ꓬꓥ-ꓖꓳꓥ — ꓔ-ꓔꓱꓸ ꓟꓳ ꓓꓳ ꓜꓶꓽ ꓔꓬ ꓟ ꓞꓳ ꓑꓸ ꓕꓲ ꓣꓳ ꓕꓲ ꓕꓶꓹꓼ ꓡꓱꓸ ꓓꓳꓽ ꓡ ꓢꓲꓸ ꓫꓵꓻꓳ

2021 ꓘꓳꓼ 7 ꓦ 11 ꓠꓬꓲ ꓕꓯ꓾ ꓬꓥ-ꓖꓳꓥ — ꓔ-ꓔꓱꓸ (ꓣ-ꓗꓮꓲ ꓟꓵꓽ ꓗꓪ ꓟ ꓡꓳ ꓒꓱ ꓕꓲ ꓟ) ꓟꓳ ꓓꓳ ꓜꓶꓼ ꓔꓬ ꓟ ꓞꓲꓼ ꓪꓴꓽ ꓢꓴ ꓞꓳ ꓑꓸ ꓕꓲ ꓣꓳ ꓕꓲ ꓕꓶꓹꓼ ꓡꓱꓸ ꓓꓳꓽ ꓡ ꓢꓲꓸ ꓫꓵꓻ ꓡ ꓠꓬꓲ꓾ ꓬꓲꓸ ꓫꓵꓻ ꓟꓳ ꓔꓯ ꓚꓲꓸ ꓚ ꓠꓬꓲ ꓕꓯ ꓚꓳꓦꓲꓓ-19 ꓧꓪ ꓟꓶ ꓡꓰꓳ=ꓕꓱ ꓟ ꓑꓶꓸ ꓓꓴ ꓖꓳ ꓟꓳ ꓓꓳ ꓗꓪ ꓜꓶꓽ ꓡ ꓢꓴ ꓮ ꓙꓵꓽ ꓔꓯ ꓡꓴꓽ ꓔꓶꓸ (Quarantine Centre) ꓗꓪ ꓕꓲ ꓑꓹ ꓤꓼ ꓡꓴꓽ ꓔꓸ ꓢꓲ꓾ Covid-19 ꓠꓻ ꓚꓹ ꓓꓴ ꓥꓳ ꓐꓯ ꓡꓳ= ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ-19 ꓠꓻ ꓚꓲꓸ ꓜꓳ ꓡꓰ ꓢꓴ ꓐꓰ ꓫꓵꓻ ꓢꓴ ꓐꓯ ꓖꓴ ꓟꓽ ꓓ ꓕꓲ ꓠꓬꓲ ꓡꓲꓸ ꓕꓲ ꓠꓬꓲ ꓟꓬꓽ ꓡ ꓔꓬ ꓡꓳ= ꓚꓲ ꓛꓬ ꓔꓱꓹ ꓚꓲ ꓛꓬ ꓠꓻ ꓙꓳ ꓢꓴ ꓥꓳ ꓐꓰ ꓟꓽ ꓢꓷꓸ ꓢꓰ ꓢꓴ ꓮ ꓟꓬꓹ ꓥ ꓟꓲ ꓓꓵꓽ ꓓꓳ ꓚꓳ ꓔꓬ ꓟ ꓑꓶꓸ ꓓꓴ ꓠꓻ ꓐꓶꓽ ꓓꓲ (ꓦꓲꓣꓴꓢ) ꓠꓬ꓾ ꓡ ꓞꓳ ꓮ ꓟꓬꓹ ꓔꓯ ꓚꓲꓸ ꓙꓰ ꓔꓬ ꓖꓴꓳ ꓐꓰ꓾ ꓠꓯ ꓞꓲꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=