ꓧꓶꓽ ꓗꓴꓷꓼ ꓪꓴꓸ ꓓꓵ ꓫꓵ-ꓚꓰ-ꓒꓲꓽ ꓔꓯ ꓙꓵꓽ ꓪ ꓗꓪ ꓐꓰ ꓣꓴ ꓞꓰ ꓩꓴ ꓢꓲꓸ ꓦꓲ ꓗꓪ ꓡꓴꓽ ꓔꓸ ꓡꓳ ꓐꓰ ꓬꓲꓸ ꓓꓳꓽ ꓓꓳ ꓑ ꓙ ꓡꓳ ꓐꓰ Jennifer Zeng ꓡꓰ Twitter ꓗꓪ ꓐꓳ ꓔꓸ ꓡꓳ꓿
ꓧꓶꓽ ꓗꓴꓷꓼ ꓪꓴꓸ ꓓꓵ ꓔꓯ ꓟꓽ ꓠꓲꓹ ꓫꓵ ꓢꓴ ꓙꓳ ꓢꓲ꓾ ꓑ ꓫꓬ ꓡꓲꓹ ꓙꓰ ꓟꓶ ꓠꓹ ꓟ ꓟꓯꓼ (ꓑꓡꓮ) ꓡꓰ ꓙꓵꓽ ꓪ ꓣꓴˍ ꓟ ꓥ ꓡꓲꓸ ꓟꓽ ꓢꓷꓸ ꓐꓰ ꓢꓪꓼ ꓔꓬ ꓡꓳ꓿
ꓑꓡꓮ ꓟꓯꓼ ꓐꓴ ꓑꓯ-ꓚꓰ ꓗꓪ ꓓꓵꓽ ꓡ ꓔꓬ ꓟˍ ꓐꓰ꓾ ꓧꓶꓽ ꓗꓴꓷꓼ ꓘꓴꓽ ꓗꓪ ꓙꓰ ꓙꓰ ꓡꓽ ꓡ ꓬꓰ ꓔꓬ ꓟ ꓙꓱ ꓦꓲ ꓚꓱꓹ 60% ꓔꓯ ꓬꓲꓸ ꓑꓶꓸ ꓟꓽ ꓙꓳ ꓙꓳ ꓑꓲꓸ ꓩꓴ ꓗꓷ ꓡ ꓟ ꓑꓶꓸ ꓓꓴ ꓑ ꓫꓬ ꓐꓴ ꓓꓵꓽ ꓙ ꓟꓬꓽ ꓓꓴ ꓙꓳ ꓡ ꓡꓳ꓿
ꓝꓮꓲ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓧꓶꓽ ꓗꓴꓷꓼ ꓝꓲ ꓓꓴ ꓓꓽ ꓟ ꓪ-ꓬꓲꓼ ꓡꓰ꓾ ꓮ ꓕꓽ ꓟꓽ ꓚꓰꓼ ꓬꓴ-ꓗ-ꓣꓲꓸ ꓕꓲꓽ ꓒꓳꓹ ꓗꓪ ꓦꓰꓼ ꓓꓴ꓾ ꓠꓯ-ꓔꓳꓸ ꓔꓯ ꓪꓽ ꓓꓴ ꓐꓯ ꓘꓶꓽ ꓕꓱ ꓩꓴ ꓡ ꓠꓬꓲ ꓬꓲꓸ ꓠꓬ ꓙꓵꓽ ꓪ ꓦꓴˍ ꓟ ꓔꓯ ꓢꓷꓸ ꓔꓬ ꓟ ꓥ ꓡ? ꓐꓰ ꓢꓰꓸ ꓮ ꓢꓸ ꓔꓬ ꓡꓳ꓿
ꓚꓵ ꓚꓵ ꓙꓵꓽ ꓪ ꓦꓴˍ ꓟ ꓙꓳ ꓡ ꓠꓬ꓾ ꓟꓲ ꓠꓯ ꓗꓪ ꓗꓴꓷꓼ ꓙꓰ ꓚꓱꓹ ꓐꓰ ꓓꓵꓽ ꓙ ꓚꓱꓹ ꓬꓲ ꓫꓵꓼ ꓝꓰꓸ ꓙꓰ ꓡ ꓓꓴ ꓙꓳˍ ꓥꓳ ꓐꓰ ꓢꓪꓼ ꓢꓴ ꓐꓴ ꓥꓳ ꓡꓳꓸ ꓔꓬ ꓡꓳ꓿