ꓕꓮꓲꓹ ꓗꓴꓷꓼ ꓗꓪ ꓔꓬ ꓟ ꓬꓲ-ꓢꓷ-ꓡꓰ ꓡ ꓞꓳ ꓔꓯ ꓧꓳꓽ ꓢꓴ ꓟꓸ ꓒ ꓓꓽ ꓟ ꓬꓳ-ꓢꓷ (Yosef Chaim Kanyor) ꓔꓯ ꓕꓮꓲꓹ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓮꓲꓹ ꓗꓴꓷꓼ ꓡ ꓞꓳ ꓗꓪ ꓐꓰ ꓒꓰꓻ ꓩꓴꓳ (ꓕꓮꓲꓹ ꓗꓴꓷꓼ ꓡ ꓞꓳ ꓟꓽ ꓥꓻꓳ)꓾ ꓐꓰ ꓓꓳꓽ ꓓꓳ ꓡ ꓡꓳ꓿
ꓬꓲꓸ ꓠꓬ ꓕꓮꓲꓹ ꓗꓴꓷꓼ ꓗꓪ 30 ꓘꓳꓼ ꓟꓽ ꓞꓲ ꓔꓬ ꓗꓳꓸ ꓡ ꓢꓴ ꓥ ꓢꓲ꓾ 1965 ꓘꓳꓼ ꓕꓮꓲꓹ ꓡ ꓞꓳ ꓒꓬꓱꓼ ꓡ ꓠꓹ ꓟ ꓗꓴꓷꓼ ꓙꓵꓽ ꓗ ꓡꓳ ꓚ꓾ 2013 ꓘꓳꓼ 5 ꓦ 2 ꓠꓬꓲ ꓕꓯꓽ ꓕꓮꓲꓹ ꓗꓴꓷꓼ ꓡ ꓞꓳ ꓕꓲ ꓣꓳ ꓒꓬꓱꓼ ꓡ ꓢꓴ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓬꓲꓸ ꓠꓬ ꓴꓢꓮ ꓗꓴꓷꓼ ꓡ ꓞꓳ ꓓꓵꓽ ꓓꓳ ꓕꓳ ꓶ (Passport) ꓣꓱꓽ ꓢꓲ Australia ꓗꓴꓷꓼ ꓗꓪ 16 ꓧꓪꓹ ꓓꓵꓽ ꓓꓳ ꓔꓸ ꓟ ꓚꓲꓸ ꓚ ꓟꓶ ꓡꓰ ꓠꓬꓲ꓾ ꓬꓲꓸ ꓔꓯ ꓮ ꓟꓶ ꓖꓳ ꓑꓳꓸ “ꓕꓮꓲꓹ ꓗꓴꓷꓼ ꓡ ꓞꓳ ꓟꓽ ꓥꓻꓳ” ꓐꓰ ꓒꓰꓻ ꓩꓴ ꓡ ꓟ ꓥ ꓡꓳ꓿
1965 ꓘꓳꓼ ꓕꓮꓲ ꓗꓴꓷꓼ ꓡ ꓞꓳ ꓒꓬꓱꓼ ꓡ ꓠꓹ ꓟ ꓗꓴꓷꓼ ꓙꓵꓽ ꓗ ꓠꓳꓸ 19(2) ꓗꓪ꓾ “ꓮ ꓡꓲ ꓕꓲ ꓣꓳ ꓥ ꓟꓲ ꓕꓮꓲꓹ ꓗꓴꓷꓼ ꓡ ꓞꓳ ꓒꓬꓱꓼ ꓡ ꓗꓷ ꓗꓸ ꓠꓯꓸ ꓧꓶꓸ ꓕꓯꓽ ꓟ ꓗꓴꓷꓼ ꓡ ꓞꓳ ꓕꓳ ꓶ ꓣꓱꓽ ꓢꓴ ꓙꓳˍ ꓠꓬ ꓬꓲꓸ ꓔꓯ ꓕꓮꓲꓹ ꓗꓴꓷꓼ ꓡ ꓞꓳ ꓶꓽ ꓮ ꓙꓵꓽ ꓣꓴ ꓡꓲꓸ ꓓꓴ ꓥꓳ” ꓐꓰ ꓐꓳ ꓔꓸ ꓡꓳ꓿