2022 ꓘꓳꓼ 6 ꓦ 2 ꓠꓬꓲ ꓕꓯꓽ ꓮꓲ-ꓳ-ꓪ ꓟꓵꓽ꓾ ꓪ ꓘꓴ ꓦꓲ ꓟꓳ ꓓꓳ ꓠꓽ ꓖꓴ ꓗꓪ ꓡ ꓛꓴꓸ ꓐꓶ ꓒꓽ ꓕꓲ ꓣꓳ ꓡꓰꓽ ꓤꓼ ꓟꓶꓼ 2 ꓣꓳ ꓔꓯ ꓐꓶ ꓢꓰꓼ ꓗꓸ ꓠꓯꓸ ꓬꓲꓸ ꓔꓱꓸ ꓬꓲꓸ ꓖꓶ ꓐꓶ ꓢꓰꓼꓳ꓿
“ꓬꓲꓸ ꓪ ꓮ ꓫꓵꓽ ꓫꓵꓽ ꓪꓴ ꓙꓳˍ ꓟ ꓟꓽ ꓢꓷꓸ꓿ ꓑꓳ-ꓡꓲ ꓟꓯꓼ ꓐꓴ ꓖꓳ ꓗꓪ ꓛꓲ ꓡ ꓕꓽ 3 ꓣꓳ ꓕꓲꓽ ꓡꓲ ꓫꓵꓻ ꓐꓶ” ꓐꓰ ꓑꓳ-ꓡꓲ ꓟꓯꓼ ꓙꓵꓽ ꓪ ꓙꓳ ꓢꓴ Nicholas Lennieu ꓡꓰ ꓐꓯˍ ꓡꓳ꓿
ꓗꓳꓸ ꓗꓷˍ ꓟ 5 ꓦ 14 ꓠꓬꓲ ꓕꓯꓽ ꓠꓰ-ꓬꓴ-ꓬꓳꓼ ꓗꓪ ꓞꓳ ꓠꓯꓺ ꓕꓲ ꓣꓳ ꓠꓰ ꓞꓳ ꓒꓴ ꓫꓵꓽ ꓔꓯ ꓠꓲꓹ ꓜꓳ ꓢꓲꓸ ꓙꓲꓺ ꓔꓲꓺ ꓓꓽ ꓟ ꓕꓲ ꓟ ꓘꓴꓽ ꓗꓪ ꓡ ꓛꓴꓸ ꓐꓶ ꓡ ꓢꓲꓸ 10 ꓣꓳ ꓫꓵꓻ꓾ ꓡ ꓛꓴꓸ ꓐꓶ ꓒꓽ ꓬꓲꓸ ꓔꓯ ꓖꓶ ꓣꓴ ꓟꓶ ꓡꓰꓳ꓿
5 ꓦ 16 ꓠꓬꓲ ꓗꓪ ꓗꓯ-ꓡꓲ-ꓒꓳ-ꓠꓲ-ꓬ ꓖꓴ ꓟꓶꓸ Laguna Woods ꓡꓳ ꓒꓱ꓾ Geneva Presbyterian ꓘꓴ ꓜꓲꓼ ꓞꓳ ꓗꓪ ꓜꓽ ꓑꓮꓲ ꓬꓰ ꓔꓬ ꓟ ꓗꓪ ꓬꓲꓸ ꓞꓲꓼ 60 ꓘꓳꓼ ꓙꓳ ꓢꓴ ꓕꓲ ꓣꓳ ꓠꓰ ꓡ ꓛꓴꓸ ꓐꓶ ꓡ ꓢꓲꓸ 1 ꓣꓳ ꓫꓵ꓾ ꓡ ꓛꓴꓸ ꓐꓶ ꓢꓴ ꓬꓲꓸ ꓔꓯˍ ꓟꓲ ꓣꓴ ꓕꓲꓻ ꓡꓰꓳ꓿
5 ꓦ 24 ꓠꓬꓲ ꓗꓪ ꓠꓬ ꓔꓯ-ꓢꓼ ꓟꓵ꓾ Uvalde ꓡꓳ ꓒꓱ꓾ Robb ꓤ ꓠꓱ ꓢꓳ ꓦꓲ ꓗꓪ 18 ꓘꓳꓼ ꓙꓳˍ ꓡ ꓛꓴꓸ ꓐꓶ ꓒꓽ ꓡꓰ ꓐꓶ ꓡ ꓠꓬꓲ ꓤ ꓠꓱ 19 ꓣꓳ꓾ ꓟꓸ ꓟ 2 ꓣꓳ ꓫꓵꓻ꓾ ꓡ ꓛꓴꓸ ꓐꓶ ꓒꓽ ꓔꓯ ꓖꓶ ꓟꓯꓼ ꓠꓰ ꓐꓶ ꓢꓰꓼꓳ꓿
6 ꓦ 1 ꓠꓬꓲ ꓗꓪˍ ꓟꓲ ꓔꓴ-ꓢ ꓡꓳ ꓒꓱ Saint Francis ꓠꓯ ꓞꓲꓼ ꓦꓲ ꓗꓪ ꓡ ꓛꓴꓸ ꓐꓶ ꓡ ꓢꓲꓸ 5 ꓣꓳ ꓫꓵꓻꓳ꓿
Source: ReutersPhoto: Nirmalendu Majumdar/USA Today Network