ꓮꓳ-ꓢ-ꓢꓴꓸ-ꓚꓰꓽ ꓘꓶꓽ ꓕꓴꓸ ꓜꓽ ꓡꓳ ꓐꓯ ꓢꓲꓸ ꓐꓯ ꓟꓴ ꓩꓴ ꓠꓹ ꓟ ꓫꓵꓽ ꓘꓶꓽ ꓔꓶꓸ ꓗꓪ ꓐꓰ ꓕꓵꓼ ꓪ ꓞꓰ ꓡ

ꓮꓳ-ꓢ-ꓢꓴꓸ-ꓚꓰꓽ ꓠꓬ ꓧꓶꓸ ꓕꓯ ꓬꓥ-ꓖꓳꓥ ꓟꓵꓽ ꓫꓴ ꓙꓵꓽ ꓒꓽ ꓒꓬꓳꓹ-ꓟꓰꓹ-ꓔꓲꓸ ꓡꓯ ꓒꓯꓹ ꓗꓪ ꓐꓰ ꓓꓳꓳ-ꓡ ꓒꓴ 6 ꓢꓯꓹ ꓐꓰ꓾ ꓫꓵꓺ 7 ꓚꓪꓺ ꓘꓶꓽ ꓕꓴꓸ ꓜꓽ ꓡꓳ ꓐꓯ ꓢꓲꓸ ꓐꓯ ꓟꓴ ꓩꓴ ꓠꓹ ꓟ ꓠꓬꓲꓸ ꓠꓬꓲ 2022 ꓘꓳꓼ 2 ꓦ 28 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓫꓵꓽ ꓘꓶꓽ ꓔꓶꓸ ꓗꓪ ꓐꓰ ꓕꓵꓼ ꓪ ꓞꓰ ꓩꓴ ꓡ ꓡꓳ꓿

“ꓘꓶꓽ ꓕꓴꓸ ꓖꓶ ꓗꓷꓳ” ꓐꓰ ꓬꓥ-ꓖꓳꓥ ꓟꓵꓽ ꓫꓴ ꓙꓵꓽ ꓒꓽ ꓡꓵꓺ ꓡꓰ ꓫꓵꓽ ꓘꓶꓽ ꓔꓶꓸ ꓗꓪ ꓢꓲ 2021 ꓘꓳꓼ 10 ꓦ 1 ꓠꓬꓲ ꓕꓯꓽ ꓫꓸ ꓕꓱ ꓔꓸ ꓡꓳ꓿

ꓖꓳ ꓡꓱ ꓫꓸ ꓕꓱ ꓔꓸ ꓟ ꓔꓯ “All Absurd”(ꓮ ꓔꓳ ꓔꓲꓸ ꓥꓳ) ꓐꓰ ꓮꓳ-ꓢ-ꓢꓴꓸ-ꓚꓰꓽ ꓡꓰ 2021 ꓘꓳꓼ 10 ꓦ 4 ꓠꓬꓲ ꓕꓯꓽ ꓡꓯꓽ ꓔꓯꓽ ꓗꓷ ꓡꓳ꓿

ꓮꓳ-ꓢ-ꓢꓴꓸ-ꓚꓰꓽ ꓔꓯ ꓟꓬ-ꓟ ꓟꓯꓼ ꓐꓰ ꓬꓲꓸ ꓡꓯꓼ ꓛꓲ ꓗꓪ ꓟ ꓞꓳ ꓤ ꓐꓴ ꓡꓰ ꓫꓵꓽ ꓪꓴ 10 ꓚꓱꓹ ꓩꓴ ꓔꓸ ꓢꓲ꓾ ꓠꓯ-ꓑꓲ-ꓓꓳ ꓗꓪ ꓫꓵꓽ ꓘꓶꓽ ꓔꓶꓸ ꓬꓲꓸ ꓫꓳꓹ ꓫꓳꓽ ꓕꓲ ꓟ ꓬꓰ ꓢꓲꓸ ꓚꓲꓸ ꓚ ꓔꓬ ꓟ ꓥ ꓡꓳ꓿

Audio News