ꓮ-ꓟꓯ-ꓣꓲ-ꓗ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ꓾ ꓡ ꓞꓳ ꓬꓲꓸ ꓞꓲ ꓫꓵꓻ

2021 ꓘꓳꓼ 12 ꓦ 10 ꓠꓬꓲ꓾ ꓠꓽ ꓥꓪꓽ ꓠꓬꓲ ꓗꓪ Arkansas, Illinois, Kentucky, Missouri, Tennessee ꓟꓵꓽ ꓫꓴ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓢꓲ꓾ ꓦꓲ ꓮ ꓟꓬꓹ ꓐꓬ ꓡꓰ꓾ ꓡ ꓞꓳ ꓥ ꓟꓲ ꓬꓲꓸ ꓞꓲ ꓕꓯꓽ ꓢꓲ ꓫꓵꓻꓳ꓿

“ꓥꓪ ꓠꓴ ꓟꓵꓽ ꓫꓴ ꓚ ꓟꓲꓽ ꓗꓪ ꓮ ꓘꓶꓸ ꓞꓳꓸ ꓡꓰ ꓟ ꓕꓲ ꓧꓪꓹ ꓥꓳ” ꓐꓰ Kentucky ꓟꓵꓽ ꓫꓴ ꓙꓵꓽ ꓢꓲꓽ ꓒꓽ Andy Beshear ꓡꓰ ꓐꓯ ꓓꓳ ꓡ ꓡꓳ꓿

Kentucky ꓟꓵꓽ꓾ Mayfield ꓡꓳ ꓒꓱ ꓗꓪ ꓟꓬꓱꓽ ꓬꓰ ꓦꓲ ꓕꓲ ꓟ ꓗꓪ ꓮ ꓔꓳꓸ ꓙꓬꓽ ꓫꓴꓸ ꓫꓬꓹ ꓔꓬ ꓢꓴ 50 ꓣꓳ ꓟꓽ ꓞꓲ ꓫꓵꓻꓳ ꓐꓯ ꓡꓳ꓿

ꓝꓮꓲ Tennessee ꓗꓪ 1 ꓣꓳ ꓫꓵꓻ꓾ Missouri ꓗꓪ 1 ꓣꓳ ꓫꓵꓻ꓾ 2 ꓣꓳ ꓠꓻ ꓓꓴ ꓡꓰ꓾ Illinois ꓗꓪ 1 ꓣꓳ ꓫꓵꓻ꓾ 2 ꓣꓳ ꓠꓻ ꓓꓴ ꓡꓰ꓾ Arkansas ꓗꓪ 1 ꓣꓳ ꓫꓵꓻ 5 ꓣꓳ ꓠꓻ ꓓꓴ ꓡꓰꓳ ꓐꓯ ꓡꓳ꓿

ꓴꓢ ꓗꓴꓷꓼ ꓙꓵꓽ ꓢꓴ ꓙꓳ-ꓐ-ꓓꓲ ꓥ ꓟꓲ ꓓꓳꓽ ꓕꓱ ꓟ ꓔꓯ ꓢꓷ ꓡꓰ ꓢꓲꓸ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓐꓴˍ ꓐꓰ ꓕꓲ ꓛꓳ ꓖꓪ ꓙꓱ ꓢꓲꓸ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓦꓲ ꓒꓴ ꓒꓴ (white house) ꓗꓪ ꓐꓰ ꓢꓷ ꓙ ꓟꓴ ꓙ ꓡꓳ꓿

ꓬꓲꓸ ꓚꓰ꓾ ꓦꓳꓮ