꓙˍ ꓥꓳ ꓙꓳ:ꓮ: ꓙꓵ: ꓬꓲ. ꓡꓳ. ꓙˍ ꓥꓳ ꓙꓳ:=
ꓣꓳ: ꓪꓴ-ꓢ ꓔꓯ ꓦ ꓡꓱ ꓢꓲ.ꓢꓲ ꓒ ꓔꓰ-ꓢꓴ ꓔꓯ ꓙꓵꓻ ꓢꓲ.꓾ ꓣꓳ: ꓪꓴ-ꓢ ꓔꓯ ꓓꓰ: ꓙꓰ ꓡꓯ ꓨ ꓣꓳ: ꓢꓲ ꓒ ꓔꓯ ꓚꓬ (ꓑꓬ) ꓙꓰ ꓡꓯ ꓨ=
ꓬꓲ-ꓫꓵ-ꓪꓰ (ꓑꓴꓔꓮꓳ)