2023 ꓘꓳꓼ 1 ꓦ 12 ꓠꓬꓲ 9 ꓙꓵꓹ ꓛꓲ ꓕꓯꓽ ꓡꓮꓲꓽ ꓡꓳ ꓒꓱ꓾ ꓳꓼ-ꓚꓰꓸ ꓐꓴ-ꓓ-ꓬꓴ ꓙ ꓖꓴ ꓗꓪ ꓙꓳˍ ꓟ ꓪꓽ ꓫꓬꓹ ꓙꓼ ꓗꓪ ꓐꓰ ꓮ-ꓟꓳꓹ-ꓠꓰ-ꓬ ꓟꓴ ꓘꓴꓽ ꓑꓶꓸ ꓓꓴ ꓛ ꓐꓲꓽ ꓛ ꓗꓪ ꓢꓴ ꓬꓰ ꓢꓲ꓾ 40 ꓣꓳ ꓛꓲ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓔꓸ ꓡꓳ꓿
ꓟꓴꓽ ꓘꓴꓽ ꓕꓱ ꓟ ꓦ ꓜꓯꓼ꓾ ꓥ ꓠꓬ ꓖꓳ ꓓꓱꓽ ꓗꓪ ꓠꓶꓽ ꓜꓯꓼ ꓡꓰ ꓠꓬ ꓞꓳ ꓧꓪꓽ ꓜꓽ ꓬꓰ ꓡ ꓗꓴꓸ ꓟ ꓥ ꓡꓳ꓿ ꓖꓳ ꓟ ꓑꓶꓸ ꓓꓴ ꓢꓸ ꓑꓲꓸ ꓬꓸ ꓡꓰ ꓠꓲꓹ ꓞ ꓞꓲꓽ ꓫꓬ ꓩꓴ꓾ ꓐꓵ ꓞꓲꓽ ꓮ ꓙꓵꓽ ꓛꓶꓸ ꓩꓴ ꓠ ꓔꓸ ꓡꓳ꓾ ꓐꓯ ꓡꓳ꓿
ꓮ ꓔꓳꓸ ꓢꓰꓼ ꓙꓼ ꓐꓰ ꓞꓳ ꓠꓻ ꓚꓰꓹ ꓙꓼ ꓬꓲꓸ ꓞꓲ ꓟꓽ ꓞꓲ ꓬꓱ ꓡ ꓢꓲꓸ ꓟꓬꓱꓽ ꓬꓰ ꓗꓷ ꓡꓳ꓿ ꓖꓳ ꓗꓪ ꓒ ꓕꓲ ꓒ ꓠꓶꓽ ꓢꓴ ꓮ ꓙꓵꓽ ꓠꓬ ꓮ-ꓟꓳꓹ-ꓠꓰ-ꓬ ꓟꓴꓽ ꓘꓴꓽ ꓑꓶꓸ ꓓꓴ ꓦꓲ ꓗꓪ ꓐꓰ ꓔꓶꓹ ꓓꓳ ꓙꓰ ꓠ ꓗꓷ ꓡꓰˍ ꓡꓳ꓿
“ꓤ ꓠꓱ ꓐꓰ ꓬꓲꓸ ꓒ ꓬꓲꓸ ꓟ ꓐꓴ ꓕꓲ ꓖ ꓕꓲ ꓟ ꓔꓶꓹ ꓧꓹ ꓙꓰꓳ ꓫꓵꓽ ꓙꓳ ꓥ= ꓢꓯꓼ ꓦ ꓪ ꓡꓰ ꓢꓴ ꓐꓴ ꓔꓯ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰꓳ꓿” ꓐꓰ ꓐꓳ ꓡꓯ ꓘꓳ ꓔꓬ ꓡꓳ꓿
10:47 ꓙꓵꓹ ꓕꓯꓽ ꓮ-ꓟꓳꓹ-ꓠꓰ-ꓬ ꓟꓴ ꓘꓴꓽ ꓓꓳˍ ꓟ ꓑꓲꓸ ꓫꓺ ꓓꓻ ꓡꓰꓳ ꓐꓯ ꓡꓳ꓿ ꓖꓳ ꓡꓱ ꓥ ꓟꓲ ꓝꓮꓲ ꓕꓲꓽ ꓢꓶꓽ ꓐꓶˍ ꓡꓳ꓾ ꓐꓰ ꓑ ꓫꓬ ꓐꓴ ꓡꓰ 11 ꓙꓵꓹ ꓛꓲ ꓕꓯꓽ ꓐꓯ ꓢꓰꓽ ꓡꓳ꓿
ꓬꓲꓸ ꓚꓰ꓾ Myanmar Fire Services Department