ꓠ-ꓖ ꓢꓳ-ꓫꓬ-ꓡꓲꓼ ꓗꓳ-ꓢꓰ ꓬꓲꓼ ꓡ ꓟ ꓗꓽ ꓔꓸ ꓜꓴ (ꓖꓑꓣꓠ) ꓡꓰ ꓬꓯ ꓒꓴ ꓶ ꓡꓯꓼ ꓬꓰ ꓢꓴ 3 ꓣꓳ ꓔꓯ 2021 ꓘꓳꓼ 7 ꓦ 29 ꓠꓬꓲ ꓕꓯ ꓢꓰꓼ ꓩꓴꓳ ꓐꓰ꓾ 8 ꓦ 7 ꓠꓬꓲ ꓕꓯ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓢꓰꓼ ꓪ ꓡꓰ ꓢꓴ 3 ꓣꓳ ꓠꓬ꓾ ꓠꓟ-ꓬꓳꓹ ꓡꓳ ꓒꓱ꓾ ꓓꓳ-ꓦꓰꓸ ꓗꓪ ꓔꓬ ꓟ ꓟꓬ-ꓟ ꓑꓳꓡꓲꓚꓰ ꓟꓯꓼ ꓕꓲ ꓣꓳ ꓐꓰ꓾ ꓠꓱꓸ ꓐꓯꓼ ꓑ ꓫꓬ 2 ꓣꓳ ꓥ ꓡꓳ ꓐꓯ ꓡꓳ꓿
ꓬꓲꓸ ꓪ ꓠꓬ ꓬꓯ ꓒꓴ 451 ꓕꓱꓹ (ꓬꓲꓸ ꓒꓵꓽ ꓠꓬ 2000 ꓢꓯꓹ ꓒꓯꓼ ꓟꓽ ꓞꓲ) ꓔꓯ ꓟꓳ-ꓓꓳ ꓕꓲ ꓦꓲ ꓗꓪ ꓚꓰꓹ ꓡ ꓕꓯ ꓟꓯꓼ ꓐꓴ ꓡꓰ ꓚꓲꓸ ꓚ ꓟꓶ ꓡꓰ ꓟ ꓥ ꓡꓳ ꓐꓯ ꓡꓳ꓿ ꓡ ꓞꓳ 3 ꓣꓳ ꓔꓯ ꓢꓰꓼ ꓗꓷ ꓢꓲ꓾ ꓶ ꓤꓼ ꓮ ꓙꓵꓽ ꓮ ꓔꓳꓸ ꓛꓴ ꓩꓴ ꓗꓷꓳ ꓐꓰ ꓐꓯ ꓔꓸ ꓡꓳ꓿
ꓗꓳꓸ ꓗꓷ ꓟ 2021 ꓘꓳꓼ 7 ꓦ 19 ꓠꓬꓲ ꓗꓪ ꓥ ꓟꓲ ꓬꓲꓼ ꓡ ꓟ ꓬꓯ ꓶ ꓡꓯꓼ ꓬꓰ ꓢꓴ ꓕꓲ ꓣꓳ ꓔꓯ ꓖꓑꓣꓠ ꓟꓯꓼ ꓡꓰ ꓣꓴ ꓟꓶ ꓡꓰ ꓢꓲꓸ ꓢꓰꓼ ꓗꓷ ꓟ ꓥꓳ꓿
ꓖꓑꓣꓠ ꓠꓬ ꓚꓲꓸ ꓛꓬ ꓠ-ꓖꓼ ꓟꓵꓽ ꓐꓰ ꓫꓵꓽ ꓡ ꓞꓳ ꓐꓱ ꓶ ꓙꓲ ꓟ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓘꓳ ꓣꓴ ꓢꓲ꓾ ꓑ ꓫꓬ ꓐꓴ ꓠꓲꓹ ꓢ ꓔꓬ ꓡꓳ꓿