ꓞꓳ ꓤ ꓠꓰ ꓫꓵꓸ ꓟꓽ ꓛꓲ ꓟ ꓞꓽ ꓒꓳꓽ

ꓟꓲ ꓠꓯ ꓗꓪ ꓬꓲꓸ ꓪꓴꓸ ꓚꓰꓼ ꓓꓳ ꓡ ꓟ꓾ ꓫꓵꓸ ꓢꓴ ꓡ ꓞꓳ ꓟꓽ ꓙꓳ ꓙꓳ ꓬꓲꓸ ꓔꓱꓹ ꓬꓲꓸ ꓫꓵꓸ ꓙꓰ ꓗꓴꓸ ꓟ꓾ ꓶ ꓤ ꓗꓶꓺ ꓓꓵꓽ/ꓣꓴ ꓓꓳ ꓗꓴꓸ ꓟ ꓞꓽ ꓒꓳꓽ ꓔꓯ 2021 ꓘꓳꓼ ꓟꓶ ꓞꓴꓽ ꓙꓬ ꓝꓲꓸ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓠꓳ-ꓪꓯꓽ ꓗꓴꓷꓼ ꓗꓪ ꓟꓬꓱꓽ ꓬꓰ ꓪꓴꓸ ꓔꓴ ꓝꓲ ꓓꓴ ꓙ ꓖꓶ ꓔꓬ ꓡꓳ꓿

ꓐꓯ-ꓕ-ꓣꓲ ꓮ ꓔꓳꓸ ꓢꓯꓼ ꓗꓪ ꓐꓰ ꓟꓬꓱꓽ ꓬꓰ ꓟ ꓞꓽ ꓒꓳꓽ (Battery-powered Autonomous Container Ship)   ꓥ ꓢꓲ꓾ ꓬꓲ ꓟꓬꓱꓺ ꓠꓬ꓾ MV Yara Birkeland ꓟꓬꓱꓺ ꓖꓶ ꓔ ꓟ꓾ ꓟꓲ ꓠꓯ ꓗꓪ ꓬꓲꓸ ꓪꓴꓸ ꓕꓲ ꓫꓵꓽ ꓫꓬꓹ ꓒꓬꓱꓼ ꓡ ꓟ ꓞꓽ ꓒꓳꓽ ꓥ ꓡꓳ꓿

ꓞꓽ ꓒꓳꓽ MV Yara Birkeland ꓬꓲꓸ ꓖꓳ ꓓꓱꓽ ꓔꓯ ꓣꓳ-ꓟꓯ-ꓠꓲ-ꓬ ꓗꓴꓷꓼ (Romania) ꓗꓪ ꓟ ꓞꓽ ꓒꓳꓽ ꓜꓯ ꓔꓶꓸ Vard Braila Shipyard ꓗꓪ 2017 ꓘꓳꓼ ꓕꓯ ꓜꓯꓻ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓙꓼ ꓶ ꓤ ꓢꓷꓸ ꓠꓲꓹ ꓔꓯ ꓟꓳꓸ ꓠꓬ꓾ Kongsberg Maritime ꓡꓰ ꓚꓰꓼ ꓜꓯ ꓡꓳ꓿ ꓐꓯ-ꓕ-ꓣꓲ ꓢꓯꓼ ꓠꓬ꓾ Leclanché SA of Switzerland ꓗꓪ ꓐꓰ ꓚꓰꓼ ꓔ ꓟ ꓥ ꓡꓳ꓿ ꓮ ꓔꓳꓸ ꓟꓴꓽ ꓘꓴꓽ ꓟꓽ ꓓꓳ ꓟ ꓞꓽ ꓒꓳ ꓥ ꓠꓬꓲ꓾ ꓟꓵꓽ ꓐꓰ ꓢꓲꓹ ꓜꓲ ꓡꓳ ꓜꓲ ꓐꓱ ꓶ ꓙꓲ ꓣꓴ ꓓꓴ ꓟꓽ ꓙꓳ ꓟ ꓥ ꓡꓳ꓿

ꓞꓽ ꓒꓳ ꓬꓲꓸ ꓫꓵꓼ ꓕꓲ ꓫꓵ ꓕꓱ ꓟ ꓡꓰ ꓠꓳ-ꓪꓯ ꓗꓴꓷꓼ Herøya ꓡꓳ ꓒꓱ ꓐꓰ Brevik ꓡꓳ ꓒꓱ ꓠꓬꓲꓽ ꓗꓴꓸ ꓚꓸ ꓗꓪ ꓠꓻ ꓡꓲ 7 ꓙꓵꓹ ꓬꓲ ꓙꓬ ꓙ ꓖꓴ ꓗꓪ ꓙꓰ ꓙꓰ ꓡꓽ ꓡꓽ ꓶ ꓤ ꓚꓰꓹ ꓦ ꓖꓶ ꓓꓴ ꓥꓳ ꓐꓯ ꓡꓳ꓿

ꓶ ꓤ ꓚꓰꓹ ꓓꓵꓽ ꓟ꓾ ꓞꓽ ꓒꓳꓽ ꓫꓵꓸ ꓟ꓾ ꓶ ꓤ ꓚꓰꓹ ꓓꓳ ꓟ ꓮ ꓙꓵꓽ ꓗꓪ ꓡ ꓞꓳ ꓣꓱꓽ ꓟꓽ ꓬꓯꓼ ꓟ ꓞꓽ ꓒꓳ ꓥ ꓡꓳ꓿

“ꓮ ꓟꓶ ꓞꓽ ꓒꓳꓽ ꓫꓵꓸ ꓢꓴ꓾ ꓟꓬꓱꓽ ꓬꓰ ꓢꓴ ꓐꓴ ꓟꓬꓱꓽ ꓟꓽ ꓙꓳ ꓬꓰ ꓡ ꓟ ꓔꓯ ꓙ ꓫꓸ ꓟꓽ ꓛꓲ ꓢꓰ꓿ ꓕꓱ ꓡꓱꓳ ꓫꓵ ꓞꓽ ꓒꓳꓽ ꓮ ꓙꓵ ꓢꓴ ꓣꓱꓽ ꓪ ꓠꓹ ꓟ ꓠꓬ ꓡ ꓠꓹ ꓟ 20-30 ꓘꓳꓼ ꓗꓪ ꓛꓲ ꓬꓲ ꓙꓵꓹ ꓣꓴ ꓡ ꓢꓰꓽ ꓥꓳ” ꓐꓰ ꓢꓷ ꓠꓲꓹ ꓙꓳ ꓒ ꓐꓴ ꓡꓰ ꓢꓪꓼ ꓩꓴ ꓡ ꓡꓳ꓿