ꓬꓲ‐ꓢꓷ‐ꓡꓰ ꓐꓰ ꓲ‐ꓣ ꓟꓯꓼ ꓘꓶ꓾ ꓓꓳ‐ꓠꓯ ꓕ‐ꓣꓼꓠꓮꓔꓳ ꓖꓪ ꓙꓱ ꓜꓲꓼ ꓓꓴ

ꓬꓲ‐ꓢꓷ‐ꓡꓰ ꓐꓰ ꓲ‐ꓣꓼ ꓐꓴ ꓟꓯꓼ ꓓꓶ ꓡꓯ ꓘꓳ_ ꓟ 12 ꓦꓬꓼ ꓙꓳ ꓡ ꓔꓬ ꓕꓯ ꓴꓢꓮ ꓗꓴꓷꓼ ꓙꓵꓽ ꓪꓴ. ꓓꓵ ꓕ‐ꓣꓼ ꓡꓰ ꓟꓯꓼ ꓘꓶ ꓠꓽ ꓡꓰ ꓪ ꓐꓰ ꓐꓯ ꓑꓶ ꓩꓴ ꓡ ꓡꓳ꓿ ꓟꓯꓼ ꓘꓶ ꓑꓶ ꓓꓴ ꓲ‐ꓣꓼ ꓗꓴꓷꓽ ꓗꓪ ꓫꓵ., ꓢꓴ 618 ꓣꓳ ꓥ ꓢꓲ. ꓾ ꓬꓲ‐ꓢꓷ‐ꓡꓰ ꓗꓪ ꓠꓬ 28 ꓣꓳ ꓫꓵ., ꓳ ꓐꓰ ꓣꓰꓴꓔꓰꓣ ꓓꓳꓽ ꓗꓪ ꓐꓳ ꓔ ꓡꓳ꓿ ꓴꓢꓮ ꓗꓴꓷꓼ ꓪꓴ. ꓓꓵ ꓙꓵꓽ ꓕ‐ꓣꓼ ꓡꓰ ꓐꓯ ꓑꓶ ꓗ. ꓠꓯꓼ ꓠ ꓡꓲ 1 ꓙꓵꓼ ꓙꓳ ꓡ ꓔꓬ ꓕꓯ ꓲ‐ꓣ ꓗꓴꓷꓼ ꓗꓪ ꓐꓰ ꓟꓲꓢꓢꓰꓡ ꓐꓳꓽ ꓕꓲ ꓢꓶ ꓐꓶ., ꓡ ꓟ ꓑꓶ ꓓꓴ ꓬꓲ‐ꓢꓷ‐ꓡꓰ ꓐꓴ ꓥ ꓟꓲ ꓝ. ꓢꓲ. ꓡꓯ ꓫꓵꓽ ꓲ‐ꓣꓼ ꓔꓯ ꓢꓰꓼ ꓔꓬ ꓟ ꓥꓳ꓿

ꓖꓳ ꓟ ꓑꓶ ꓓꓴ ꓕ‐ꓣꓼ ꓠꓬ ꓠꓮꓔꓳ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓽ ꓙꓰ ꓧꓶ. ꓕꓯ ꓗꓪ ꓓꓳꓽ ꓠꓽ ꓠꓬꓲ ꓢꓴ ꓐꓴ ꓡꓰ ꓬꓲ. ꓔꓯ ꓮ ꓟꓶ ꓬꓲ‐ꓢꓷ‐ꓡꓰ ꓐꓰ ꓲ‐ꓣꓼ ꓔꓯ ꓠꓴ ꓮ ꓡꓲ ꓓꓵꓽ ꓙ ꓡ ꓐꓰ ꓠ ꓠꓬꓲ ꓕꓯ ” ꓕ‐ꓣꓼ ꓠꓬ ꓮ ꓘꓶ. ꓠꓲ., ꓢꓲ. ꓢꓲ., ꓬꓲ. ꓪ ꓕꓱ ꓡꓰ ꓬꓰ ꓟ ꓔꓯ ꓥꓪ ꓠꓲ, ꓟ ꓟꓽ ꓗ, ꓛꓲ ꓾ ꓮ ꓫꓵꓽ ꓑꓶ ꓓꓴ ꓕꓱ ꓡꓱ ꓬꓰ ꓥ ꓐꓯ ꓢꓲ. ” ꓠꓮꓔꓳ ꓖꓪ ꓙꓱ ꓜꓲꓼ ꓓꓴ ꓗꓪ ꓙꓰ ꓗꓷꓳ꓿

ꓝꓮꓲ ꓠꓬ ꓠꓮꓔꓳ ꓖꓪ ꓙꓱ ꓜꓲꓼ ꓓꓴ ꓗꓪ ꓴkraine ꓗꓴꓷꓼ ꓙꓵꓽ ꓐꓰ ꓴꓢꓮ ꓗꓴꓷꓼ ꓙꓵꓽ ꓬꓲ. ꓫꓳ, ꓫꓳ, ꓖꓪ ꓙꓱ ꓡꓯ ꓘꓳ ꓡꓳ ꓐꓰ ꓐꓯ ꓡꓳ꓿ ꓕꓱ ꓕꓲ ꓧꓪ ꓕ‐ꓣ ꓐꓰ ꓖꓪ ꓙꓱ ꓟ ꓠꓬ ꓮ ꓘꓶ ꓢꓯꓼ ꓪ ꓪ ꓡꓰꓳ ꓐꓰ Ukraine ꓗꓴꓷꓼ ꓙꓵꓽ ꓡꓰ ꓐꓯ ꓡꓳ꓿