ꓟꓯꓼ ꓘꓶꓽ ꓩꓴ ꓡꓯ ꓘꓳ ꓡ ꓟ ꓮ ꓡꓻ 6 ꓠꓬꓲ ꓡꓳꓼ ꓡ ꓕꓯꓽ ꓮ-ꓟꓯ-ꓡꓲ-ꓖ ꓫꓵꓻ ꓝꓲ ꓐꓰ ꓲ-ꓣ ꓗꓴꓷꓼ ꓙꓵꓽ ꓢꓴ ꓐꓴ ꓙꓱꓽ ꓢꓲ꓾ ꓴꓢꓮ ꓒꓯꓽ ꓔꓯ ꓮ ꓔꓳꓸ ꓛꓴ ꓟꓸ ꓩꓴ ꓡ ꓡꓳ꓿ ꓬꓲ-ꓢꓷ-ꓡꓰ ~ ꓲ-ꓣ ꓗꓴꓷꓼ ꓟꓯꓼ ꓘꓶꓽ ꓔꓯ ꓟꓳ ꓓꓳꓽ ꓕꓲꓽ ꓟꓴꓽ========#USA ꓠꓬ ꓬꓲ-ꓢꓷ-ꓡꓰ ꓔꓯ ꓔꓺ ꓙ ꓐꓷ ꓠꓬ ꓟꓲ ꓠꓯ ꓗꓪ ꓬꓲꓸ ꓦ ꓘꓳꓼ ꓗꓪ ꓛꓲ ꓟꓲ ꓡꓰ ꓟꓽ ꓓꓻꓳ ꓫꓵꓽ ꓗꓷ ꓡꓰ ꓝꓲ ꓓꓴ ꓥꓳ ꓐꓰ ꓲ-ꓣ ꓦ ꓡꓱ ꓚꓱꓹ ꓐꓰ ꓗꓴꓷꓼ ꓙꓵꓽ ꓚꓱꓹ ꓪꓴꓸ ꓓꓵ ꓣꓱꓽ ꓢꓴ ꓘ-ꓟꓯ-ꓠꓰ ꓡꓰ ꓐꓯˍ ꓡꓳ꓿ #ꓬꓲ-ꓢꓷ-ꓡꓰ ꓠꓬ ꓬꓲꓸ ꓚꓲꓸ ꓛꓬ ꓗꓴꓷꓼ ꓐꓱ ꓶ ꓐꓰ꓾ ꓕꓲ ꓟꓲ ꓠꓯ ꓢꓲ ꓡꓲꓹ ꓡ ꓠꓹ ꓟ ꓐꓱ ꓶ ꓟꓽ ꓢꓰꓼ ꓟꓽ ꓓ ꓠꓰ ꓲ-ꓣ ꓔꓯ ꓢꓰꓼ ꓔꓬ ꓡꓳ꓾ ꓐꓯ ꓡꓳ꓿#ꓴꓢꓮ ꓗꓴꓷꓼ ꓙꓵꓽ ꓢꓴ ꓕ-ꓣꓼ ꓠꓬ ꓲ-ꓣ ꓠꓬ ꓮ ꓔꓳꓸ ꓟꓲꓸ ꓐꓳꓽ ꓪ ꓚꓱꓹ ꓠꓽ ꓩꓴ ꓥꓳ ꓐꓯ ꓢꓲꓸ ꓠꓲꓹ ꓞ ꓖꓶ ꓬꓲꓽ ꓓꓴ ꓬꓰ꓿ ꓬꓲ-ꓢꓷ-ꓡꓰ ꓔꓯ ꓛꓴꓽ ꓙꓳ ꓢꓰꓼ ꓡꓯ ꓘꓳ ꓟ ꓠꓽ ꓩꓴ꓿ ꓟꓽ ꓥ ꓠꓬ ꓟꓶꓽ ꓡꓰ ꓐꓬ ꓡꓰ ꓓꓴ ꓙꓳˍ ꓥꓳ꓾ ꓐꓰ ꓐꓯ ꓔꓸ ꓡꓳ꓿ #ꓧꓶꓽ ꓗꓴꓷꓼ ꓠꓬ ꓢꓰꓼ ꓡꓯ ꓘꓳ ꓟ ꓠꓲꓹ ꓞ ꓠꓽ ꓩꓴ ꓐꓰ ꓐꓯ ꓔꓬ ꓡꓳ꓿ ꓖꓳ ꓡꓱ ꓥ ꓟꓲ ꓲ-ꓣ ꓔꓯ ꓗꓴ ꓗꓴ ꓢꓲ ꓙꓱ ꓦꓲ 2 ꓦꓲ ꓶ ꓤ ꓶ ꓟꓲ ꓦ ꓖꓶ ꓡꓳ꓿ ꓣ-ꓫ ꓠꓬ ꓬꓲ-ꓢꓷ-ꓡꓰ ꓔꓯ ꓕꓱ ꓡꓱ ꓬꓰ ꓠ ꓟꓽ ꓔꓸ ꓐꓯ ꓢꓲꓸ ꓝꓴꓲꓸ ꓓꓰꓺ ꓔꓬ ꓡꓳ꓿