ꓠꓴꓖ ꓡꓰ ꓟꓲꓽ ꓦꓲ ꓢꓯꓼ ꓣꓮꓓꓲꓳ ꓚꓱꓹ ꓗꓪ ꓐꓰ ꓓꓳꓽ ꓐꓯ ꓒꓬꓱ ꓓꓴ ꓥꓳ ꓐꓰ ꓢꓷꓸ ꓙ ꓟꓴ ꓙ ꓩꓴ ꓡ ꓗꓸ ꓠꓯꓸ ꓟꓯꓼ ꓐꓴ ꓡꓰ ꓣꓮꓓꓲꓳ ꓪꓴꓽ ꓢꓴ꓾ ꓪꓴꓻ ꓢꓴ ꓔꓯ ꓘꓶ ꓡꓶꓽ ꓔꓬ꓾ ꓧꓳꓻꓣꓴ ꓔꓬ ꓡꓳ= “ꓟꓲꓸ ꓟꓲ ꓐꓳ-ꓗ-ꓡꓯꓹ ꓙꓲ ꓔꓲꓺ ꓙ ꓖꓴ꓾ ꓖ-ꓟꓳꓹ-ꓑꓪꓰꓼ ꓙꓲꓺ ꓔꓲꓺ 3 ꓝꓸ ꓗꓪ ꓪꓴꓽ ꓔꓬ ꓟ ꓣꓮꓓꓲꓳ ꓮ ꓙꓵꓽ ꓟꓯꓼ ꓐꓴ ꓡꓰ ꓣꓴ ꓔꓯꓹ ꓙꓰ ꓟ ꓔꓯ ꓡꓳꓸ ꓟꓳ ꓗꓷꓳ= ꓙꓲ ꓔꓲꓺ ꓢꓲꓺ ꓒ ꓐꓰ ꓮ ꓡꓲ ꓫꓸ ꓕꓱ ꓢꓲꓸ ꓣꓴ ꓔꓯꓹ ꓙꓰ ꓟ ꓟꓽ ꓢꓷꓸ” ꓐꓰ ꓖꓳ ꓗꓪ ꓙꓲꓺ ꓔꓲ ꓪꓴꓻ ꓢꓴ꓾ ꓟꓬ ꓢꓶꓽ ꓡꓰ ꓡꓳꓸ ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓑꓢꓲ ꓔꓦ ꓚꓱꓹ ꓔꓯ ꓥ ꓟꓲ꓾ ꓟꓯꓼ ꓐꓴ ꓡꓰ ꓕꓲ ꓘꓹ ꓡꓲꓸ ꓕꓲ ꓘꓹ ꓚꓲꓸ ꓚ ꓢꓲꓸ ꓮ ꓙꓵꓽ ꓫꓺ ꓔꓯꓹ ꓙꓰ ꓗꓷ ꓟ ꓥ ꓡꓳ= ꓮ ꓟꓶ ꓠꓴꓖ ꓡꓰ 2021 ꓘꓳꓼ 8 ꓦ 20 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓠꓯꓼ 8ꓹ ꓟꓶ ꓘꓶꓼ 8 ꓙꓵꓹ (ꓕꓲ ꓠꓬꓲ ꓗꓪ 2 ꓧꓪꓹ) ꓕꓲ ꓧꓪꓹ ꓠꓺ ꓡꓲꓺ 30 ꓧꓶ ꓓꓳꓽ ꓐꓯ ꓒꓬꓱꓺ ꓠꓹ ꓟ꓾ ꓬꓲꓸ ꓚꓱꓹ ꓠꓬ ꓢꓪ-16ꓹ ꓟꓧꓜ 17ꓸ71 ꓥ ꓡꓳ ꓐꓰ ꓐꓯ ꓒꓬꓱꓺ ꓩꓴ ꓡ ꓟ ꓗꓪ ꓐꓰ꓾ ꓣꓮꓓꓲꓳ ꓔꓯ ꓕꓱ ꓡꓱ ꓗꓽ ꓡ ꓟ ꓥ ꓡꓳ= ꓧꓶꓸ ꓕꓯ 1988 ꓘꓳꓼ ꓗꓪ ꓥ ꓟꓲ ꓑ ꓫꓬ ꓐꓴ ꓔꓯ ꓟꓬ ꓢꓶꓽ ꓑꓲꓸ꓾ ꓠꓸ ꓑꓳ ꓑꓲꓸ ꓩꓴ ꓠꓹ ꓟ ꓣꓮꓓꓲꓳ꓾ ꓔꓦ꓾ ꓑꓧꓳꓠꓰ ꓮ ꓙꓵꓽ ꓧꓳꓻ ꓣꓴ ꓔꓯꓹ ꓙꓰ ꓡ ꓟ ꓥ ꓡꓳ= ꓧꓶꓸ ꓕꓯꓽ ꓗꓴꓷꓼ ꓫꓵꓽ ꓪꓴ ꓠꓯ ꓞꓲꓹ ꓠꓯ ꓕꓳꓽ ꓟ ꓦꓬꓼ ꓠꓬꓲ ꓗꓪ꓾ ꓦꓳꓮꓹ ꓐꓐꓚꓹ ꓣꓝꓮ ꓠ ꓠꓹ ꓢꓴ ꓐꓴ ꓔꓯ ꓞꓳꓹ ꓡꓴꓽ ꓪ ꓡꓰ ꓢꓴ ꓐꓯ ꓖꓴ ꓟꓽ ꓓ=