ꓬꓲꓸ ꓞꓶ 2 ꓞꓶ ꓔꓯ ꓟꓯꓼ ꓠꓰ ꓗꓪꓼ ꓠ ꓔꓸ ꓥ ꓐꓰ ꓟꓳꓹ-ꓦꓲꓸ ꓡꓰ ꓖꓪ ꓙꓱ

ꓟꓬ-ꓟ ꓗꓴꓷꓼ ꓗꓪ ꓬꓲꓸ ꓞꓶ 2 ꓞꓶ ꓔꓯ ꓟꓯꓼ ꓗꓴꓷꓼ ꓙꓵꓽ ꓜꓴ ꓠꓰ ꓗꓪꓼ ꓠ ꓔꓸ ꓥ ꓐꓰ ꓟꓳꓹ-ꓦꓲꓸ ꓡꓰ ꓖꓪ ꓙꓱ ꓩꓴ ꓡ ꓡꓳ꓿

ꓬꓲꓸ ꓞꓶ 2 ꓞꓶ ꓠꓬ ꓙꓼ ꓞꓶ ꓐꓰ ꓜꓽ ꓞꓶ ꓥ ꓡꓳ꓾ ꓐꓯ ꓡꓳ꓿ ꓟꓬ-ꓟ ꓗꓴꓷꓼ ꓗꓪ ꓬꓲꓸ ꓞꓶ ꓠꓬꓲꓽ ꓞꓶ ꓟꓽ ꓡꓳꓼ ꓠꓬꓲ ꓢꓴ ꓟꓵꓽ ꓢꓴ ꓡꓳ ꓗꓪ ꓐꓰ ꓚꓰꓹ ꓓꓵꓽ ꓓꓲꓸ ꓪꓴꓽ ꓔꓬ ꓟ ꓗꓪ ꓶ ꓡꓯꓼ ꓬꓰ ꓢꓴ ꓐꓴ ꓠꓬ ꓗꓴꓷꓼ ꓐꓰ ꓫꓵꓽ ꓔꓯ ꓠꓲꓹ ꓠꓵ ꓢꓴ ꓟꓽ ꓙꓳ ꓠꓬꓲ꓾ ꓬꓲꓸ ꓒꓵꓽ ꓠꓯꓸ ꓡ ꓔꓬ ꓟ ꓥ ꓡꓳ꓾ ꓐꓯ ꓡꓳ꓿

“ꓗꓴꓷꓼ ꓐꓰ ꓫꓵꓽ ꓔꓯ ꓠꓲꓹ ꓠꓵ ꓢꓴ ꓶ ꓡꓯꓼ ꓬꓰ ꓒꓽ ꓟꓽ ꓙꓳˍ ꓠꓬꓲ ꓗꓴꓷꓼ ꓙꓵꓽ ꓜꓴ ꓗꓪ ꓚꓳꓸ ꓞꓶ 2 ꓞꓶ ꓔꓯ ꓗꓪꓼ ꓙꓵꓽ ꓠ ꓔꓸ ꓥ꓿ ꓟꓰꓚ (ꓟꓯꓼ ꓶ ꓡꓯꓼ ꓜꓴ) ꓠꓰ ꓙꓵꓽ ꓠ ꓔꓸ ꓥ” ꓐꓰ ꓐꓯ ꓡꓳ꓿

ꓟꓪꓓ ꓗꓪ ꓖꓪ ꓙꓱ ꓐꓯ ꓟꓳꓸ ꓖꓶˍ ꓟ ꓙꓵꓹ ꓗꓪ ꓔ-ꓜꓰ-ꓳꓸ ꓡꓰ ꓠꓻ ꓠꓬꓲ ꓢꓲꓸ ꓟꓳꓹ-ꓦꓲꓸ ꓡꓰ ꓕꓱ ꓡꓱ ꓐꓯ ꓩꓴ ꓡ ꓟ ꓥ ꓡꓳ꓿

ꓟꓬ-ꓟ ꓗꓴꓷꓼ ꓗꓪ ꓙꓼ ꓞꓶ ꓒꓵꓽ ꓠꓬ ꓧꓶꓸ ꓕꓯꓽ 1 ꓡꓲ-ꓔ 400 ꓒꓯꓼ ꓗꓪ ꓐꓰ ꓮ ꓟꓶ ꓠꓬ 2200 ꓒꓯꓽ ꓗꓪ ꓛꓲ ꓬꓲꓸ ꓒꓵꓽ ꓓꓯꓻ ꓙꓰ ꓡ ꓢꓲꓸ ꓪꓴꓻ ꓠꓲꓹ ꓫꓵ ꓡꓲꓸ ꓧꓪ ꓫꓸ ꓡꓰ ꓔꓬ ꓟ ꓥ ꓡꓳ꓿