ꓮ ꓕꓽ ꓛꓶꓹ ꓗꓯꓸ ꓒꓽ ꓜꓳ-ꓡꓼ ꓔꓯ ꓐꓶ ꓢꓰꓼꓳ

ꓠꓬꓲꓸ ꓠꓬꓲ 2021 ꓘꓳꓼ 10 ꓦ 10 ꓠꓬꓲ ꓟꓶ ꓘꓶꓼ 6 ꓙꓵꓹ 30 ꓧꓶ ꓛꓲ ꓕꓽ꓾ ꓬꓥ-ꓖꓳꓥ ꓟꓵꓽ꓾ ꓡꓮꓲꓽ ꓡꓳ ꓒꓱ꓾ 3 ꓘꓹ꓾ ꓙ ꓖꓴ 11 ꓗꓪ ꓔꓬ ꓢꓴ ꓜꓳ-ꓡꓼ (Zaw Latt) ꓔꓯ ꓬꓲꓸ ꓜꓴ ꓕꓲ ꓜꓴ ꓠꓰ ꓡ ꓛꓴꓸ 5 ꓕꓶꓹ ꓐꓶ ꓜꓯꓼ ꓬꓰ ꓢꓲꓸ ꓫꓵꓻꓳ꓿

” ꓬꓲꓸ ꓦꓲ ꓧꓶꓸ ꓙꓬꓽ ꓗꓪ ꓔꓲꓸ ꓐꓶ ꓪ ꓬꓰꓳ ꓓꓯꓽ꓿ 5 ꓕꓶꓹ ꓥꓳ꓿ ꓟꓶ ꓘꓶ 8 ꓙꓵꓹ ꓛꓲ ꓔꓯ ꓟꓯꓼ ꓐꓬ ꓡ ꓢꓲꓸ ꓬꓲ ꓫꓵꓻ ꓟꓳ ꓫꓺ ꓔꓬꓹ ꓙꓰꓳ” ꓐꓰ ꓡꓳꓸ ꓟꓳ ꓢꓴ ꓘꓹ ꓞꓳ ꓤ ꓕꓲ ꓣꓳ ꓡꓰ ꓐꓯ ꓡꓳ꓿

ꓜꓳ-ꓡꓼ ꓠꓬ ꓗꓳꓸ ꓗꓷ ꓟ 2021 ꓘꓳꓼ 2 ꓦ 25 ꓠꓬꓲ꓾ ꓙꓵꓽ ꓪ ꓦꓴ ꓟꓯꓼ ꓔꓯ ꓢꓯꓼ ꓖꓶ ꓔꓳꓹ ꓙ ꓟ ꓘꓴ ꓔꓴ ꓜꓴ ꓗꓪ ꓬꓲꓸ ꓜꓲ ꓔꓺ ꓢꓴ ꓥ ꓢꓲ꓾ ꓫ-ꓖꓶ-ꓬꓲ-ꓡ ꓪꓰ ꓤ ꓬꓲꓼꓦꓔꓸ ꓔꓶꓸ (ShangriLa Hotel) ꓒ ꓕꓲ ꓗꓪ ꓙ ꓖꓴ ꓫꓱꓽ ꓔꓬ ꓢꓴ ꓕꓲ ꓣꓳ ꓔꓯ ꓮ ꓔꓳ ꓔꓳ ꓮꓸ ꓕꓽ ꓛꓶꓹ ꓗꓯꓸ ꓢꓴ ꓥ ꓡꓳ꓿

ꓢꓳꓴꓣꓚꓰꓽ Khithitmedia