ꓬꓴ-ꓗ-ꓣꓲ~ꓴꓢꓮ ꓖꓪ ꓙꓱ ꓑꓮꓲ ꓬꓲꓸ ꓑꓶꓸ ꓟꓽ ꓛꓶ

2025 ꓘꓳꓼ 2 ꓦ 28 ꓠꓬꓲ ꓕꓯ ꓴꓢꓮ ꓦꓲ ꓒꓴ ꓒꓴ ꓗꓪ ꓬꓰ ꓗꓷ ꓟ ꓬꓴ-ꓗ-ꓣꓲ~ꓴꓢꓮ ꓖꓪ ꓙꓱ ꓑꓮꓲ ꓠꓬ ꓬꓲꓸ ꓑꓶꓸ ꓟꓽ ꓛꓶ ꓛꓶ ꓠꓽ ꓩꓴꓳ꓿

ꓣ-ꓫ ꓐꓰ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓬꓴ-ꓗ-ꓣꓲ ꓠꓬ ꓴꓢꓮ ꓡꓰ 3 ꓘꓳꓼ ꓗꓪ ꓛꓲ ꓔꓳꓹ ꓙ ꓩꓴ ꓡ ꓥ ꓟꓲ ꓬꓲꓸ ꓖꓻ ꓙꓳ ꓙꓳ ꓟꓯꓼ ꓢꓰꓼ ꓧꓪꓸ ꓟꓽ ꓘꓴ꓿ ꓮ ꓟꓶ ꓴꓢꓮ ꓗꓪ ꓗꓴꓷꓼ ꓙꓵꓽ ꓜꓴ ꓬꓲꓸ ꓫꓵꓼ ꓠꓬ ꓴꓢꓮ ꓡꓰ ꓔꓳꓹ ꓙ ꓔꓸ ꓟ ꓒꓴ ꓡꓲꓸ ꓟꓶ ꓠꓲꓹ ꓫꓵ ꓡꓳ꓿ ꓖꓳ ꓟ ꓑꓶꓸ ꓓꓴ ꓬꓴ-ꓗ-ꓣꓲ ꓟꓵꓽ ꓗꓪ ꓒꓵꓽ ꓛꓴꓸ ꓜꓽ ꓪ ꓠꓹ ꓟ ꓖꓪ ꓙꓱ ꓔꓬ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓖꓪ ꓙꓱ ꓑꓮꓲ ꓬꓲꓸ ꓙꓵꓹ 40 ꓧꓶ ꓗꓪ ꓜ-ꓡꓯ-ꓢꓲ-ꓗꓲ ꓐꓰ ꓓꓳ-ꓠꓯ-ꓕ-ꓣꓼ ꓐꓴ ꓖꓳ ꓑꓳꓸ ꓕ ꓑꓳꓸ ꓠꓲꓹ ꓢꓲꓼ ꓠꓲꓹ ꓘꓱꓹ ꓘꓴ ꓡꓯ ꓘꓳ ꓢꓲꓸ ꓬꓲꓸ ꓑꓶꓸ ꓟꓽ ꓛꓶ ꓠꓽ ꓩꓴꓳ꓿