ꓙ-ꓑ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓬꓲꓸ ꓡꓵꓺ ꓫꓲ-ꓜꓳ ꓮ-ꓐꓯꓹ (Sinzo Abe) ꓔꓯ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 8 ꓠꓬꓲ ꓕꓯꓽ ꓠꓲꓹ ꓟ ꓗꓪ ꓡ ꓛꓴꓸ ꓐꓶ ꓜꓯꓼ ꓬꓰ ꓢꓲꓸ ꓫꓵꓻꓳ꓿
ꓞꓳ ꓜꓲꓼ ꓪꓽ ꓜꓲꓼ ꓗꓴꓷꓼ ꓙꓵꓽ ꓢꓴ ꓢꓲꓻ ꓣꓴ ꓚꓱꓹ ꓟꓸ ꓟꓲꓽ ꓚ ꓔꓬ ꓟ ꓗꓪ꓾ ꓡ ꓛꓴꓸ ꓐꓶ ꓒꓽ ꓕꓲ ꓣꓳ ꓠꓰ ꓫꓲ-ꓜꓳ ꓮ-ꓐꓯꓹ ꓔꓯꓸ ꓐꓶ ꓓꓳꓽ ꓩꓴ ꓡ ꓢꓲ ꓫꓵꓻ ꓟ ꓥ ꓡꓳ꓿ ꓳ’ ꓟꓶꓽ ꓗꓪ ꓕꓲꓽ ꓕꓶꓹ꓾ ꓡꓯ ꓐꓲ ꓒ ꓕꓲ ꓗꓪ ꓕꓲꓽ ꓕꓶꓹ ꓐꓶ ꓜꓯꓼ ꓔꓸ ꓡꓳ
ꓡ ꓞꓳ ꓐꓶ ꓒꓽ ꓠꓬ 40 ꓘꓳꓼ ꓛꓲ ꓡꓳꓼ ꓢꓴ ꓬ-ꓟ-ꓖ-ꓟꓲ ꓔꓯ-ꓢꓴ-ꓬ (Yamagami Tetsuya) ꓥ ꓢꓲꓸ ꓬꓲꓸ ꓔꓯ ꓥ ꓟꓲ ꓣꓴ ꓟꓶ ꓔꓸ ꓡꓳ꓿
ꓫꓲ-ꓜꓳ ꓮ-ꓐꓯꓹ ꓕꓲ ꓣꓳ ꓙ-ꓑ ꓗꓴꓷꓼ ꓟꓬꓱꓽ ꓢꓲꓺ ꓬꓰˍ ꓟ ꓠꓬ 2006-2007 ꓐꓰ꓾ 2012-2020 ꓥ ꓢꓲ꓾ ꓙ-ꓑ ꓗꓴꓷꓼ ꓚꓺ ꓟꓲꓽ ꓗꓪ ꓠꓱꓸ ꓐꓯꓼ ꓗꓴꓷꓼ ꓧꓳꓽ ꓪꓴꓸ ꓟꓴ ꓢꓴ ꓮ ꓡꓲ ꓕꓲ ꓣꓳ ꓕꓯꓽ ꓢꓲ ꓥ ꓟꓲ ꓬꓲꓸ ꓘꓳꓼ ꓮ ꓟꓬꓹ ꓘꓳꓼ ꓟꓬꓱꓽ ꓢꓲꓺ ꓓꓽ ꓟ ꓬꓰ ꓗꓳꓸ ꓡ ꓢꓴ ꓕꓲꓽ ꓣꓳ ꓥ ꓡꓳ꓿
ꓫꓲ-ꓜꓳ ꓮ-ꓐꓯꓹ ꓠꓬ꓾ 1954 ꓘꓳꓼ 9 ꓦ 21 ꓠꓬꓲ ꓕꓯꓽ ꓦꓵ ꓔꓸ ꓢꓴ ꓥ ꓠꓬꓲ꓾ ꓠꓬꓲꓸ ꓠꓬꓲ ꓬꓲꓸ ꓫꓵꓻ ꓕꓯꓽ (67) ꓘꓳꓼ ꓙꓳ ꓡꓳ꓿