ꓮ-ꓠ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓗꓶ ꓕꓴꓸ ꓜꓽ ꓡꓲꓺ ꓢꓴ ꓐꓴ ꓠꓬ ꓮ ꓡꓲꓳ ꓫꓵꓽ ꓡ ꓞꓳ ꓥ ꓡ?

ꓮ-ꓠ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓗꓶ ꓕꓴꓸ ꓜꓽ ꓡꓲꓺ ꓢꓴ ꓐꓴ ꓠꓬ꓾ ” ꓟꓴ ꓗꓪ ꓔꓯ ꓢꓲ ꓡꓳꓸ ꓢꓲꓸ ꓚꓲꓸ ꓬꓲ ꓔꓲꓸ ꓢꓴ ꓥꓳ” ꓐꓰ ꓜꓲꓽ ꓟꓴꓽ ꓒꓽ ꓘꓰ-ꓟꓳ-ꓜꓳ ꓡꓰ ꓐꓯ ꓩꓴ ꓡ ꓡꓳ=ꓜꓲꓽ ꓟꓴꓽ ꓒꓽ ꓐꓴ ꓔꓯ ꓜꓲ ꓡꓯ ꓘꓳ ꓕꓲ ꓠꓬꓲ ꓗꓪ ꓜꓽ ꓓꓴ ꓓꓳ ꓓꓴ ꓐꓱ ꓶ ꓒꓴ ꓟꓽ ꓙꓳ ꓡꓰꓳ ꓐꓰ ꓐꓯ ꓩꓴ ꓡ ꓟ ꓑꓶꓸ ꓓꓴ ꓕꓱ ꓟ ꓠꓬ ꓑ ꓫꓬ ꓐꓴ ꓗꓪ ꓐꓰ ꓗꓶ ꓕꓴꓸ ꓖꓶ ꓡ ꓠꓹ ꓟ ꓓꓰꓽ ꓘꓶꓽ ꓥ ꓡꓳ ꓐꓯ ꓢꓲ ꓗꓶ ꓕꓴꓸ ꓜꓽ ꓡꓲꓺ ꓡ ꓟ ꓥ ꓡꓳ= “ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓥꓪ ꓕꓻ ꓠꓬꓲ ꓡ ꓟ 50 ꓘꓳꓼ ꓟ ꓘꓴꓽ ꓗꓪ ꓮꓳ-ꓢ-ꓢꓴꓸ-ꓚꓰꓽ ꓡꓰ ꓐꓰ ꓚꓲ ꓛꓬ ꓐꓱ ꓶ ꓗꓶ ꓕꓴꓸ ꓟꓽ ꓜꓽ ꓢꓴ ꓠꓱꓸ ꓐꓯꓼ ꓟꓽ ꓧꓪ ꓟꓳ ꓠꓬꓲ= ꓬꓲꓸ ꓠꓬ ꓮ ꓟꓶ ꓗꓶ ꓕꓴꓸ ꓜꓽ ꓡꓲꓺ ꓔꓬ ꓢꓴ ꓐꓴ ꓠꓬ ꓟꓴ ꓗꓪ ꓔꓯ ꓢꓲ ꓡꓳꓸ ꓢꓲꓸ ꓚꓲꓸ ꓬꓲ ꓔꓲꓸ ꓢꓴ ꓥꓳ” ꓜꓲꓽ ꓟꓴꓽ ꓒꓽ ꓘꓰ-ꓟꓳ-ꓜꓳ ꓡꓰ ꓐꓰ ꓐꓯ ꓡꓳ= ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓮ-ꓠ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓓꓰꓺ ꓖꓴ ꓧꓪ ꓘꓶꓽ (7) ꓘꓶꓽ ꓗꓪ ꓐꓰ ꓐꓯ ꓟꓴ ꓩꓴ ꓔꓸ ꓟ ꓥ ꓡꓳ= ꓑ ꓫꓬ ꓐꓴ ꓠꓲꓹ ꓟ ꓗꓪ ꓠꓬ꓾ ꓗꓴꓷꓼ ꓙꓵꓽ ꓪꓴ ꓦꓴ ꓢꓴ ꓟꓯꓼ ꓒꓽ ꓐꓴ ꓡꓰ ꓖꓽ ꓟꓶ ꓫꓵꓸ ꓫꓵꓸ ꓝꓴꓲꓸ ꓧꓪ ꓔꓬ ꓟ ꓥꓳ ꓐꓰ ꓓꓵ ꓙ ꓔꓬ ꓡꓳ= ꓬꓲꓸ ꓔꓯ ꓮ ꓡꓲ ꓕꓲ ꓦꓲ ꓗꓪ ꓡꓴꓽ ꓔꓸ ꓟ ꓥ ꓟꓲ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓟꓽ ꓟꓳꓸ ꓖꓶ ꓡ ꓢꓰ= ꓖꓳ ꓡꓱ ꓥ ꓟꓲ 7 ꓦ ꓟꓽ ꓞꓰꓹ ꓡꓰ ꓢꓰꓽ ꓕꓯ ꓫꓵꓽ ꓪꓴ ꓮ ꓙꓵꓽ ꓚꓲꓸ ꓚ ꓢꓲꓸ ꓫꓵꓽ ꓘꓶꓽ ꓓꓴ ꓥꓳ ꓐꓯ ꓡꓳ=