ꓮ ꓙꓬ ꓡꓱꓼ ꓞꓽ ꓒꓳꓽ ꓕꓮꓲ-ꓪ ꓟꓵꓽ ꓗꓪ ꓬꓲꓸ ꓪꓴꓸ ꓫꓬꓹ ꓓꓳ ꓡ

ꓕꓮꓲ-ꓪ ꓠꓬ ꓮ ꓙꓬ ꓛꓱꓸ ꓡꓱꓼ ꓞꓽ ꓒꓳꓽ ꓔꓯ ꓬꓲꓸ ꓟꓵꓽ ꓗꓪ ꓬꓲꓸ ꓪꓴꓸ ꓕꓲꓽ ꓟ ꓫꓬꓹ ꓓꓳ ꓩꓴ ꓡ ꓟ ꓔꓯ 2023 ꓘꓳꓼ 9 ꓦ 28 ꓠꓬꓲ ꓕꓯꓽ ꓟꓳꓸ ꓖꓶ ꓩꓴ ꓡ ꓡꓳ꓿

ꓲ-ꓖ-ꓡꓲꓼ ꓥꓳꓽ ꓗꓪ Narwhal꓾ ꓧꓶꓽ ꓥꓳꓽ ꓗꓪ Hai Kun ꓟꓬꓱꓺ ꓔꓸ ꓟ ꓮ ꓙꓬ ꓛꓱꓸ ꓡꓱꓼ ꓞꓽ ꓒꓳꓽ ꓔꓯ ꓜꓯꓻ ꓓꓳ ꓡꓰ ꓢꓲ꓾ ꓤꓹ ꓠꓬꓲ ꓓꓳ ꓡꓰ ꓠꓬ 2024 ꓘꓳꓼ ꓗꓪ ꓕꓮꓲ-ꓪ ꓬꓲ ꓙꓬ ꓟꓯꓼ ꓔꓯ ꓡꓯꓼ ꓙꓱ ꓓꓴ ꓥꓳ꓾ ꓐꓯ ꓡꓳ꓿

ꓫꓬꓹ ꓒꓵꓽ ꓠꓬ ꓓꓳ ꓡ 2000 ꓪꓹ ꓕꓯ ꓢꓲ ꓙꓳ ꓢꓲ꓾ ꓬꓲꓸ ꓟꓵꓽ ꓗꓪ ꓬꓲꓸ ꓪꓴꓸ ꓫꓬꓹ ꓚꓰꓼ ꓓꓳ ꓡ ꓡꓳ ꓐꓯ ꓥ ꓟꓲ꓾ ꓐꓶ ꓗꓴꓷꓼ ꓗꓪ ꓟ ꓙꓼ ꓢꓷꓸ ꓠꓲꓹ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓥꓪꓸ ꓢꓲꓸ ꓫꓬꓹ ꓚꓰꓼ ꓙ ꓔꓸ ꓟ ꓥ ꓡꓳ꓾ ꓐꓯ ꓡꓳ꓿

MK-48 ꓔꓳ-ꓑꓲ-ꓓꓳ ꓐꓳꓽ ꓢꓶꓽ ꓠꓬꓳꓸ ꓙꓲˍ ꓟ꓾ Lockheed Martin combat system ꓣꓱꓽ ꓔꓸ ꓟ꓾ ꓓꓲ-ꓜꓯ ꓙꓼ ꓔꓶ ꓔꓸ ꓟ ꓞꓽ ꓒꓳꓽ ꓥ ꓡꓳ꓿ ꓕꓱ ꓡꓱꓳ ꓫꓵꓽ 8 ꓟ ꓫꓬꓹ ꓓꓴ ꓙꓽ ꓖꓶ ꓔꓸ ꓡꓳ꓾ ꓐꓯ ꓡꓳ꓿

ꓕꓮꓲ-ꓪ ꓠꓬ ꓧꓶꓽ ꓗꓴꓷꓼ ꓠꓰ ꓓꓶꓽ ꓦꓴ ꓡ ꓟ ꓔꓯ ꓗꓳ ꓚꓱꓺ ꓢꓲ꓾ ꓔꓳꓹ ꓗꓽ ꓠꓹ ꓟ ꓟꓯꓼ ꓶ ꓤ ꓙ ꓖꓶ ꓔꓬ ꓟ ꓥ ꓡꓳ꓿