2022 ꓘꓑꓼ 5 ꓦ 14 ꓠꓬꓲ꓾ ꓟꓳꓼ ꓡꓳ ꓕꓲ ꓒꓳꓹ ꓗꓪ꓾ ꓴꓢꓮ꓾ ꓐ-ꓩꓴ-ꓡꓳ ꓡꓳ ꓒꓱ ꓗꓪ ꓫꓵꓽ ꓒꓯꓽ ꓢꓴ ꓕꓲ ꓣꓳ ꓡꓰꓽ ꓙꓲꓺ ꓔꓲꓺ ꓓꓽ ꓟ ꓕꓲ ꓟ ꓗꓪ ꓓꓵꓽ ꓡ ꓢꓲꓸ ꓡ ꓛꓴꓸ ꓐꓶ ꓡ ꓟ ꓑꓶꓸ ꓓꓴ ꓡ ꓞꓳ 10 ꓣꓳ ꓐꓶ ꓢꓰꓼꓳ꓾ ꓐꓯ ꓡꓳ꓿
ꓡ ꓛꓴꓸ ꓐꓶ ꓢꓴ ꓠꓬ 18 ꓘꓳꓼ ꓙꓳˍ ꓟ ꓞꓳ ꓒꓴ ꓒꓽ Payton Gendron ꓥ ꓢꓲ꓾ ꓟꓯꓼ ꓐꓴ ꓡꓰ ꓣꓴ ꓕꓲꓺ ꓡꓰꓳ꓿
“ꓠꓲꓹ ꓜꓳ ꓟ ꓗꓪ ꓐꓰ ꓝꓴꓲꓸ ꓬꓰ ꓓꓳ ꓡˍ ꓟ ꓐꓰ꓾ ꓜꓲ ꓜꓲ ꓑꓰꓹ ꓑꓰꓹ ꓬꓰˍ ꓟ ꓝꓴꓲꓸ ꓔꓯ ꓚꓲꓸ ꓚ ꓔꓬ ꓡꓳ” ꓐꓰ ꓐ-ꓩ-ꓡꓳ ꓡꓳ ꓒꓱ ꓝꓐꓲ ꓙꓵꓽ ꓢꓴ Stephen Belongia ꓡꓰꓽ ꓐꓯˍ ꓡꓳ꓿
“ꓬꓲꓸ ꓠꓽ ꓟꓯꓼ ꓒꓽ ꓕꓲ ꓣꓳˍ ꓡꓰ ꓐꓰ ꓖꓪꓽ ꓔꓸ ꓢꓲꓸ ꓙꓲ ꓔꓲꓺ ꓗꓪ ꓓꓵꓽ ꓙꓰˍ ꓢꓲꓸ ꓮ ꓡꓻ 70 ꓕꓷꓹ ꓛꓲ ꓐꓶ ꓩꓴ ꓡꓻꓳ꓿ ꓠꓽ ꓛꓳꓼ ꓠꓬꓲ꓾ ꓢꓲꓺ ꓒꓽ ꓦꓬꓼ ꓠꓬꓲ ꓗꓪ ꓠꓽ ꓙꓲꓺ ꓔꓲꓺ ꓪꓴꓻ ꓢꓴ ꓒ ꓐꓲ ꓔꓸ ꓟ ꓗꓪ” ꓐꓰ ꓖꓳ ꓗꓪ ꓡꓳꓸ ꓟꓳ ꓢꓴ Grady Lewis ꓡꓰ ꓐꓯ ꓡꓳ꓿
ꓔꓴꓢꓮ ꓙꓵꓽ ꓢꓴ ꓙꓳꓹ-ꓐ-ꓓꓲ ꓡꓰ꓾ ꓫꓵꓽ ꓒꓯꓽ ꓢꓴ ꓑꓶꓸ ꓓꓴ ꓫꓵꓻ ꓢꓴ ꓐꓴ ꓫꓵꓼ ꓤ ꓪꓳꓼ ꓤ ꓐꓴ ꓐꓱ ꓶ ꓪ ꓘꓴ ꓙ ꓟ ꓐꓰ꓾ ꓠꓲꓹ ꓗꓴ ꓟꓬ ꓗꓴ ꓘꓶꓽ ꓕꓱˍ ꓡꓳ꓿ ꓕꓱ ꓟ ꓠꓬ ꓠꓲꓹ ꓜꓳ ꓠꓯˍ ꓡꓳ ꓫꓵꓽ ꓥ ꓡꓳ ꓐꓯ ꓡꓳ꓿
“ꓞꓳ ꓫꓵꓽ ꓑꓶꓸ ꓓꓴ ꓠꓲꓹ ꓜꓳˍ ꓟ꓾ ꓠꓲꓹ ꓜꓳ ꓢꓲꓸ ꓜꓲꓽ ꓜꓲ ꓑꓰꓹ ꓑꓰꓹ ꓝꓴꓲꓸ ꓬꓰˍ ꓟ ꓠꓽ ꓡꓰ ꓠꓹ ꓟ ꓬꓰ ꓐ ꓡ ꓟ ꓮ ꓙꓵꓽ ꓬꓰ ꓓꓴ ꓥꓳ” ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓙꓳꓹ-ꓐ-ꓓꓲ ꓡꓰ ꓐꓯ ꓡꓳ꓿ ꓬꓲꓸ ꓚꓰ꓾ BBC, BigDawg, Reuters