ꓠꓡꓓ ꓗꓴꓷꓼ ꓙꓵꓽ ꓜꓴ ꓔꓯ ꓶ ꓡꓯꓼ ꓚꓱꓹ ꓚꓴ ꓬꓲꓹ ꓖꓶꓽ ꓢꓴ꓾ ꓮꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓡ ꓞꓳ ꓫꓮꓳ-ꓔ-ꓠꓯ ꓐꓰ ꓠꓱꓸ ꓐꓯꓼ 4 ꓣꓳ ꓔꓯ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓡ꓾ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓗꓷꓳ ꓐꓰ꓾ ꓐꓰ ꓟꓯꓼ ꓗꓳ-ꓢꓰ ꓡꓰ ꓢꓽ ꓙ ꓟꓴ ꓙ ꓔꓸ ꓡꓳ꓿
ꓶ ꓡꓯꓼ ꓚꓱꓹ ꓢꓷꓸ ꓠꓲꓹ ꓙꓳ ꓒꓽ ꓫꓮꓳ-ꓔ-ꓠꓯ ꓔꓯ 2021 ꓘꓳꓼ 2 ꓦ 1 ꓠꓬꓲ ꓕꓯˍ ꓡꓰ ꓣꓴ ꓡꓴꓽ ꓔꓸ ꓢꓲꓸ ꓟꓲꓸ ꓟꓲ 2022 ꓘꓳꓼ 11 ꓦ 17 ꓠꓬꓲ ꓕꓯꓽ ꓡꓲꓹ ꓩꓴ ꓡ꓾ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓗꓷ ꓟ ꓥ ꓡꓳ꓿
ꓝꓮꓲ ꓬꓲꓸ ꓐꓰ ꓕꓲꓽ ꓛꓳ ꓡꓲꓹ ꓡ ꓢꓴ ꓐꓴ ꓐꓶꓽ ꓗꓴꓷꓼ ꓡ ꓞꓳ 3 ꓣꓳ ꓠꓬ꓾ ꓐꓲ-ꓔꓲ ꓗꓴꓷꓼ ꓡ ꓞꓳ ꓪꓰ-ꓗꓲ-ꓐꓳꓹ-ꓟꓯꓹ꓾ ꓙ-ꓑ ꓗꓴꓷꓼ ꓡ ꓞꓳ ꓔꓳ-ꓣꓴ ꓗꓳ-ꓐꓴ-ꓔ꓾ ꓴꓢꓮ ꓗꓴꓷꓼ ꓡ ꓞꓳ ꓚꓳ-ꓕꓯꓸ-ꓳꓸ ꓐꓴ ꓥ ꓡꓳ꓿
ꓡꓲꓹ ꓖꓶ ꓡ ꓢꓴ ꓐꓴ ꓔꓯ ꓮ ꓟꓶ ꓕꓲ ꓧꓪꓹ ꓣꓴ ꓠ ꓗꓷ ꓡꓰ ꓠꓬ ꓮ ꓟꓶ ꓜꓰ ꓞꓹ ꓢꓰꓽ ꓟ ꓝꓴꓲꓸ ꓪ ꓒꓵꓽ ꓔꓯ ꓟꓯꓻ ꓠ ꓗ ꓡꓳ꓾ ꓐꓰ ꓞꓳꓹ ꓩꓴ ꓡ ꓡꓳ꓿ ꓠꓱꓸ ꓐꓯꓼ ꓝꓴꓲꓸ ꓠꓰ ꓡꓴꓽ ꓟꓶ ꓔꓸ ꓢꓴ ꓮ ꓟꓬꓹ ꓟ ꓠꓯꓸꓼ ꓗꓪ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓑꓶꓸ ꓢꓴ ꓡꓴꓽ ꓟꓶ ꓔꓸ ꓕꓲ ꓐꓱ꓾ꓐꓲ ꓜꓳꓽꓠꓴꓽ ꓢꓯꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓕꓲ ꓐꓱ ꓓꓳ ꓡ ꓡꓳ꓿
“ꓝꓴꓲꓸ ꓟꓽ ꓙꓳ ꓢꓴ ꓔꓯ ꓮ ꓔꓳ ꓔꓳ ꓞꓳꓹ ꓡꓴꓽ ꓢꓲꓸ ꓡꓲꓹ ꓖꓶ ꓩꓴ ꓡ ꓟ ꓔꓯ ꓮ ꓫꓵꓽ ꓫꓸ ꓟꓳ ꓐꓯ ꓓꓴ ꓟꓽ ꓙꓳ” ꓐꓰ ꓠꓴꓖ ꓗꓴꓷꓼ ꓙꓵꓽ ꓜꓴ ꓞꓳ ꓤ ꓙꓵꓽ ꓪ ꓔꓯ ꓟꓳꓸ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰꓹ ꓡꓰ ꓐꓯ ꓔꓸ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ 2023 ꓕꓯꓽ ꓬꓰ ꓔꓳꓼ ꓟ ꓢꓲꓻ ꓣꓴ ꓑꓮꓲ ꓐꓱ ꓶ ꓗꓴꓷꓼ ꓜꓴ ꓐꓰ ꓮ-ꓢꓰ-ꓬ ꓗꓪ ꓐꓰ ꓘꓳ ꓣꓴ ꓡ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓾ ꓐꓰ ꓐꓯ ꓔꓸ ꓡꓳ꓿
ꓟꓲꓸ ꓟꓲ ꓡꓳꓹ ꓩꓴ ꓡ ꓢꓴ ꓮ ꓙꓵꓽ ꓠꓬ 5774 ꓣꓳ ꓥ ꓡꓳ ꓐꓰ ꓟꓯꓼ ꓗꓳ-ꓢꓰ ꓡꓰ ꓢꓷ ꓙꓴ ꓙ ꓔꓸ ꓡꓳ꓿