2022 ꓘꓳꓼ 8 ꓦ 14 ꓠꓬꓲ ꓕꓯꓽ꓾ ꓬꓲ-ꓙꓲ ꓗꓴꓷꓼ ꓖꓰ-ꓜ ꓡꓳ ꓒꓱ ꓗꓪ ꓙꓳˍ ꓟ ꓙꓲ-ꓢꓴ ꓢꓲ ꓤ ꓪ ꓘꓴ ꓦꓲ ꓕꓲ ꓦꓲ ꓮ ꓔꓳꓸ ꓙꓬ ꓡ ꓢꓲꓸ ꓡ ꓞꓳ 41 ꓣꓳ ꓫꓵꓻꓳ꓿
ꓪ ꓘꓴ ꓦꓲ ꓠꓬ 4 ꓝꓸ ꓙꓳ ꓢꓲ꓾ ꓪ ꓘꓴ ꓡ ꓢꓴ 5000 ꓣꓳ ꓠꓬ 3-4 ꓝꓸ ꓗꓪ ꓜꓲꓼ ꓔꓬ ꓕꓲ ꓑꓹ 2 ꓝꓸ ꓗꓪ ꓐꓰ ꓟꓴꓽ ꓘꓴꓽ ꓓꓳ ꓡ꓾ ꓮ ꓔꓳꓸ ꓙꓬ ꓒꓳꓹ ꓡ ꓕꓯꓽ ꓮ ꓙꓵꓽ ꓢꓴ ꓫꓶꓸ ꓡꓯꓽ ꓓꓴ ꓟ ꓬꓲꓸ ꓕꓳꓻ ꓡꓱꓸ ꓡ ꓠꓬꓲ꓾ ꓡꓱꓸ ꓬꓰ ꓢꓴ ꓐꓴ ꓔꓯ ꓕꓳꓼ ꓢꓰꓼ ꓟ ꓥ ꓡꓳ꓾ ꓐꓯ ꓡꓳ꓿
ꓫꓵꓻ ꓢꓴ 41 ꓣꓳ ꓗꓪ ꓟꓬꓽ ꓠꓬꓲ ꓠꓬ ꓤ ꓠꓱ ꓤꓼ ꓐꓴˍ ꓐꓰ꓾ ꓞꓲꓼ ꓮ ꓘꓶꓸ ꓟꓳꓽ ꓢꓴ ꓐꓴ ꓥ ꓡꓳ꓾ ꓐꓯ ꓡꓳ꓿
“ꓫꓵꓻ ꓢꓴ ꓐꓴ ꓐꓱ ꓶ ꓐꓰ ꓬꓲꓸ ꓪ ꓫꓵꓽ ꓤ ꓪꓳꓼ ꓤ ꓐꓴ ꓐꓱ ꓶ ꓠꓲꓹ ꓟ ꓫꓸ ꓡꓳ꓿ ꓖꓳ ꓡꓱ ꓥ ꓟꓲ ꓫꓵꓻ ꓢꓴ ꓐꓴ ꓠꓬ ꓪ ꓘꓴ ꓦꓲ ꓗꓪ ꓔꓲꓸ ꓫꓵꓻꓳ ꓠꓰ ꓬꓲꓸ ꓪ ꓦ ꓠꓬ ꓪꓴ-ꓢ ꓖꓼ ꓙꓬ ꓗꓪ ꓛꓲ ꓐꓷˍ ꓥꓳ” ꓐꓰ ꓬꓲ-ꓙꓲ ꓗꓴꓷꓼ ꓪꓴꓸ ꓓꓵ Abdel Fattah al- Sisi ꓡꓰꓽ ꓐꓯ ꓡꓳ꓿
ꓮ ꓫꓵꓽ ꓑꓶꓸ ꓓꓴ ꓮ ꓔꓳꓸ ꓙꓬ ꓡˍ ꓟ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓚꓲꓸ ꓚ ꓔꓬ ꓡꓳ꓿
ꓬꓲ-ꓙꓲ ꓗꓴꓷꓼ ꓗꓪ ꓑ ꓫꓬ 103 ꓪꓹ ꓔꓬ ꓟ ꓗꓪ ꓗꓳꓼ-ꓔꓲꓼ ꓙꓲ-ꓢꓲ ꓢꓲ ꓤ 10 ꓪꓹ ꓛꓲ ꓔꓬ ꓡꓳ꓿
Source: Reuters, BBCPhoto: REUTERS/Mohamed Abd El Ghany