ꓬꓥ-ꓖꓳꓥ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓜꓲꓼ ꓓꓴ ꓬꓰ

2023 ꓘꓳꓼ 1 ꓦ 29 ꓠꓬꓲ ꓕꓯꓽ꓾ ꓬꓥ-ꓖꓳꓥ ꓟꓵꓽ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓔꓯ ꓰ-ꓢꓰ ꓙꓲ-ꓢꓴ ꓘꓴ ꓜꓲꓼ ꓞꓳ ꓪ ꓘꓴ ꓦꓲ ꓗꓪ ꓣꓱꓽ ꓬꓰ ꓡꓳ꓿

“ꓗꓳ-ꓪꓰꓼ ꓑꓶꓸ ꓓꓴ ꓜꓲꓼ ꓓꓴ ꓟꓽ ꓬꓰ ꓟ ꓟꓶ ꓫꓵ ꓡꓰ ꓢꓲ꓾ ꓕꓱ ꓟ ꓠꓬ 3 ꓘꓳꓼ ꓘꓴꓽ ꓟ ꓗꓪ ꓬꓲꓸ ꓪꓴꓸ ꓕꓲ ꓧꓪꓸ ꓬꓰ ꓟ ꓥꓳ꓿ ꓞꓑ ꓫꓵ ꓞꓳ ꓙꓰꓽ ꓡꓲꓽ ꓒꓰꓼ ꓟꓸ ꓖꓶ ꓦꓲ ꓗꓪ ꓡꓲ-ꓢꓴ ꓶ ꓖꓪꓽ ꓗꓶ ꓡꓴꓽ ꓠꓹ ꓟ꓾ ꓝꓮꓲ ꓜꓴ ꓒꓴ ꓧꓪ ꓠꓹ ꓟ ꓖꓪ ꓙꓱ ꓪꓽ ꓔꓸꓳ꓿ ꓜꓲ ꓜꓲ ꓟꓴ ꓟꓴ ꓠꓬ ꓕꓲ ꓡꓳ ꓒꓱ ꓕꓲ ꓡꓳ ꓒꓱ ꓗꓪ ꓧꓳꓽ ꓢꓴ ꓐꓴ ꓗꓪ ꓐꓰ ꓕꓲꓽ ꓝꓸ ꓢꓷ ꓡ ꓝꓲ ꓓꓴ ꓥꓳ” ꓐꓰ ꓟꓬꓱꓽ ꓢꓲꓺ ꓮꓳ-ꓜꓳ-ꓳꓸ ꓡꓰ ꓐꓯ ꓖꓶ ꓡ ꓡꓳ꓿

ꓬꓥ-ꓖꓳꓥ ꓟꓵꓽ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲ ꓒꓰꓼ ꓜꓴ ꓔꓯ 2013 ꓘꓳꓼ 6 ꓦ 15 ꓠꓬꓲ ꓕꓯꓽ ꓒꓴ ꓪꓴꓸ ꓔꓴ ꓔꓸ ꓡꓲ-ꓢꓴ ꓡꓲꓽ ꓒꓰꓼ ꓡꓲꓽ ꓚꓱꓹ ꓗꓪ ꓢꓯꓼ ꓕꓵꓼ ꓔꓬ ꓟ ꓜꓴ ꓥ ꓡꓳ꓿