ꓮꓳ-ꓢ-ꓢꓴꓸ-ꓚꓰꓽ ꓔꓯ ꓟꓯꓼ ꓠꓰ ꓬꓲꓸ ꓖ ꓟꓽ ꓙꓳ ꓣꓴ ꓡꓴꓽ ꓔꓸ ꓟ ꓔꓯ ꓗꓴꓷꓼ ꓜꓴ ꓗꓪ ꓟ ꓡꓳꓸ ꓠꓬꓲ ꓜꓴ ꓕꓲ ꓟ ꓔꓯ ꓬꓲꓸ ꓫꓵꓽ ꓤ ꓧꓪ ꓤ ꓐꓴ ꓠꓰ 2022 ꓘꓳꓼ 5 ꓦ 25 ꓠꓬꓲ ꓕꓯꓽ ꓗꓳꓹ ꓩꓴ ꓡꓻꓳ꓾ ꓐꓰ ꓜꓲꓽ ꓟꓴꓽ ꓒꓽ ꓐꓴ ꓠꓰ ꓐꓯ ꓟꓳꓸ ꓖꓶꓽ ꓩꓴ ꓡ ꓡꓳ꓿
“ꓮꓳ-ꓢ-ꓢꓴꓸ-ꓚꓰꓽ ꓔꓯ ꓣꓴ ꓡꓴꓽ ꓦꓹ ꓓꓴ ꓟ ꓠꓽ ꓬꓲꓸ ꓡꓲꓽ ꓟꓽ ꓜꓳꓽ꓿ ꓙꓲ ꓗ ꓟꓽ ꓙꓳ꓿ ꓟꓽ ꓓ ꓟꓽ ꓢ ꓣꓴ ꓔꓸ ꓟ ꓔꓯ ꓙꓵꓽ ꓗ ꓡꓳ ꓚ ꓬꓰ ꓗꓶꓸ ꓔꓬ ꓟ ꓥꓳ” ꓐꓰ ꓜꓲꓽ ꓟꓴꓽ ꓒꓽ ꓩ-ꓬꓼ ꓜꓰ-ꓟ-ꓬꓯꓹ ꓐꓰ ꓙꓬ-ꓢꓰ-ꓗ ꓒ-ꓠꓯꓹ-ꓡꓲꓺ (Francois Zimeray and Jessica Finelle) ꓐꓴ ꓡꓰꓽ ꓐꓯ ꓡꓳ꓿
” ꓬꓲ ꓔꓯ ꓣꓴ ꓕꓲꓺ ꓦꓹ ꓢꓲꓸ ꓕꓲ ꓗꓴꓷꓼ ꓡꓱꓸꓼ ꓔꓯ ꓟꓷ ꓠꓷꓹ ꓑꓲꓸ ꓞꓲꓽ ꓔꓬ ꓟ ꓥꓳ” ꓐꓰ ꓐꓯ ꓝꓸ ꓩꓴ ꓡ ꓡꓳ꓿
ꓮꓳ-ꓢ-ꓢꓴꓸ-ꓚꓰꓽ ꓔꓯ ꓠꓬ ꓧꓶꓸ ꓕꓯ ꓟꓬ-ꓟ ꓟꓯꓼ ꓜꓲꓽ ꓐꓴ ꓡꓰ 15 ꓘꓳꓼ ꓡꓴꓽ ꓓꓳ ꓡꓰ ꓢꓲ꓾ ꓮ ꓟꓶ ꓕꓲ ꓧꓪꓹ 150 ꓘꓳꓼ ꓛꓲ ꓡꓴꓽ ꓠꓹ ꓟ ꓝꓴꓲꓸ ꓓꓰꓺ ꓢꓲꓸ ꓫꓵꓽ ꓪꓴ ꓬꓰ ꓔꓬ ꓟ ꓥ ꓡꓳ꓿
“15 ꓘꓳꓼ ꓡꓴꓽ ꓗꓷ ꓢꓲꓸ ꓝꓴꓲꓸ ꓟꓽ ꓙꓳ ꓠꓰ ꓓꓳ ꓡ ꓢꓴ꓾ ꓮ ꓟꓶ ꓬꓲꓸ ꓞꓲꓼ 77 ꓘꓳꓼ ꓐꓲ ꓡ ꓓꓴ ꓬꓰˍ ꓢꓴ ꓕꓲ ꓣꓳ ꓔꓯ ꓠꓱꓸ ꓐꓯꓼ ꓢꓴ ꓔꓯ ꓟꓽ ꓜꓲ ꓡꓯ ꓘꓳ ꓝꓲ ꓕꓱ ꓡꓱ ꓣꓴ ꓡꓴꓽ ꓔꓸ ꓟ ꓠꓽ ꓠꓲꓹ ꓟ ꓔꓯ꓿ ꓫꓸ ꓟꓴˍ ꓟ ꓥꓳ꓿ ꓮ ꓫꓵꓽ ꓙꓵꓽ ꓗ ꓡꓲꓸ ꓟꓽ ꓥ꓿ ꓮ ꓫꓵꓽ ꓜꓳꓽ ꓫꓵꓽ ꓡꓲꓸ ꓟꓽ ꓥ” ꓐꓰ ꓬꓲꓸ ꓫꓵꓽ ꓪꓳꓼ ꓐꓴ ꓡꓰ ꓥꓪꓸ ꓔꓸ ꓟ ꓐꓯ ꓟꓴ ꓒꓽ ꓐꓴ ꓡꓰ ꓐꓯ ꓡꓳ꓿
Ref: CNA