ꓫꓵꓻ ꓝꓴꓲꓸ ꓬꓲꓸ ꓧꓪꓹ ꓟꓽ ꓗꓹ ꓟꓶ ꓙꓲꓽ ꓙꓳ ꓢꓴ ꓥꓳ꓾ ꓜꓳ-ꓟꓰꓹ-ꓕꓴꓸ

ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓢꓯꓼ ꓕꓵꓼ ꓢꓴ ꓙꓲ-ꓟꓲ ꓐꓰ꓾ ꓒꓬꓳꓸ-ꓜꓯ-ꓬ-ꓔꓳ ꓐꓴ ꓠꓬ ꓫꓵꓻ ꓝꓴꓲꓸ ꓬꓲꓸ ꓧꓪꓹ ꓟꓽ ꓗꓹ ꓟꓶ ꓙꓲꓽ ꓙꓳˍ ꓡꓳ꓾ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 26 ꓠꓬꓲ꓾ ꓠꓯ-ꓑꓲ-ꓓꓳ ꓫꓵꓽ ꓓꓳꓽ ꓚꓺ ꓟꓸ ꓖꓴ ꓗꓪ ꓐꓰ ꓟꓬ-ꓟ ꓟꓯꓼ ꓗꓳ-ꓢꓰ ꓐꓱ ꓶ ꓫꓸ ꓕꓱ ꓢꓴ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓩꓴ ꓡ ꓡꓳ꓿

“ꓬꓲꓸ ꓪ ꓬꓰ ꓗꓷ ꓟ ꓝꓴꓲꓸ ꓠꓬ ꓠꓱꓸ ꓐꓯꓼ ꓫꓵꓻ ꓝꓴꓲꓸ ꓖꓶꓽ ꓔꓸ ꓟ ꓫꓵꓽ ꓪꓴꓻ ꓐꓴ ꓔꓯ ꓔꓯꓺ ꓠꓬꓲ ꓠꓬ꓾ ꓫꓵꓻ ꓝꓴꓲꓸ ꓬꓲꓸ ꓧꓪꓹ ꓟꓽ ꓗꓹ ꓟꓶ ꓙꓲꓽ ꓙꓳ ꓢꓴ ꓥꓳ꓾” ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓡꓳ꓿

ꓖꓳ ꓟ ꓑꓶꓸ ꓓꓴ ꓬꓲꓸ ꓪ ꓓꓰꓽ ꓘꓶꓽ꓾ ꓖꓶ ꓬꓲꓽ ꓘꓶꓽ ꓮ ꓙꓵꓽ ꓔꓯ ꓟꓽ ꓘꓳ ꓣꓴ ꓗꓷ ꓟ ꓥ ꓡꓳ꓿

ꓮ ꓡꓲ ꓕꓲ ꓦꓬꓼ ꓮ ꓡꓲ ꓢꓰꓼ ꓗꓷ ꓟˍ ꓐꓰ ꓞꓳ ꓫꓵꓻ ꓟꓳꓻ ꓔꓯˍ ꓟꓲ ꓟꓽ ꓡꓲꓸ ꓖꓶꓽ ꓡ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓬꓲꓸ ꓐꓽ ꓗꓪ ꓐꓰ ꓜꓳ ꓡˍ ꓟ ꓓꓳꓽ ꓠꓬ꓾ 2022 ꓘꓳꓼ 7 ꓦ 23 ꓠꓬꓲ ꓛꓳꓼ ꓠꓬꓲ ꓠꓯꓼ ꓠꓯꓼ 4 ꓙꓵꓹ ꓕꓯꓽ ꓢꓰꓼ ꓩꓴꓳ ꓐꓯˍ ꓡꓳ꓿

ꓑ ꓫꓬ ꓐꓱ ꓶ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓕꓱ ꓡꓱ ꓢꓰꓼ ꓗꓷˍ ꓠꓬꓲ꓾ ꓕꓲꓽ ꓟꓲ ꓠꓯ ꓗꓪ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓟꓬ-ꓟ ꓟꓯꓼ ꓗꓳ-ꓢꓰ ꓔꓯ ꓠꓲꓹ ꓐꓶꓺ ꓠꓲꓹ ꓢꓲꓼ ꓔꓬ ꓡꓳ꓿