ꓮꓲ ꓢꓷꓸ ꓠꓲꓹ ꓣꓱꓽ ꓢꓲꓸ ꓩꓴꓸ ꓕꓱ ꓚꓱꓹ ꓔꓯ ꓠ ꓠꓹ ꓘꓴꓽ ꓔꓬ ꓡꓳ

ꓟꓬ-ꓟ ꓗꓴꓷꓼ ꓗꓪ ꓑꓳꓡꓲꓚꓰ ꓟꓯꓼ ꓐꓴ ꓡꓰ ꓪꓴꓸ ꓠꓷꓸ ꓚꓬꓼ (Artificial Intelligence) ꓢꓷꓸ ꓠꓲꓹ ꓣꓱꓽ ꓢꓲ꓾ ꓩꓴꓸ ꓕꓱ ꓡꓯ ꓘꓳ ꓢꓴ ꓐꓴ ꓔꓯ ꓛꓽ ꓔꓬ ꓡꓳ ꓐꓰ Frontier Myanmar ꓡꓰ ꓐꓳ ꓩꓴ ꓡ ꓡꓳ꓿

ꓩꓴꓸ ꓕꓱ ꓡꓯ ꓘꓳ ꓟ ꓗꓪ ꓒꓳꓹ ꓔꓳꓹ ꓟ ꓐꓯ ꓘꓶꓽ ( ဆန္ဒပြပွဲ၊ တော်လှန်ရေး ) ꓕꓱ ꓜꓯꓼ ꓡꓰ ꓕꓯ ꓙꓼ ꓪꓴꓸ ꓠꓷꓸ ꓚꓬꓼ ꓡꓰ ꓫꓸ ꓕꓱ ꓢꓯꓼ ꓮ ꓙꓵꓽ ꓚꓲꓹ ꓗꓶꓺ ꓫꓺ ꓔꓸ ꓬꓰ ꓢꓲ꓾ ꓛꓽ ꓒ ꓐꓴ ꓔꓯ ꓡꓯꓼ ꓙꓱ ꓩꓴ ꓡꓳ꓿ ꓖꓳ ꓗꓪ ꓛꓽ ꓒ ꓐꓴ ꓠꓬ ꓩꓴꓸ ꓠꓻ ꓐꓼ ꓐꓰ ꓮ ꓫꓵꓽ ꓖꓪ ꓙꓱ ꓡꓯ ꓘꓳ ꓟ ꓚꓲꓸ ꓚ ꓪ ꓡꓰ ꓢꓲ꓾ ꓦꓲ ꓗꓪ ꓔꓳꓼ ꓣꓴ ꓡ ꓓꓲꓼ ꓖꓼ ꓗꓷ ꓡꓰ ꓡꓳ꓿ ꓙꓼ ꓗꓪ ꓚꓲꓹ ꓗꓶꓺ ꓔꓸ ꓟ ꓫꓸ ꓕꓱ ꓘꓶꓽ ꓔꓯ ꓫꓵꓽ ꓘꓶꓽ ꓖꓴ ꓗꓪ ꓒꓴ ꓟꓸ ꓖꓶ ꓢꓲꓸ ꓝꓴꓲ ꓓꓰꓺ ꓡ ꓡꓳ꓾ ꓐꓰ ꓐꓳ ꓔꓸ ꓡꓳ꓿

ꓕꓱ ꓡꓱ ꓮꓲ ꓢꓷꓸ ꓠꓲꓹ ꓡꓰ ꓛꓽ ꓔꓬ ꓟ ꓔꓯ MPT, Mytel ꓩꓴꓸ ꓕꓱ ꓚꓱꓹ ꓐꓴ ꓣꓱꓽ ꓔꓬ ꓥ ꓟꓲ꓾ ꓮ ꓟꓶ ꓗꓪ ꓛꓲ oredoo, Telenor ꓠꓬ ꓕꓱ ꓡꓱ ꓟꓽ ꓬꓰ ꓢꓰ꓾ ꓐꓣ ꓐꓳ ꓔꓸ ꓡꓳ꓿