ꓠꓬꓲꓸ ꓠꓬꓲ 2022 ꓘꓳꓼ 1 ꓦ 10 ꓠꓬꓲ ꓕꓯꓽ ꓮꓳ-ꓢ-ꓢꓴ-ꓚꓰꓽ ꓔꓯ ꓐꓱ ꓓꓴꓽ ꓗꓪ 4 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓗꓷꓳ꓿
ꓫꓵꓽ ꓪꓴ 3 ꓚꓱꓹ ꓐꓱ ꓶ ꓫꓵꓽ ꓘꓶꓽ ꓩꓴ ꓡ ꓥ ꓢꓲ꓾ ꓗꓴꓷꓼ ꓘꓴꓽ ꓗꓪ ꓶ ꓤ ꓚꓰꓹ ꓓꓵꓽ/ꓓꓳ ꓚꓱꓹ ꓐꓱ ꓶ 2 ꓘꓳꓼ꓾ ꓠꓻ ꓓꓱꓽ ꓘꓶ ꓡꓶꓽ ꓓꓴ ꓔꓯ ꓗꓽ ꓔˍ ꓟ ꓚꓱꓹ ꓐꓱ ꓶ 2 ꓘꓳꓼ ꓥ ꓡꓳ꓿
ꓬꓲꓸ ꓦꓲ ꓘꓴꓽ ꓗꓪ ꓫꓸ ꓪ ꓕꓱ ꓙꓼ ꓧꓪ ꓟꓳˍ ꓡꓳ ꓐꓯ ꓟ ꓐꓰ꓾ ꓗꓳ-ꓪꓰꓼ ꓦꓬꓼ ꓠꓬꓲ ꓗꓪ ꓡ ꓞꓳ 30 ꓣꓳ ꓜꓲꓼ ꓗꓷ ꓟ ꓑꓶꓸ ꓓꓴ ꓫꓵꓽ ꓘꓶꓽ ꓩꓴ ꓡ ꓟ ꓥ ꓡꓳ꓿
2021 ꓘꓳꓼ 12 ꓦ 6 ꓠꓬꓲ ꓕꓯꓽ ꓫꓵꓽ ꓪꓴꓻ 2 ꓚꓱꓹ ꓐꓱ ꓶ 4 ꓘꓳꓼ ꓡꓴꓽ ꓠꓹ ꓟ ꓠꓯꓼ ꓝꓲꓸ ꓗꓪ ꓫꓵꓽ ꓘꓶꓽ ꓩꓴ ꓡ ꓢꓲ꓾ ꓟꓶ ꓘꓶꓼ ꓝꓲꓸ ꓗꓪ ꓠꓬ 2 ꓘꓳꓼ ꓖꓽ ꓖꓶˍ ꓥꓳ ꓐꓯ ꓡ ꓡꓳ꓿
ꓮ ꓟꓶ ꓥ ꓟꓲ ꓐꓯ ꓟꓴ 6 ꓚꓱꓹ ꓜꓰ ꓞꓹ ꓢꓲ꓾ ꓝꓸ ꓢꓲꓸ ꓬꓲꓸ ꓚꓱꓹ ꓟꓽ ꓗꓹ ꓔꓺ ꓡꓴꓽ ꓓꓴ ꓙ ꓖꓶ ꓔꓬ ꓟ ꓓꓳꓽ ꓜꓳ ꓡ ꓡꓳ꓿