ꓬꓴ-ꓗ-ꓣꓲꓸ ꓗꓪ ꓲ-ꓓꓲ-ꓬ ꓠꓯ ꓞꓲꓼ ꓢꓳ ꓤꓽ ꓕꓲ ꓣꓳ ꓫꓵꓻꓳ

ꓲ-ꓓꓲ-ꓬ ꓡ ꓞꓳ ꓠꓯ ꓞꓲꓼ ꓢꓳ ꓤꓽ ꓖ-ꓠ-ꓖꓳ-ꓓ (22 ꓘꓳꓼ) ꓠꓬ 2022 ꓘꓳꓼ 3 ꓦ 1 ꓠꓬꓲ ꓠꓯꓼ ꓝꓲꓸ ꓗꓪ ꓬꓴ-ꓗ-ꓣꓲꓸ ꓟꓯꓼ ꓘꓶꓽ ꓑꓬ ꓔꓬ ꓟ ꓟꓲꓺ ꓘꓴ ꓗꓪ ꓐꓰ ꓓꓳ ꓡ ꓢꓲ꓾ ꓙꓲ ꓔꓲ ꓦꓲ ꓗꓪ ꓜꓽ ꓓꓴ ꓧꓪ ꓙꓰ ꓕꓯꓽ ꓢꓰꓼ ꓪ ꓡꓰꓳ꓿

ꓖ-ꓠ-ꓖꓳ-ꓓ (Gyanagoudar) ꓠꓬ ꓲ-ꓓ-ꓬ ꓟꓵꓽ ꓗꓪ ꓐꓰ ꓬꓴ-ꓗ-ꓣꓲ ꓟꓵꓽ Kharkiv National Medical University ꓗꓪ ꓠꓯ ꓞꓲꓼ ꓟꓬꓱꓽ 4 ꓘꓳꓼ ꓕꓲ ꓘꓳꓼ ꓗꓪ ꓢꓳ ꓔꓬ ꓢꓴ꓾ ꓗꓳꓸ ꓗꓷ ꓟ 3 ꓘꓳꓼ ꓕꓲ ꓘꓳꓼ ꓕꓳ ꓶ ꓘꓳꓽ ꓟ ꓗꓪ ꓬꓲꓸ ꓧꓶꓺ 95% ꓪ ꓔꓸ ꓢꓴ ꓮ ꓘꓶꓸ ꓓ ꓒꓽ ꓕꓲ ꓣꓳ ꓥ ꓡꓳ꓿

ꓕꓱ ꓟ ꓡꓰ ꓐꓰ ꓬꓴ-ꓗ-ꓣꓲꓸ ꓗꓴꓷꓼ ꓗꓪ ꓲ-ꓓꓲ-ꓬ ꓗꓴꓷꓼ ꓡ ꓞꓳ ꓬꓲꓸ ꓔꓴ ꓟꓽ ꓞꓲ ꓝꓲꓺ ꓔꓬ ꓡꓳ꓿ ꓲ-ꓓꓲ-ꓬ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓚꓬꓴꓹ ꓙ ꓠꓹ ꓟ ꓢꓯꓼ ꓕꓵꓼ ꓔꓬ ꓥ ꓟꓲ ꓣ-ꓫꓸ ꓡꓰ ꓟꓯꓼ ꓬꓼ ꓬꓼ ꓓꓶꓽ ꓔꓬ ꓠꓬꓲ꓾ ꓙꓰ ꓙꓰ ꓡꓽ ꓡꓽ ꓚ3ꓹ ꓠꓬꓲꓸ ꓠꓬꓲ ꓗꓪ ꓛꓲ ꓧꓪ ꓟꓽ ꓐ ꓡ ꓢꓰꓽ꓿

ꓬꓲꓸ ꓚꓰ꓾ ꓐꓐꓚ