ꓬꓴ-ꓗ-ꓣꓲꓸ ꓗꓪ ꓔꓲꓺ ꓒꓽ ꓬꓰ ꓗꓶꓸ ꓠꓬꓹ ꓟ ꓣ-ꓫꓸ ꓛꓽ ꓒꓽ ꓐꓴ ꓔꓯ ꓣꓴ ꓟꓶꓳ

ꓬꓴ-ꓗ-ꓣꓲꓸ ꓳ-ꓔꓳ-ꓓꓳ ꓪ ꓘꓴ ꓦꓲ ꓮ ꓟꓬꓹ ꓗꓪ ꓔꓲꓺ ꓒꓽ ꓬꓰ ꓗꓶꓸ ꓠꓬꓹ ꓟ ꓣ-ꓫꓸ ꓛꓽ ꓒꓽ ꓐꓴ ꓔꓯ ꓣꓴ ꓟꓶꓳ꓾ ꓐꓰ ꓬꓴ-ꓗ-ꓣꓲꓸ ꓟꓯꓼ ꓐꓴ ꓡꓰ 2022 ꓘꓳꓼ 11 ꓦ 26 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

ꓖꓳ ꓔꓲꓺ ꓒꓽ ꓡꓰ ꓐꓰ ꓗꓶꓸ ꓢꓴ ꓣ-ꓫꓸ ꓛꓽ ꓒꓽ ꓐꓴ ꓠꓬ ꓤꓽ ꓛꓳꓽ ꓤꓽ ꓦꓯꓽ ꓛꓳ ꓧꓪ ꓔꓸ ꓟ ꓐꓬꓱꓽ ꓥ ꓟꓲ꓾ ꓝꓮꓲ ꓟꓲ ꓠꓯ ꓗꓴꓷꓼ ꓮ ꓟꓬꓹ ꓒꓴ ꓬꓲꓸ ꓫꓵꓽ ꓬꓲꓸ ꓙꓰꓽ ꓥ ꓟꓲ꓾ ꓛꓽ ꓒꓽ ꓗꓸ ꓚꓵ ꓥ ꓟꓲ ꓬꓲꓸ ꓪ ꓡꓯꓽ ꓒꓯꓹ ꓗꓪ ꓐꓰ ꓧꓪ ꓟꓳꓻ ꓔꓸ ꓡꓳ꓾ ꓐꓯ ꓡꓳ꓿

ꓣ-ꓫꓸ ꓗꓴꓷꓼ ꓗꓪ ꓐꓰ ꓑꓴ-ꓔꓲ ꓐꓰ ꓬꓲꓸ ꓟꓯꓼ ꓐꓴ ꓡꓰ ꓐꓯ ꓟ ꓠꓬ꓾ ꓬꓴ-ꓗ-ꓣꓲꓸ ꓟꓯꓼ ꓐꓴ ꓠꓬ ꓦ ꓡꓱ ꓢꓴ ꓪ ꓘꓴ ꓦꓲ ꓗꓪ ꓓꓵꓽ ꓙꓰ ꓢꓲꓸ ꓟꓽ ꓔꓱꓹ ꓟꓽ ꓜꓳꓽ ꓬꓰ ꓔꓬ ꓡꓳ꓾ ꓐꓯ ꓡꓳ꓿

ꓬꓲꓸ ꓚꓰ꓾ ꓐꓠꓠ