ꓮ-ꓟꓯ-ꓣꓲ-ꓗ ꓠꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓔꓯ ꓟꓽ ꓒꓵꓽ ꓟꓽ ꓚ ꓟ ꓗꓴꓷꓼ ꓥ ꓡꓳ ꓐꓰ ꓧꓶꓽ ꓒ ꓡꓰ ꓐꓯ ꓩꓴ ꓡ

ꓮ-ꓟꓯ-ꓣꓲ-ꓗ ꓠꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓔꓯ ꓟꓽ ꓒꓵꓽ ꓟꓽ ꓚ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓠꓬꓲ꓾ ꓓꓰ-ꓟꓳ-ꓗꓯ-ꓢꓰ ꓖꓪ ꓙꓱ ꓜꓲꓼ ꓓꓴ ꓔꓯ ꓧꓳꓽ ꓪꓴꓸ ꓟꓴ ꓐ ꓡ ꓥ ꓢꓶ? ꓐꓰ ꓫꓸ ꓝꓲꓸ ꓩꓴ ꓡ ꓡꓳ꓿

ꓦꓹ ꓠꓯꓼ 12 ꓦ 9 – 10 ꓠꓬꓲ ꓗꓪ ꓟꓵ ꓗꓳ ꓓꓵ ꓓꓵ ꓗꓴꓷꓼ 100 ꓟꓽ ꓞꓲ ꓜꓲꓼ ꓢꓲꓸ ꓓꓰ-ꓟꓳ-ꓗꓯ-ꓢꓰ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓔꓯ ꓮ-ꓟꓯ-ꓣꓲ-ꓗ ꓡꓰ ꓧꓳꓽ ꓪꓴꓸ ꓟꓴ ꓓꓴ ꓙ ꓖꓶ ꓔꓬ ꓟ ꓗꓪ ꓕꓱ ꓡꓱ ꓕꓱ ꓩꓴ ꓡ ꓟ ꓥ ꓡꓳ꓿

“ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓔꓯ ꓟꓽ ꓒꓵꓽꓐꓟꓽ ꓚ ꓬꓰ ꓔꓬ ꓟ ꓮ-ꓟꓯ-ꓣꓲ-ꓗ ꓠꓬ ꓓꓰ-ꓟꓳ-ꓗꓯ-ꓢꓰ ꓖꓪ ꓙꓱ ꓜꓲꓼ ꓓꓴ ꓧꓳꓽ ꓢꓴ ꓮ ꓡꓲ ꓬꓰ ꓐ ꓡ? ꓠꓯ ꓞꓲꓼ ꓶ ꓤ ꓶ ꓟꓲ ꓐꓰ ꓟꓬꓱꓽ ꓬꓰ ꓢꓴ ꓒ ꓐꓲ ꓔꓬ ꓟ ꓴꓢꓮ ꓗꓪ꓾ ꓗꓳ-ꓪꓰꓼ ꓠꓻ ꓢꓴ 50 ꓪꓹ꓾ ꓫꓵꓻ ꓢꓴ 8 ꓢꓯꓹ ꓟꓽ ꓞꓲ ꓙꓳ ꓟ ꓮ ꓫꓵꓽ ꓥꓳ ꓥ? ” ꓐꓰ ꓧꓶꓽ ꓗꓴꓷꓼ ꓐꓶ ꓟꓵꓽ ꓔꓯ ꓟꓳꓸ ꓙ ꓡꓯ ꓘꓳ ꓚꓱꓹ ꓗꓪ ꓫꓸ ꓕꓱ ꓢꓴ ꓚꓮꓳꓼ-ꓡꓲꓼ-ꓚꓸ ꓡꓰ ꓠꓻ ꓠꓬꓲ ꓘꓶꓽ ꓬꓰ ꓩꓴ ꓡ ꓡꓳ꓿

ꓓꓰ-ꓟꓳ-ꓗꓯ-ꓢꓰ ꓖꓪ ꓙꓱ ꓜꓲꓼ ꓓꓴ ꓗꓪ ꓕꓮꓲ-ꓪ ꓔꓯ ꓘꓴˍ ꓟ ꓑꓶꓸ ꓓꓴ ꓧꓶꓽ ꓒꓽ ꓗꓴꓷꓼ ꓠꓬ ꓠꓲꓹ ꓟ ꓧꓶ ꓔꓬ ꓟ ꓥ ꓡꓳ꓿

“ꓞꓳ ꓒꓴ ꓒꓽ ꓠꓬ ꓙꓵꓽ ꓢꓴ ꓬꓰ ꓔꓬ꓿ ꓟꓵꓽ ꓚꓰ ꓡ ꓞꓳ ꓠꓬꓹ ꓡꓵ ꓠꓬꓹ ꓔꓲꓺ ꓐꓴ ꓐꓱ ꓶ ꓟꓶ ꓙꓲꓽ ꓙꓳ ꓟ ꓟꓽ ꓟꓶ ꓢꓰ꓿ ꓕꓱ ꓟ ꓠꓬ ꓓꓰ-ꓟꓳ-ꓗꓯ-ꓢꓰ ꓥ ꓡ?” ꓐꓰ ꓗꓹ ꓫꓵꓸ ꓘꓶꓽ ꓕꓱ ꓩꓬ ꓡ ꓡꓳ꓿