ꓬꓲ-ꓢꓷ-ꓡꓰ ꓠꓰ ꓖ-ꓜ ꓡꓳ ꓪꓴꓸ ꓗꓪ ꓔꓬ ꓢꓴ ꓡ ꓞꓳ 10 ꓢꓯꓹ ꓟꓽ ꓞꓲ ꓔꓯ ꓬꓲꓻ ꓟꓶ ꓕꓲꓽ ꓛꓱꓽ ꓗꓪ 24 ꓙꓵꓹ ꓘꓴꓽ ꓗꓪ ꓚꓲꓸ ꓠꓹ ꓟ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
ꓗꓴꓷꓼ ꓜꓴ ꓗꓪ ꓟ ꓟꓯꓼ ꓛꓰꓹ ꓢꓴ ꓔꓯ ꓬꓰ ꓙ ꓔꓬ ꓢꓴ ꓐꓴ ꓠꓬ ꓞꓳ ꓜꓴ ꓞꓳ ꓟꓯꓼ ꓕꓱ ꓟꓬ ꓟ 24 ꓙꓵꓹ ꓗꓪ ꓚꓲꓸ ꓓꓳ ꓖꓴ ꓟꓽ ꓓ ꓐꓰ ꓢꓪꓼ ꓢꓲꓸ ꓬꓴ-ꓢꓷ-ꓡꓰ ꓔꓯ ꓠꓲꓹ ꓟ ꓫꓵꓺ ꓖꓶ ꓡꓯ ꓐꓰ ꓖ-ꓜ ꓡ ꓞꓳ ꓐꓴ ꓬꓲꓸ ꓛꓲ ꓖꓶ ꓬꓲꓽ ꓙ ꓔꓬ ꓡꓳ꓿
ꓬꓲ-ꓢꓷ-ꓡꓰ ꓠꓬ ꓖ-ꓜ ꓗꓪ ꓞꓳ ꓐꓳ ꓞꓳ ꓬꓲꓼ ꓐꓴ ꓔꓬ ꓟ ꓦꓲ ꓓꓽ ꓟ ꓮ ꓙꓵꓽ ꓔꓯ ꓙꓱ ꓦꓲ ꓟꓯꓼ ꓗꓪ ꓐꓰ ꓐꓳꓽ ꓠꓰ ꓬꓲꓸ ꓧꓶꓽ ꓐꓶ ꓢꓴꓺ ꓗꓷ ꓗꓸ ꓠꓯꓸ ꓮ ꓟꓶ ꓠꓬ ꓟꓲ ꓠꓯ ꓟꓯꓼ ꓓꓵꓽ ꓢꓲꓸ ꓧ-ꓟ-ꓢꓲ ꓟꓯꓼ ꓔꓯ ꓔꓳꓼ ꓡꓯ ꓘꓳ ꓓꓴ ꓬꓰ ꓡ ꓟ ꓥ ꓡꓳ꓿
10 ꓦ 7 ꓠꓬꓲ ꓕꓯꓽ ꓧ-ꓟ-ꓢꓲ ꓟꓯꓼ ꓠꓰ ꓢꓷꓸ ꓡꓰ ꓓꓴ ꓟꓽ ꓙꓳ ꓙꓳ ꓦꓰꓸ ꓛꓲꓽ ꓦꓰꓸ ꓒꓻ ꓬꓲ-ꓢꓷ-ꓡꓰ ꓔꓯ ꓐꓳꓷ ꓐꓶ꓾ ꓓꓵꓽ ꓡ ꓢꓲꓸ ꓢꓰꓼ ꓡ ꓢꓲꓸ ꓬꓲ-ꓢꓷ-ꓡꓰ ꓬꓲꓸ ꓔꓴ ꓣꓳ ꓫꓵꓻ ꓟ ꓑꓶꓸ ꓓꓴ ꓬꓲ-ꓢꓷ-ꓡꓰ ꓦꓶ ꓠꓲꓹ ꓠꓬ ꓞ ꓔꓴ ꓡ ꓔꓬ ꓟ ꓥ ꓡꓳ꓿
“ꓡ ꓠꓹ ꓟ ꓬꓲꓸ ꓞꓲ ꓘꓳꓼ ꓗꓪ ꓛꓲ ꓟꓽ ꓟꓲ ꓡꓰ ꓓ ꓓꓴ꓾ ꓧ-ꓟ-ꓢꓲ ꓟꓯꓼ ꓬꓰ ꓗꓷ ꓟ ꓥꓳꓽ ꓡꓰꓳ ꓐꓰ ꓢꓷꓸ ꓡꓰ ꓗꓪ ꓛꓲ ꓪꓽ ꓛꓴ ꓚꓱꓹ ꓓꓴ ꓥꓳ꓾” ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓟꓬꓱꓽ ꓢꓲꓺ ꓡꓰ ꓐꓯ ꓔꓸ ꓟ ꓙꓳ ꓡꓳ꓿