ꓫꓮꓳ-ꓔ-ꓠꓯ~ ꓠꓴꓖ ꓒꓵꓽ ꓶ ꓔꓯ ꓟꓳꓸ ꓚꓴ ꓬꓲꓹ ꓖꓶ ꓢꓴ

ꓳ-ꓢꓲ-ꓔꓯ-ꓡꓲ-ꓬ ꓒꓽ ꓫꓮꓳ-ꓔ-ꓠꓯ ꓔꓯ ꓠꓴꓖ ꓒꓵꓽ ꓶ ꓔꓯ ꓟꓳꓸ ꓚꓴ ꓬꓲꓹ ꓖꓶ ꓢꓴ ꓟꓬꓱꓽ ꓖꓶ ꓗꓷꓳ ꓐꓰ 2023 ꓘꓳꓼ 6 ꓦ 13 ꓠꓬꓲ ꓕꓯ ꓠꓴꓖ ꓡꓰ ꓢꓷꓸ ꓙ ꓟꓴ ꓙ ꓡꓳ꓿

ꓫꓮꓳ-ꓔ-ꓠꓯ ꓠꓬ ꓧꓶꓸ ꓕꓯ ꓮꓳ-ꓢ-ꓢꓴ-ꓚꓰ ꓔꓯ ꓚꓴ ꓬꓲꓹ ꓖꓶ ꓢꓴ ꓥ ꓢꓲ꓾ ꓕꓳ ꓦꓲ ꓗꓪ ꓡꓴꓽ ꓬꓰ ꓗꓸ ꓠꓯꓸ ꓡꓲꓹ ꓩꓴ ꓡ ꓢꓴ ꓥꓳ꓿

ꓠꓴꓖ ꓠꓬ Spring Development Bank ꓐꓯˍ ꓟ ꓒꓴ ꓞꓳꓽ ꓦꓲ ꓕꓲ ꓟ ꓪꓴꓸ ꓔꓴ ꓔꓳꓼ ꓥ꓾ ꓐꓰ ꓢꓲꓽ ꓒ ꓔꓲ-ꓕꓴꓸ-ꓠꓮꓲꓽ ꓡꓰ ꓐꓯ ꓡꓳ꓿

ꓟꓴ-ꓟ ꓟꓯꓼ ꓒꓴ ꓓꓵꓽ ꓚꓱꓹ ꓔꓯ ꓓꓶꓺ ꓞꓰꓹ ꓠꓹ ꓟ꓾ ꓴꓢꓮ ꓗꓪ ꓫꓺ ꓔꓸ ꓟ ꓟꓬ-ꓟ ꓗꓴꓷꓼ ꓒꓴ ꓡꓲꓸ ꓪ ꓠꓹ ꓟ ꓢꓯꓼ ꓕꓵꓼ ꓟ ꓗꓪ ꓫꓮꓳ-ꓔ-ꓠꓯ ꓬꓰ ꓙ ꓐ ꓡ ꓠꓬꓲ ꓬꓲꓸ ꓔꓯ ꓟꓬꓱꓽ ꓖꓶ ꓔꓸ ꓡꓳ꓾ ꓐꓰ ꓢꓲꓽ ꓒ ꓔꓲ-ꓕꓴꓸ-ꓠꓮꓲꓽ ꓡꓰ ꓐꓯ ꓡꓳ꓿