ꓠꓬꓲꓸ ꓠꓬꓲ 2021 ꓘꓳꓼ 6 ꓦ 19 ꓠꓬꓲ ꓠꓬ ꓑ ꓫꓬ ꓧꓳꓽ ꓪꓴꓸ ꓟꓴ ꓢꓴ ꓮꓳ-ꓢꓸ-ꓢꓴꓸ-ꓚꓰꓽ 76 ꓘꓳꓼ ꓦꓵ ꓦꓬꓼ ꓠꓬꓲ ꓥ ꓢꓲ꓾ ꓟꓵ ꓗꓳꓹ ꓓꓵ ꓓꓵ ꓗꓪ ꓟ ꓬꓲꓸ ꓔꓯ ꓦ ꓡꓱ ꓐꓳ ꓢꓲꓸ ꓔꓳꓹ ꓙ ꓔꓬ ꓢꓴ ꓐꓴ ꓮ ꓙꓵꓽ ꓠꓬ ꓢꓲꓹ ꓪꓰ ꓗꓪ ꓐꓰ ꓬꓲꓸ ꓦꓵ ꓦꓬꓼ ꓠꓬꓲ ꓔꓯ ꓟꓬꓱꓺ ꓓꓳꓽ ꓖꓶ ꓟ ꓐꓰ꓾ ꓡꓴꓽ ꓔꓸ ꓟ ꓗꓪ ꓐꓰ ꓬꓲꓸ ꓡꓲꓹ ꓙꓰ ꓠꓹ ꓟ ꓪ ꓘꓴ ꓙ ꓔꓬ ꓡꓳ=
ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓮꓳ-ꓢꓸ-ꓢꓴꓸ-ꓚꓰꓽ ꓐꓰ ꓗꓴꓷꓼ ꓟꓬꓱꓽ ꓬꓰ ꓢꓴ ꓮ ꓟꓬꓹ ꓔꓯ ꓣꓴ ꓡꓴꓽ ꓔꓸ ꓡꓳ= ꓮꓳ-ꓢꓸ-ꓢꓴꓸ-ꓚꓰꓽ ꓠꓬ ꓟꓬ-ꓟ ꓗꓴꓷꓼ ꓗꓪ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓐꓰ ꓑ ꓫꓬ ꓐꓴ ꓠꓬꓲꓽ ꓗꓴꓸ ꓚꓸ ꓗꓪ ꓠꓲꓹ ꓧꓳꓹ ꓡꓰ ꓠꓹ ꓟ ꓮ ꓘꓶꓸ ꓢꓯꓼ ꓕꓵꓼ ꓗꓷ ꓥ ꓟꓲ꓾ 2021 ꓘꓳꓼ 2 ꓦ 1 ꓠꓬꓲꓽ ꓕꓯ ꓟꓯꓼ ꓢꓲꓽ ꓒꓽ ꓐꓴ ꓡꓰ ꓑ ꓫꓬ ꓙꓵꓽ ꓪ ꓔꓯ ꓝꓮꓲ ꓕꓲ ꓧꓪꓹ ꓦꓴ ꓔꓯꓹ ꓙꓰ ꓟ ꓥ ꓡꓳ=
ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓢꓯꓼ ꓖꓶ ꓢꓴ ꓙꓳ ꓟ ꓡꓰ ꓐꓰ꓾ ꓝꓮꓲ ꓕꓲ ꓒꓳꓹ ꓗꓪ ꓠꓬ ꓬꓲꓸ ꓠꓬ ꓟꓯꓼ ꓔꓯ ꓔꓺ ꓢꓴ꓾ ꓟꓯꓼ ꓐꓴ ꓬꓰ ꓗꓷ ꓟ ꓝꓴꓲꓸ ꓔꓯ ꓑꓲꓸ ꓙ ꓢꓴ ꓥ ꓡꓳ ꓐꓯ ꓢꓲꓸ ꓠꓲꓹ ꓢꓲꓼ ꓔꓬ ꓟ ꓑ ꓫꓬ ꓐꓴ ꓥ ꓟꓲ ꓙꓳ ꓡꓳ=