2021 ꓘꓳꓼ 6 ꓦ 19 ꓠꓬꓲ ꓕꓯ ꓬꓥ-ꓖꓳ ꓡꓳ ꓒꓱ ꓗꓪ ꓟꓬꓱꓽ ꓬꓰ ꓢꓴ 1000 ꓣꓳ ꓟꓽ ꓞꓲ ꓔꓯ ꓟꓬꓱꓽ ꓖꓶ ꓔꓬ ꓟ ꓬꓯꓼ ꓙꓲꓼ ꓦꓲ ꓓꓽ ꓟ Hengmao(Myanmar) Garment Co.,Ltd ꓑꓲꓸ ꓬꓰꓳ=
“ꓕꓱ ꓡꓱ ꓑꓲꓸ ꓬꓰ ꓢꓲꓸ ꓧꓹ ꓡꓯ ꓘꓳ ꓓꓴ ꓠꓽ ꓟꓽ ꓙ ꓟꓶ ꓔꓸꓳ ꓫꓵꓽ ꓮ ꓡꓲ ꓟꓽ ꓬꓰ ꓪ= ꓟꓬꓱꓽ ꓬꓰ ꓠꓹ ꓟ ꓗꓸ ꓟꓽ ꓘꓳ ꓟ ꓑꓶꓸ ꓓꓴ ꓠꓬꓲꓸ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓑꓲꓸ ꓩꓴ ꓗꓷꓳ” ꓐꓰ ꓟꓬꓱꓽ ꓙꓵꓽ ꓢꓴ ꓐꓴ ꓡꓰ ꓐꓯ ꓒꓬꓱ ꓩꓴ ꓡ ꓡꓳ=
ꓕꓱ ꓟ ꓠꓬ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓡꓰ ꓙꓵꓽ ꓡ ꓟ ꓗꓪ ꓐꓰ ꓗꓴꓷꓼ ꓗꓪ ꓶ ꓡꓯꓼ ꓬꓰ ꓜꓴ ꓮ ꓟꓬꓹ ꓡꓽ ꓙꓰ ꓖꓴ ꓟ꓾ ꓟꓬꓱꓽ ꓬꓰ ꓠꓽ ꓡꓰ ꓟ ꓗꓪ ꓐꓰ ꓕꓲ ꓟ ꓥ ꓡꓳ=
ꓬꓥ-ꓖꓳꓥ ꓕꓲ ꓡꓳ ꓒꓱ ꓗꓪ ꓕꓱ ꓡꓱꓳ ꓫꓵꓽ ꓟꓬꓱꓽ ꓬꓰ ꓜꓴ 600 ꓛꓲ ꓔꓬ ꓟ ꓗꓪ ꓐꓰ 200 ꓠꓬ ꓟꓬꓱꓽ ꓬꓰ ꓠꓽ ꓗꓷ ꓓꓴ ꓥꓳ ꓐꓰ ꓐꓯ ꓢꓷꓸ ꓡ ꓡꓳ=
ꓡ ꓞꓳ ꓬꓲꓸ ꓜꓴ ꓬꓲꓸ ꓟꓯꓼ ꓠꓬ ꓫꓸ ꓟꓷꓼ ꓟ ꓔꓳꓹ ꓜꓳ ꓡ ꓥꓳ ꓐꓰ ꓪꓳꓣꓡꓓ ꓝꓳꓳꓓ ꓑꓣꓳꓖꓣꓮꓟ (ꓪꓝꓑ) ꓡꓰ ꓙꓳꓺ ꓗꓽ ꓬꓲꓼ ꓠꓬꓲꓸ ꓖꓶ ꓔꓸ ꓡꓳ= ꓮ ꓟꓶ ꓗꓪ ꓛꓲ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓠꓬ ꓙꓵꓽ ꓪꓽ ꓡꓲꓸ ꓖꓶ ꓠꓹ ꓟ ꓟꓽ ꓬꓰ ꓡ ꓢꓰ=