ꓗ-ꓣꓲ ꓟꓵꓽ ꓫꓴ꓾ ꓟꓬꓮꓼ-ꓪ-ꓓꓲ ꓡꓳ ꓒꓱ ꓗꓪ ꓧꓶꓽ ꓒꓽ ꓐꓴ ꓡꓰ ꓫꓬꓹ ꓜꓶ ꓔꓬ ꓟ ꓫꓱ-ꓗꓳꓼ-ꓗꓳ (Shwe Kokko China town) ꓶ ꓡꓯꓼ ꓡꓳ ꓒꓱ ꓠꓯꓸꓼ ꓗꓪ ꓚꓳꓦꓲꓓ-19 ꓠꓻ ꓓꓱꓽ ꓜꓳ ꓡꓰ ꓢꓴ 100 ꓣꓳ ꓟꓽ ꓞꓲ ꓙꓳ ꓡ ꓠꓬꓲ꓾ ꓖꓳ ꓕꓲ ꓡꓳ ꓒꓱ ꓗꓪ ꓙꓰ ꓙꓰ ꓡꓽ ꓡꓽ ꓬꓰ ꓟꓽ ꓓ ꓐꓰ ꓕꓵꓼ ꓪ ꓓꓳ ꓗꓷꓳ=
“ꓚꓳꓦꓲꓓ-19 ꓠꓻ ꓫꓵꓽ ꓙꓳ ꓢꓴ ꓧꓪ ꓟꓳ ꓓꓴ ꓟ ꓠꓽ ꓠꓲ ꓚꓽ ꓥ= ꓬꓲꓸ ꓐꓽ ꓗꓪ ꓐꓰ ꓡ ꓠꓲꓹ ꓫꓵ ꓢꓴ ꓠꓬ 14 ꓦꓬꓼ ꓠꓻ ꓚꓹ ꓓꓳ ꓡꓰ ꓢꓲꓸ ꓠꓻ ꓟꓽ ꓙꓳ ꓟ ꓚꓽ ꓡꓰ ꓕꓯ ꓓꓵꓽ ꓓꓳ ꓪ ꓓ ꓥꓳ” ꓐꓰ ꓡꓳ ꓒꓱ ꓫꓬꓹ ꓜꓶ ꓟ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓟ ꓢꓳꓸ-ꓟꓰꓹ-ꓟꓰꓹ-ꓳꓸ ꓡꓰ ꓐꓯ ꓡꓳ=
ꓮ ꓟꓶ ꓠꓻ ꓙꓳ/ ꓟꓽ ꓙꓳ ꓚꓹ ꓠꓬꓲ ꓠꓹ ꓟ ꓐꓱ ꓶ ꓕꓮꓲ ꓒꓴ 800 ꓐꓼ (ꓟꓬ-ꓟ ꓒꓴ 40000 ꓒꓯꓼ) ꓛꓲ ꓖꓶꓽ ꓠ ꓗ ꓡꓳ ꓐꓰ ꓖꓳ ꓗꓪ ꓔꓬ ꓢꓴ ꓐꓴ ꓡꓰ ꓢꓷꓸ ꓖꓶ ꓡ ꓡꓳ=