ꓟꓬ-ꓟ ꓗꓴꓷꓼ ꓗꓪ 1948 ꓘꓳꓼ ꓕ ꓑꓳꓸ ꓢꓷꓸ ꓒ ꓗꓴꓸ ꓒꓽ꓾ ꓗꓴꓷꓼ ꓙꓵꓽ ꓢꓴ꓾ ꓟꓬꓱꓺ ꓓꓳꓽ ꓙꓳ ꓢꓴ ꓐꓴ ꓗꓪ ꓐꓰ ꓫꓵꓻ ꓢꓴ ꓢꓯꓸ ꓢꓴ ꓮ ꓙꓵꓽ (180) ꓣꓳ ꓔꓯ ꓟꓬꓱ ꓓꓳꓽ ꓙꓵꓽ ꓪꓴꓸ ꓛꓴꓽ ꓖꓶꓽ ꓗꓷꓳ ꓐꓰ 2022 ꓘꓳꓼ 4 ꓦ 17 ꓠꓬꓲ ꓕꓯꓽ ꓟꓯꓼ ꓗꓳ-ꓢꓰ ꓡꓰꓽ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓗꓴꓷꓼ ꓙꓵꓽ ꓢꓴ ꓬꓰ ꓗꓷ ꓢꓴ ꓳ-ꓠꓴꓼ ꓗꓪ ꓐꓰ ꓕ ꓑꓳꓸ ꓟꓸ ꓒꓽ ꓜ-ꓐꓪꓯꓹ-ꓙꓳꓽ ꓐꓴ꓾ ꓟꓯꓼ ꓜꓴ ꓧꓳꓽ ꓢꓴ ꓐꓴ ꓔꓯ ꓖꓶꓽ ꓔꓸ ꓟ ꓥ ꓡꓳ꓿
ꓗꓴꓷꓼ ꓙꓵꓽ ꓢꓴ ꓬꓲꓸ ꓡꓵꓺ ꓥ ꓟ ꓳ-ꓠꓴꓼ꓾ ꓢꓸ-ꓬꓴꓼ꓾ ꓢꓳꓸ-ꓟꓮꓳꓽ ꓕꓱ ꓫꓵꓻ ꓖꓴ ꓢꓴ 3 ꓣꓳ ꓔꓯ ꓠꓬ ꓟꓴ ꓡꓳꓹ ꓬꓰ ꓟ ꓟꓬꓱ ꓓꓳ ꓙꓵꓽ ꓪꓴꓸ ꓛꓴ ꓖꓶ ꓔꓸ ꓡꓳ꓿ ꓟꓯꓼ ꓗꓳ-ꓢꓰ ꓧꓳꓽ ꓢꓴ ꓟꓰꓹ-ꓮꓳꓽ-ꓡꓮꓲꓽ ꓬꓲꓸ ꓚꓲꓸ ꓛꓬ ꓥ ꓟꓲ ꓠ ꓐꓼ 2 ꓟꓴ ꓡꓳꓹ ꓬꓰˍ ꓟ ꓙꓵꓽ ꓪꓴꓸ ꓛꓴꓽ ꓖꓶꓽ ꓔꓸ ꓡꓳ꓿ ꓬꓲꓸ ꓟꓸ ꓒꓽ ꓥˍ ꓟ ꓟꓯꓼ ꓜꓲꓽ ꓡꓵꓺ ꓔ-ꓫꓱꓽ ꓔꓯ ꓠꓬ ꓠ ꓐꓼ 3 ꓕꓲ ꓙꓶ ꓙꓵꓽ ꓪꓴꓸ ꓛꓴꓽ ꓖꓶ ꓔꓸ ꓡꓳ꓿