ꓮꓳ-ꓢ-ꓢꓴ-ꓚꓰꓽ ꓔꓯ ꓫꓵꓽ ꓘꓶꓽ ꓦꓬꓼ ꓠꓬꓲ 2 ꓧꓪꓹ ꓕꓲ ꓧꓪꓹ ꓚꓲꓸ ꓩꓴꓳ

ꓮꓳ-ꓢ-ꓢꓴ-ꓚꓰꓽ ꓔꓯ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 27 ꓠꓬꓲ ꓗꓪ ꓫꓵꓽ ꓘꓶꓽ ꓠꓹ ꓟ ꓙ ꓟꓳ ꓔꓸ ꓥ ꓟꓲ ꓟꓽ ꓘꓶꓽ ꓘꓶꓽ ꓘꓳꓼ ꓫꓵꓪ 10 ꓠꓬꓲ ꓗꓪ ꓚꓲꓸ ꓩꓴ ꓗꓷꓳ꓿

ꓬꓲꓸ ꓔꓯ ꓟꓯꓼ ꓐꓴ ꓡꓰ ꓣꓴ ꓡˍ ꓟ 2021 ꓘꓳꓼ 2 ꓦ 1 ꓠꓬꓲ ꓠꓯꓼ ꓝꓲꓸ ꓗꓪ ꓬꓲꓸ ꓔꓬ ꓦꓲ ꓗꓪ ꓐꓰ ꓩꓴꓸ ꓕꓱ ꓙꓼ ꓐꓰ꓾ ꓩꓴꓸ ꓕꓱ ꓢꓯꓼ ꓗꓽ ꓓꓴ ꓙꓼ jumper ꓔꓯ ꓟꓯꓼ ꓤ ꓐꓴ ꓡꓰ ꓣꓴ ꓟꓶꓳ ꓐꓰ ꓐꓯ ꓢꓲꓸ ꓫꓵꓽ ꓪꓴ ꓩꓴ ꓔ ꓟ ꓥ ꓡꓳ꓿

ꓫꓵꓽ ꓪꓴꓻ 2 ꓚꓱꓹ ꓐꓱ ꓶ ꓫꓵꓽ ꓘꓶꓽ ꓠꓹ ꓟ 2021 ꓘꓳꓼ 12 ꓦ 20 ꓠꓬꓲ ꓗꓪ ꓐꓰ ꓕꓲ ꓝꓸ ꓚꓲꓸ ꓩꓴ ꓡ ꓟ 27 ꓠꓬꓲ꓾ ꓖꓳ ꓗꓪ ꓐꓰ ꓕꓲ ꓧꓪꓹ ꓚꓲꓸ ꓩꓴ ꓡ ꓟ ꓠꓬ 2022 ꓘꓳꓼ 1 ꓦ 10 ꓠꓬꓲ ꓗꓷ ꓡꓰˍ ꓟ ꓥ ꓡꓳ꓿ ꓬ

ꓶ ꓤ ꓕꓱ ꓡꓱꓳ ꓫꓵꓽ ꓙꓳ ꓟ ꓑꓶꓸ ꓓꓴ ꓶ ꓤ ꓚꓰꓹ ꓓꓵꓽ ꓚꓱꓹ ꓡꓳ ꓚ ꓙꓵꓽ ꓗ -8 ꓐꓰ꓾ ꓑ ꓫꓬ ꓣꓱꓽ ꓟꓽ ꓓ ꓟ ꓶ ꓤ ꓣꓱꓽ ꓟ ꓙꓵꓽ ꓗ -68 ꓗꓪ ꓐꓰ ꓫꓵꓽ ꓪꓴ ꓩꓴ ꓔ ꓡꓳ꓿

ꓮꓳ-ꓢ-ꓢꓴꓸ-ꓚꓰꓽ ꓡꓰ “ꓕꓱ ꓡꓱꓳ ꓫꓵꓽ ꓶ ꓤ ꓥꓪ ꓕꓲ ꓧꓪꓹ ꓟꓲ ꓟꓽ ꓜꓱꓽ ꓠꓬꓲ꓿ ꓥꓪ ꓦꓲ ꓗꓪ ꓐꓰ ꓧꓪ ꓟꓳˍ ꓟ ꓖꓶ ꓟꓽ ꓥ” ꓐꓯˍ ꓡꓳ꓿

ꓬꓲ ꓔꓯ ꓫꓵꓽ ꓘꓶꓽ ꓓꓳ ꓟ ꓫꓵ ꓪꓴ 2 ꓚꓱꓹ ꓙꓳ ꓢꓴ꓾ ꓬꓲ ꓔꓯ ꓫꓵꓽ ꓪꓴ ꓩꓴ ꓔꓸ ꓟ ꓮ ꓙꓵ ꓠꓬ 13 ꓚꓱꓹ ꓙꓳˍ ꓡꓳ꓿