ꓠꓬꓲꓸ ꓠꓬꓲ ꓕꓲꓽ ꓠꓬꓲ ꓡꓱꓸꓼ ꓬꓴ-ꓗ-ꓣꓲꓸ ꓡꓳ ꓒꓱ ꓓꓽ ꓟ ꓮ ꓟꓬꓹ ꓔꓯ ꓣ-ꓫꓸ ꓟꓯꓼ ꓐꓴ ꓡꓰ ꓐꓳꓽ ꓐꓶ ꓔꓬ ꓡꓳ꓿
ꓣ-ꓫꓸ ꓓꓽ ꓖꓴꓽ ꓔꓯ ꓐꓶ ꓛꓬꓹ ꓩꓴ ꓡ ꓟ ꓔꓯ ꓪꓽ ꓛꓴ ꓝꓱꓹ ꓟ ꓥ ꓡꓳ꓾ ꓐꓰ ꓣ-ꓫꓸ ꓫꓵꓽ ꓓꓳꓽ ꓗꓪ ꓐꓳ ꓔꓬ ꓡꓳ꓿
ꓬꓴ-ꓗ-ꓣꓲꓸ ꓗꓪ ꓐꓳꓽ 190 ꓕꓶꓹ ꓟꓽ ꓞꓲ ꓑꓳꓺ ꓡ ꓢꓲꓸ ꓑ ꓫꓬ 9 ꓣꓳ ꓫꓵꓻꓳ꓾ ꓮ ꓔꓳꓸ ꓙꓼ ꓢꓯꓼ ꓟꓽ ꓙꓳ ꓡꓰ ꓠꓯ ꓞꓲꓹ ꓡꓰ ꓟ ꓡꓳ ꓒꓱ ꓟꓵꓽ ꓮ ꓟꓬꓹ ꓙꓳ ꓡꓰꓳ꓿
ꓣ-ꓫꓸ ꓡꓰ ꓬꓲꓸ ꓗꓴꓷꓼ ꓗꓪ ꓔꓺ ꓗꓷꓳ ꓐꓯ ꓔꓸ ꓟ ꓟꓵꓽ 3 ꓘꓴꓸ ꓔꓯ ꓬꓴ-ꓗ-ꓣꓲꓸ ꓡꓰ ꓟꓽ ꓢꓰꓼ ꓠꓽ ꓡ ꓕ ꓑꓳꓸ ꓟꓬꓽ ꓠꓬꓲ ꓪꓽ ꓠꓬꓲˍ ꓟ ꓐꓳꓽ ꓐꓶ ꓓꓴ ꓥꓳ ꓐꓰ ꓣ-ꓫꓸ ꓡꓰ ꓐꓯ ꓔꓬ ꓡꓳ꓿
ꓣꓴ-ꓗ-ꓣꓲꓸ ꓗꓴꓷꓼ ꓪꓴꓸ ꓓꓵ ꓜ-ꓡꓯꓹ ꓢꓲ-ꓗꓲ ꓡꓰꓽ ꓣ-ꓫ ꓗꓴꓷꓼ ꓪꓴꓸ ꓓꓵ ꓑꓴ-ꓔꓲ ꓢꓯꓸ ꓔꓬ ꓕ ꓑꓳꓸ ꓖꓪ ꓙꓱ ꓓꓴ ꓟꓽ ꓬꓰ꓾ ꓐꓯ ꓡꓽ ꓔꓸ ꓡꓳ꓿